Apocalipsi 1:1 - Tachi Ak'õre Pedea

¹ Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.

Apocalipsi 1:1 Iomraidhean Croise

Juan 12:49

Mɨ ara mɨchidepa pedeawẽma. Mɨ Ak'õre, chi mɨ nãmá peedapa mɨá jarasima k'ãre jarai bɨt'a mãɨnepa sãmaasã́ mãɨ pedea jarai bɨt'a.

Juan 15:15

Mɨa mãra waa mɨ pae pari mimiapataɨrãane awẽma. Chi chipari pae pari mimiaparipa ichi chiparipa ooi k'ɨ̃risia bɨ atua bɨma. Naapae mãra mɨ chi k'õp'ãerorãpɨ. Mɨa mãrá k'awapisima ne ãarea mɨ Ak'õrenepa ũrinat'a.

Juan 17:8

Pɨa mɨá jarada mɨa ãchiá jarateasima. Ãchia mãɨ pedea ĩjãasidama. Mãɨpuru k'awa p'anɨma piarã mɨ pɨmãɨpa chesit'a. Piarã ĩjãa p'anɨma pɨa mɨ peesit'a.

Juan 3:32

Ichiapuru pedea bɨma pajãne ununa k'orea mãɨnepa ũrina k'orea. Maamina ichia pedea bɨt'a mi ãpia pida ĩjãanak'ama.

Juan 8:26

Mɨa ne minachia mãra k'orea pedeai bɨma, mãra nepɨra pará p'anɨane ai k'orea. Maamina mãɨyaiwẽma. Chi mɨ peeda pedea piarãpɨ. Mɨa chi ichidepa ũri bɨt'a nãɨ ĩjũanepemarã́ jaraparima.

Romano 16:25

Mɨa pedea pia Jesú k'orea jaratea baparima. Ara mãɨ pedeadepa Tachi Ak'õrepa mãra p'ue k'aripaipɨ chaarea p'ananamẽrá. Mãɨ pedea Tachi Ak'õrepa naena k'awapiwẽa basima maamina idiapae k'awapisima. Chi ichi pari pedeapataɨrãpa mãɨ k'art'ade bɨsidama. Tachi Ak'õre piuk'apa mãɨya bɨpisima tuachapemarãpa ũrinak'ari Jesucristode ĩjãanamẽrá. Tachi Ak'õrea pia pedeadai p'anɨma.

Gálata 1:12

Mãɨ pedea mɨa mi ãpia pida ẽpẽranepa k'awaé pasima. Mi ãpia pida ẽpẽrapa mɨá jarateaé pasima. Mãɨpari Jesucristopa mɨá k'awapisima.

Ep'esio 3:3

Ichia naena k'awapiwẽa bada mɨá k'awapisima. Mãɨ k'orea mɨa nãɨ k'art'ade ãpia bɨsima.

Tito 1:1

Mɨ Pablopɨ, Tachi Ak'õre pae pari mimiaparí mãɨnepa Jesucristopa peedapɨ. Mɨ peesima Tachi Ak'õrepa jɨrɨ atadaɨrãpa ichide ĩjãanamẽrá mãɨnepa chi piarã pedea k'awadak'ari Tachi Ak'õrepa k'ɨ̃ria bɨ jĩra p'ananamẽrá.

Apocalipsi 1:19

Pɨa unu bɨt'a k'art'ade bɨse. Idiapae sãmaasã́ nɨbɨ mãɨnepa k'aadea sãmaasã́ nɨbaidepema sida bɨse.

Apocalipsi 1:9

Mɨ mãra ũpẽa Juanpɨ. Tachi Jesucristo ome p'anɨ pẽra mɨ mãra ome Tachi Ak'õre juadepemapɨ, mãra ome minachia mĩa bɨma, mãɨnepa mãra ome ãarea choa bɨma. Tachi Ak'õre pedea jaratea bɨ k'orea mãɨnepa chi Jesú pedea piarãane a bɨ k'orea mɨ chi p'usade ĩjũa ãpia p'ɨrra bɨ Patmodea ateepisidama.

Apocalipsi 17:1

Chi Tachi Ak'õrepa ɨt'aripa peedaɨrãnepema aba bɨpa chi p'arat'u jãjoa be siete uru bada mɨmá chek'ari maapae nãɨya jarasima: «Wãnama. Mɨa unupiipɨ sãmaasã́ Tachi Ak'õrepa chi wẽra k'achia bɨt'a ɨtɨait'a. Mãɨ “wẽra chi to minachia berãk'á suak'abari baparipɨ”.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.

Apocalipsi 19:9

Tachi Ak'õrepa ɨt'aripa peedapa mɨá jarasima: «K'art'ade nãɨya bɨse: “¡Oveja Chak'e miak'ãipataɨ ewari nek'opataɨmá chi t'ɨ̃naanãɨrã minachia pia p'anɨma!”» Mãɨnepa jarasima: «Mãɨ piarã pedea Tachi Ak'õrepa jaradapɨ».

Apocalipsi 21:2

Mãɨnepa mɨa unusima Tachi Ak'õre p'uuru, chi Jerusalén chiwidi apataɨ, Tachi Ak'õre bɨmãɨpa pajãnepa edá cherut'a. Mãɨ p'uuru pia basima wẽra k'ima atarude minachia k'ak'apia bɨ jĩra.

Apocalipsi 21:9

Maapae Tachi Ak'õrepa ɨt'aripa peedaɨrã p'arat'u jãjoa be siete uru p'anananepema aba mɨmá chesima. Mãɨ Tachi Ak'õrepa ɨt'aripa peedaɨrãpa ãchi p'arat'u jãjoa bede ne siete uru p'ananapa nãɨ ĩjũane be k'aadea minachia mĩapisidama. Chi mɨmá chedapa nãɨya jarasima: «Wãnama. Mɨa chi Oveja Chak'epa k'ima atait'a unupiipɨ».

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.

Apocalipsi 22:16

»Mɨ Jesupɨ. Tachi Ak'õrepa ɨt'aripa peeda peesima mãɨ ãarea ũpẽarã becha jaramẽrá. Mɨ Davidepa chedapɨ, chi ichidepa t'õnapɨ. Mɨ chi ãsã parudepema k'ãk'ãi minachia jẽrat'ĩupariade apatama».

Apocalipsi 22:6

Maapae Tachi Ak'õrepa ɨt'aripa peedapa mɨá jarasima: «Jõma nãɨ pedea piarãpɨ mãɨnepa piarã mãɨne p'ue ĩjãanai p'anɨma. Tachi Chiparipa chi ichi pari pedeapataɨrã́ pedeapiparima. Ichiapuru ichi ɨt'aripa peeda peesima chi ichi pae pari mimiapataɨrã́ k'awapimẽrá tãaraawẽa bɨde k'ãre mãɨyait'a».

Apocalipsi 22:8

Mɨ Juanpɨ. Mãɨ ãarea unusima mãɨnepa ũrisima. Mãɨya nak'ari mɨ Tachi Ak'õrepa ɨt'aripa peeda jĩru k'ait'a sĩraporode bedabari k'obeesima pia pedeai k'orea. Mãɨya oosima ichia jõma mãɨ unupida pẽra.

Apocalipsi 22:9

Maamina ichia jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ ara pɨ jĩra, ũpẽarã Tachi Ak'õre pari pedeapataɨrã jĩra, mãɨnepa jõma nãɨ k'art'ade jara bɨ ĩjãa be jĩra».

Apocalipsi 4:1

Mãɨya nak'ari mɨa k'ãmok'araa jĩra unusima pajãne eda wãpataɨ ewa nɨbɨt'a. Mãɨne mɨa ãnimara k'achu pedea jĩra naena ũri badapa jarasima: «Nãma ɨt'aa chese. Mɨa pɨá unupiipɨ nãɨ ewari cherude chi mãɨ ne bai bɨt'a».

Apocalipsi 5:7

Mãɨne chi Oveja Chak'e chi Tachi Ak'õre suak'a beeparí auk'ará bɨmá wãk'ari, maapae ichi juaraarapa chi k'art'a jitasima.