Apocalipsi 1:5 - Tachi Ak'õre Pedea

⁵ Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 1:5 Iomraidhean Croise

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Mateo 28:18

Mãɨne Jesú ãchi k'ait'a chek'ari jarasima: —Tachi Ak'õrepa mɨá jua chaarea teasima pajãne mãɨnepa nãɨ ĩjũane ne ãarea mɨ juade uru bamẽrá.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 13:34

»Mɨa oopi bɨ pedea chiwidi mãrá jararuma: minachia chi k'ɨ̃ria p'anat'ɨ. Mɨa mãra minachia k'ɨ̃ria bɨ jĩra mãra sida abarik'a chi k'ɨ̃riat'ɨ.

Juan 15:9

Mɨa mãra k'ɨ̃ria bɨma mɨ Ak'õrepa mɨ k'ɨ̃ria bɨ jĩra. Mãɨpuru mɨa mãra k'ɨ̃rianepa p'anat'ɨ.

Juan 18:37

Mãɨpuru Pilatopa jarasima: —¿Mãɨya bɨpɨra piarã pɨ poro jũra jɨ̃parí jɨ̃ bɨk'ãra? Jesupa p'anoosima: —Ãjã, pɨa mãɨya jara k'ɨ̃ria bɨpɨra, mɨ ẽpẽerã ãchi poro jũra jɨ̃parí jɨ̃ bɨpɨ. Maamina mɨ nãɨ ĩjũanea chesima chi piarãpẽa pedea jarateai k'orea. Jõma chi piarãpẽa k'ɨ̃ria p'anɨpa mɨ pedea ĩjãapatama.

Juan 3:11

Piarã ara mɨa pɨá jararuma: taipa k'awa p'anɨnepa mãɨnepa unu p'anɨnepa pedea p'anɨma maamina taipa pedea p'anɨt'a mãrapa ĩjãanak'ama.

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Juan 3:32

Ichiapuru pedea bɨma pajãne ununa k'orea mãɨnepa ũrina k'orea. Maamina ichia pedea bɨt'a mi ãpia pida ĩjãanak'ama.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Hecho 26:23

Ãchia jarapachidama Tachi Ak'õrepa Tachi K'aripaparí teai jarada mĩa bai basit'a mãɨnepa chi piudadepema naa chok'ae p'irabarii basit'a, chi tachi k'aripai ɨnaa bɨt'a judiorã́ mãɨnepa judiorãwẽa jarai k'orea.

Romano 3:25

Tachi Ak'õrepa Jesucristo bɨsima ichi oa ãrimẽrá tachi nemietá k'orea. Mãɨne ĩjãautade Tachi Ak'õrepa tachi nemietá k'ɨ̃risia atuaparima. Mãɨpa unupi bɨma Tachi Ak'õre jĩp'a bɨt'a tachi k'aripai k'orea. Cristo chei naena nemietá oodada Tachi Ak'õrepa ãarea choa bɨdepa ɨtɨawẽa basima.

Romano 8:37

Maamina Cristopa tachi k'ɨ̃ria bɨma. Ichidepa jõma mãɨ tachia p'uepatama.

1 Corintio 6:11

Naena, mãranepema chi está mãɨya p'anapachidama. Maamina mãrapa nemietá oodada Tachi Ak'õrepa sɨɨsima, ichi pae pia bɨsima mãɨnepa nepɨra newẽa bɨade asima Tachi Chipari Jesucristodepa mãɨnepa ichi Jaoredepa.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Ep'esio 2:4

Maamina Tachi Ak'õrepa minachia k'ĩra chupuriaparima. Ichia tachi minachia k'ɨ̃ria bɨ pẽra

Ep'esio 5:2

Jõmãɨrã k'ɨ̃riat'ɨ Cristopa tachi k'ɨ̃ria bɨ unupida jĩra. K'ɨ̃rianepa tachi k'orea ara ichi itu peapisima Tachi Ak'õrea ãnimara paatearu jĩra. Tachi Ak'õrepa mãɨ pia unusima.

Colosense 1:18

Cristo ichi ẽpẽrarã chiparipɨ. Ichidepa ãchi p'anɨma. Ichi ewaricha chok'ae bai k'orea naa chok'ae p'irabarisima. Mãɨpuru ne ãarea k'aepẽra chi atepe bɨma.

1 Timoteo 6:13

Ãarea chok'ae berã Tachi Ak'õrenepa chok'ae p'anɨma. Ara mãɨ Tachi Ak'õre k'ĩrari mɨa jararuma pɨa oo bamẽrá. Jesucristo k'ĩrari pida abarik'a jararuma ichia piarã pedea Poncio Pilato k'ĩrari jarada jĩra. Mɨa nãɨ jararuma: mɨa jaratea bɨ k'ĩra jĩp'a oo base waapẽarãpa pɨ k'orea k'achia pedeadaemaapa, aba Tachi Chipari Jesucristo cherudea.

1 Timoteo 6:15

Tachi Ak'õrepa bɨda ewaride ichi unupiipɨ. Abapuru Tachi Ak'õret'u chi piapɨ, mãɨnepa jõmãɨrã chi Chiparipɨ. Ichi jõmãɨrã poro jũra jɨ̃parí jɨ̃ p'anɨrã k'aepẽra ichit'u chi Atepe Bɨpɨ, ichiaba jõmãɨrã chiparirã k'aepẽra ichit'u chi Atepe Bɨpɨ.

Hebreo 10:29

Mãɨpa ¿sãmaasã́ k'ɨ̃risia p'anɨma? ¿Tachi Ak'õrepa chi ichi Warra itu bɨpataɨ atepe ɨtɨaiwẽk'ãra? Tachi Ak'õrepa ichi Warra oadepa pedea chiwidi ausima tachi ichi pae pia bɨi k'orea. Mãɨyara chi Tachi Ak'õre Warra oa ãrina piawẽa bɨade apataɨrã ¿ichia atepe ɨtɨaiwẽk'ãra? Mãɨ awara Tachi Ak'õre Jaorepa ichi sõpiadepa tachi k'aripa bɨma. Mãɨyara chi Tachi Ak'õre Jaore k'orea mietá bɨade apataɨrã ¿ichia atepe ɨtɨaiwẽk'ãra?

Hebreo 9:14

Mãɨyapɨra, ¿Cristo oapa tachi atepe piipará bɨwẽk'ãra? Cristo nemietá newẽa basima. Tachi Ak'õre Jaore piuk'apɨɨpa k'aripada pẽra ara ichi itu peapisima ãnimara Tachi Ak'õrea paatearu jĩra. Nemietá oo p'anɨ k'orea tachi piudai p'anasidama. Maamina Cristopa ara ichi itu peapida pẽra tachia nemietá oodada Tachi Ak'õrepa k'ɨ̃risia atuak'ari tachi k'ɨ̃risia jĩp'a bɨsima. Mãɨya chi Tachi Ak'õre chok'ae bɨpa k'ɨ̃ria bɨt'a tachia mãɨ p'ue oodaipɨ.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

Apocalipsi 11:15

Tachi Ak'õrepa ɨt'aripa peeda sietedepema chi k'aadea bɨpa ichi ãnimara k'achu chaasima. Mãɨne pajãne chok'ará nãɨya jĩk'ua pedeasidama: «Chi nãɨ ĩjũanepema poro jũra jɨ̃parí jɨ̃ p'anɨrãpa ãchi jua ek'ari naena uru p'anana, Tachi Chipari mãɨnepa ichi Cristopa mãɨ ãarea ãchi juade uru p'aneesidama». Idiipa naa Tachi Ak'õre ewaricha ãareaɨrã Chipari baipɨ.

Apocalipsi 11:3

Mãɨ ewaride mɨa ẽpẽra ume tea peeipɨ mãɨrãpa mɨ k'orea pia pedeadamẽrá. Ãchia neet'á sõp'ua p'anɨne jɨ̃pataɨ jɨ̃nak'ari maapae Tachi Ak'õre k'orea pedeadaipɨ 1.260 ewari bɨpari».

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 19:11

Mãɨya nak'ari mɨa unusima pajãne eda wãpataɨ ewa nɨbɨ. Mãɨya bɨde mũra t'ot'oa bɨt'a chesima. Mãɨ mũra ɨ̃rɨ suak'abari bɨt'a Chi Ichia Jarada Jĩra Abarik'a Oo Bɨade apatama mãɨnepa Chi Piarãane apatama. Ichia ẽpẽerã nepɨra jĩp'a ak'ɨparima mãɨnepa jĩp'a oo bɨdepa chi nek'ĩramá ome k'ĩruuparima.

Apocalipsi 19:16

Ichi anamari jɨ̃ bɨde ichi mak'ara ɨ̃rɨ nãɨ t'ɨ̃ bɨ uru bɨma: «Jõmãɨrã poro jũra jɨ̃parí jɨ̃ p'anɨrã k'aepẽra ichit'u chi Atepe Bɨpɨ» ichiaba «Jõmãɨrã chiparirã k'aepẽra ichit'u chi Atepe Bɨpɨ».

Apocalipsi 2:13

»Mãrapa oo p'anɨt'a mɨa k'awa bɨma. Mãɨnepa k'awa bɨma ara mãra p'anapatamá tiore chi ichi suak'a beeparí auk'ará bɨde suak'abari bɨt'a. Maamina mãra mɨ paara wapida p'anɨma. Maamina chi tioredepemarãpa ũpẽa Antipa peasidaɨde mɨ k'orea piarã pedeada pẽra, mɨne ĩjãa p'anɨt'a itu bɨdaé pasima.

Apocalipsi 3:14

»Chi Laodicea p'uurudepema ũpẽarã ak'ɨparí Tachi Ak'õrepa ɨt'aripa peeda pae k'art'ade nãɨya bɨse: »Chi Piarãpẽa Pedea apataɨpa Tachi Ak'õre k'orea piarã jõma arí jaraparima. Ichidepa Tachi Ak'õrepa nejõma oosima. Ichia nãɨya jara bɨma:

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.