1 Juan 4:11 - Tachi Ak'õre Pedea

¹¹ Ũpẽarã, Tachi Ak'õrepa tachi mãɨya k'ɨ̃riana pẽra tachi sida chi k'ɨ̃ria p'ananai p'anɨma.

1 Juan 4:11 Iomraidhean Croise

Luca 10:37

Mãɨne chi Moisepa bɨda jarateaparipa p'anoosima: —Chi sõchupuriadapa. Jesupa ichiá jarasima: —Ara mãɨ jĩra ẽpẽra abaɨ k'ɨ̃riase.

Juan 13:34

»Mɨa oopi bɨ pedea chiwidi mãrá jararuma: minachia chi k'ɨ̃ria p'anat'ɨ. Mɨa mãra minachia k'ɨ̃ria bɨ jĩra mãra sida abarik'a chi k'ɨ̃riat'ɨ.

Ep'esio 4:31

Jõma chi mãrapa abaɨ k'orea sõne piawẽa k'ɨ̃risiapataɨ, sõnepa k'ĩruupataɨ, k'ĩruu pedeapataɨ, ɨbɨa k'ĩruu pedeapataɨ, waapẽarã k'orea k'achia pedeapataɨ, mãɨnepa ãarea waapẽarã piawẽa oodai k'ɨ̃risiapataɨ itu bɨt'ɨ.

Colosense 3:13

Jõmãɨrã ome choa k'awa p'anat'ɨ. Abaɨpa piawẽa oosira mãɨ piawẽa ooda k'ɨ̃risia atuat'ɨ. Mãrapa piawẽa oodada Tachi Chiparipa k'ɨ̃risia atuada jĩra mãra pida k'ɨ̃risia atuat'ɨ.

1 Juan 2:7

Ũpẽarã, mɨa mãra pae bɨwẽa bɨma, chi Tachi Ak'õrepa oopi bɨ pedea chiwidit'a, mãɨpari bɨ bɨma ichia naena jara bɨeda. Mãɨ jara bɨeda mãrapa Cristode ĩjãasidaedapema k'awa p'anɨma. Mãɨ naena jara bɨeda chi mãrapa ichi k'orea ũrinaanapɨ.

1 Juan 3:11

Chi mãrapa ĩjãasidaedapema ũri p'anɨ pedea nãɨpɨ: tachi chi k'ɨ̃ria p'ananai p'anɨma.

1 Juan 3:23

Mãɨ oopi bɨ pedea nãɨpɨ: ichi Warra Jesucristode ĩjãanait'a mãɨnepa chi k'ɨ̃ria p'ananait'a ichia tachiá jarada jĩra.

1 Juan 4:7

Ũpẽarã, tachi chi k'ɨ̃ria p'ananai p'anɨma, Tachi Ak'õrepa tachiá tachi ũpẽarã piarã k'ɨ̃riapipari pẽra. Jõma chi k'ɨ̃ria uru be Tachi Ak'õrenepa t'õnaanarãpɨ mãɨnepa Tachi Ak'õre k'awa p'anɨma.

2 Juan 1:5

Ũpẽawẽra, mɨa chichupuria idiruma tachi chi k'ɨ̃rianamẽrá. Mãɨ Tachi Ak'õrepa oopi bɨ pedea chiwidiwẽma, mãɨpari mãɨ tachia naenaena ũri p'anasima.