1 Juan 4:9 - Tachi Ak'õre Pedea

⁹ Tachi Ak'õrepa tachi k'ɨ̃ria bɨt'a unupisima ichi Warra aba bɨ nãɨ ĩjũanea peeside ichidepa ewaricha chok'ae p'ananamẽrá.

1 Juan 4:9 Iomraidhean Croise

Marco 12:6

»Chi chiparipa mãicha ẽpẽra aba uru basima; mãɨ ichi warra minachia k'ɨ̃ria bɨ pasima. “Mɨ warra wap'eadai p'anɨék'ãra” a k'ɨ̃risiak'ari, mãɨ peesima.

Luca 4:18

«Tachi Ak'õre Jaore mɨ ome bɨma. Ichia mɨ jɨrɨ atasima chi nenea k'edea jaramẽrá Tachi Ak'õrepa ãchi k'aripait'a. Ichia mɨ peesima chi k'ɨ̃risia pará, sõp'ua be sõpiapik'oamẽrá, chi jita uadaadaɨrã ãchi k'ẽet'aapii jaramẽrá, tau p'ãrio be unupimẽrá, chĩara jua chaareade mĩa be pia bɨk'oamẽrá mãɨnepa jaramẽrá nãɨ ewaride Tachi Chiparipa ẽpẽrarã pia ooit'a».

Juan 10:10

Chi nechɨaparí cheparima oveja chɨai k'orea, peai k'orea mãɨnepa atuapii k'orea. Maamina mɨ chesima ẽpẽerãpa chok'ae bai ara minachia uru p'ananamẽrá.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Juan 3:18

Tachi Ak'õrepa chi ichi Warrade ĩjãa bɨt'a nepɨra pará bɨade a bɨwẽma. Maamina chi ichi Warrade ĩjãawẽa bɨt'a Tachi Ak'õrepa mãɨ nepɨra pará bɨade aparima, ichi Warra aba bɨt'a itu bɨda pẽra.

Juan 5:23

Mãɨya ãareaɨrãpa mɨ Ak'õre wap'ea p'anɨ jĩra mɨ sida wap'eadaipɨ. Chi mɨ wap'eawẽa bɨpa mɨ Ak'õre sida wap'eawẽa bɨma, mɨ Ak'õrepa mɨ nãɨ ĩjũanea peeda pẽra.

Juan 6:29

Jesupa p'anoosima: —Tachi Ak'õrepa oopi bɨ nãɨpɨ: chi ichia Peedade ĩjãanai p'anɨma.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

Juan 6:57

Mɨ Ak'õre chok'ae baparipa mɨ peesima. Ya mɨ ichidepa chok'ae bɨma. Ara mãɨ jĩra chi mɨ k'ak'ua k'o bɨpa mɨnepa chok'ae baipɨ.

Juan 8:29

Mɨ Peeda mɨ ome bɨma. Mɨ Ak'õrepa mɨ tuaba ameek'ama mɨa ewaricha ichia k'ɨ̃ria bɨt'a oo bapari pẽra.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Juan 9:3

Jesupa p'anoosima: —Ichia nemietá oodadepa wa chi ak'õrerãpa nemietá oodaadadepa jãɨya t'õé pasima. Mãɨpari chi tau p'ãrio t'õsima ichidepa Tachi Ak'õrepa ne oorut'a ẽpẽerãpa ununamẽrá.

Romano 8:32

Piarã Tachi Ak'õrepa ichi Warra wãak'aé pasima mãɨpari jõma tachi k'orea itu peapisima. Mãɨpuru ¿ichia tachiá nejõma pia Cristo ome ará teaiwẽk'ãra?

Hebreo 1:5

Chi ichia ɨt'aripa peeda abaɨa nãɨya jaraé pasima: «Pɨ mɨ Warrapɨ. Idi pɨ mɨ Warraade aruma». Mãɨnepa ãchi k'orea nãɨya jaraé pasima: «Mɨ ichi ak'õre paipɨ, mãɨnepa ichi mɨ warra paipɨ».

1 Juan 3:16

Nãɨne tachia k'awa p'anɨma tachi ũpẽarã k'ɨ̃ria p'anɨt'a: Jesucristo tachi k'orea piusima. Ara mãɨ jĩra tachi sida k'ɨ̃rianepa ũpẽarã k'orea piudai k'orea p'ananai p'anɨma.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

1 Juan 4:16

Tachia k'awa p'anɨma mãɨnepa ĩjãa p'anɨma Tachi Ak'õrepa tachi k'ɨ̃ria bɨt'a. Tachi Ak'õrepa ne ãareaɨne k'ɨ̃ria bɨma. Chi piarã k'ɨ̃ria uru bɨ Tachi Ak'õre ome bɨma mãɨnepa Tachi Ak'õre ichi ome bɨma.

1 Juan 5:11

Tachi Ak'õrepa jara bɨ nãɨpɨ: ichi Warradepa tachi ewaricha ichi ome chok'ae p'anapiipɨ.

1 Juan 5:13

Mɨa nãɨ k'art'a mãra chi Tachi Ak'õre Warrade ĩjãa be pae bɨruma k'awadamẽrá ewaricha Tachi Ak'õre ome chok'ae p'ananait'a.