2 Juan 1:3 - Tachi Ak'õre Pedea

³ Mãɨ piarã pedea ĩjãa p'anɨ pẽra mãɨnepa chi k'ɨ̃ria p'anɨ pẽra, mɨa k'ɨ̃ria bɨma Tachi Pajãnepema Ak'õrepa mãɨnepa Tachi Ak'õre Warra Jesucristo ome ãchi sõpiadepa mãra k'aripa p'ananait'a, k'ĩra chupuria p'ananait'a mãɨnepa ne k'ɨ̃risiawẽa p'anapidait'a.

2 Juan 1:3 Iomraidhean Croise

Romano 1:7

Mɨa nãɨ k'art'a bɨruma ãarea Romanepema ũpẽarã pae. Tachi Ak'õrepa mãra k'ɨ̃ria bɨma mãɨnepa t'ɨ̃sima ichi ẽpẽrarã p'ananamẽrá. Mɨa k'ɨ̃ria bɨma Tachi Pajãnepema Ak'õrepa, Tachi Chipari Jesucristo ome ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

1 Timoteo 1:14

Tachi Chipari Jesucristopa ichi sõpiadepa mɨ minachia k'aripasima ichide ĩjãamẽrá mãɨnepa ichi k'ɨ̃ria uru bamẽrá.

1 Timoteo 1:2

Timoteo, mɨa nãɨ k'art'a pɨ pae bɨruma. Mɨnepa Cristode ĩjãana pẽra pɨ piarã mɨ warra jĩra bɨma. Mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida ãchi sõpiadepa pɨ k'aripa p'ananamẽrá, k'ĩra chupuria p'ananamẽrá mãɨnepa ne k'ɨ̃risiawẽa bapi p'ananamẽrá.

2 Timoteo 1:13

Mɨa jĩp'a jaratea bada jĩra jaratea base. Jesucristode ĩjãa bɨdepa, waapẽarã k'ɨ̃rianepa nipase.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

2 Juan 1:1

Mɨ Chõapɨ. Mɨa nãɨ k'art'a bɨruma wẽra Tachi Ak'õrepa jɨrɨ atada pae mãɨnepa ichi warrarã pae pida. Mɨa mãra piarã k'ɨ̃ria bɨma. Mɨapuru mãra k'ɨ̃ria bɨwẽma, mãɨpari jõma chi piarãpẽa pedea k'awapataɨrãpa mãra k'ɨ̃ria p'anɨma.