1 Juan 3:12 - Tachi Ak'õre Pedea

¹² Caín jĩra p'ananaiwẽa p'anɨma. Tioredé pasi pẽra ichi ũpẽa peasima. ¿K'ãre k'orea ichi ũpẽa peasima? Peasima ichi ũpẽapa oo bada Tachi Ak'õre k'ĩrari pia bada pẽra mãɨnepa ichia ooda piawẽa bada pẽra.

1 Juan 3:12 Iomraidhean Croise

Mateo 13:19

Chi net'a tau ode p'oda nãɨya jara k'ɨ̃ria bɨma: Pajãne Bɨpa ichidirã ichi juade ua bɨ k'orea abaɨ pida ũrik'ari k'awaepɨra, tiorepa mãɨ pedea ichi sõne cheda k'ɨ̃risia atuapiipɨ.

Mateo 13:38

Ne uu ĩjũa jara k'ɨ̃ria bɨma nãɨ ĩjũa ãarea. Chi ne uu tau pia jara k'ɨ̃ria bɨma Pajãne Bɨpa ichidirã ichi juade ua bɨdepema ẽpẽrarã. Chi ne uu jara k'ɨ̃ria bɨma tiore mietaaderã.

Mateo 23:35

Mãɨpuru jõma chõarãenapemarã jĩp'a berã peadada k'orea, Tachi Ak'õrepa mãra ɨtɨaipɨ: Abel jĩp'a bɨ peadada k'orea, Berequía warra Zak'aria peadada k'orea mãɨnepa ãarea waapẽarã peadada k'orea pida. Zak'aria Tachi Ak'õre te tajataria chi ãnimara paapataɨ k'ait'a peasidama.

Mateo 27:23

Pilatopa idisima: —¿K'ãre k'orea mãɨya ooima? Ichia ¿k'ãre nemietá oosima? Mãɨya pedea bɨde ãchia ara mãɨ wariara ɨbɨa bia para beesima: —¡K'urusude barijira bɨk'ari peapise!

Mateo 5:37

Mãrapa ne oodayade adaipɨra, oot'ɨ. Ichiaba oodawẽane adaipɨra, oorãt'ɨ. Mãɨ paritua t'ɨ̃ne piarã ne ooyade a jarasira mãɨ pedea nemietaadepa che bɨma.

Juan 10:32

Mãɨne Jesupa jarasima: —Mɨ Ak'õrenepa minachia nepia mãrá unupisima. ¿Chi sãkɨɨ nepia ooda k'orea mɨ mawarapa bat'a peadaima?

Juan 8:40

Mɨa mãrá piarã pedea jara bɨma Tachi Ak'õrepa mɨá k'awapida jĩra. Maamina mãrapa mɨ pea k'ɨ̃ria p'anɨma. ¿Abrahanpa mãɨya oosik'ãra?

Juan 8:41

Mãrapa machi ak'õrepa oopari jĩra oopatama. Mãɨne ãchia jarasidama: —¡Maamina tai wẽra tuu bɨpa t'õnawẽma! Taipa Ak'õre abapuru uru p'anɨma. Mãɨ Tachi Ak'õrepɨ.

Hecho 7:52

Ãchia Tachi Ak'õre pari pedeapataɨrã ãarea mĩapisidama. Chi Ẽpẽra Jĩp'a Bɨ chei k'orea jaradada sida peapachidama. Ara mãɨ jĩra mãrapa mãɨ Ẽpẽra Jĩp'a Bɨ jitadak'ari peasidama.

1 Tesalonicense 2:14

Ũpẽarã, mãrapa ĩjãa p'anɨ k'orea ara machi tuadepemarãpa mãra piawẽa oo p'anasidama ẽpẽrarã Tachi Ak'õrenepemarã judiorã tuade mãɨyana jĩra. Mãma Jesucristode ĩjãapataɨrã judiorã chi ĩjãanak'apɨɨrãpa piawẽa oo p'anasidama.

Hebreo 11:4

Abelpa Tachi Ak'õrene ĩjãa bada pẽra, Caínpa teada k'aepẽra nepia bɨt'a teasima. Ĩjãana pẽra ichia teada Tachi Ak'õrepa pia unuk'ari, jarasima ichi jĩp'a basit'a. Abel piudamina ichia piarã ĩjãa badapa tachiá wapida k'awapi bɨma Tachi Ak'õrene ĩjãanai p'anɨt'a.

Hebreo 12:24

Mãra Jesumá chesidama. Ichidepa Tachi Ak'õre ẽpẽerã ome pedea chiwidi auside mãra ichia oa jĩp'odamá chesidama. Jesú oa ãrina Abel oa ãrina k'aepẽra mãɨpa tachiá atepe k'awapi bɨma.

1 Pedro 4:4

Naapae mãrapa waa chi Tachi Ak'õrene ĩjãanak'apɨɨrã ome nemietá oodak'a pẽra, ãchia k'awa k'ɨ̃risiadak'ama. Mãɨ k'orea mãra k'orea piawẽa pedeapatama.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

Juda 1:11

¡Miachupuri p'anɨma chi nemietaade nipapataɨrã! Caínpa ooda jĩra oopatama. Erreara k'ɨ̃ria p'anɨnepa Balaampa ooda jĩra piawẽa oo nipapatama. Corepa Moisé itu bɨda jĩra ara mãɨya Tachi Ak'õre itu bɨ p'anɨ pẽra ãchi sida ɨtɨaipɨ.

Apocalipsi 17:6

Mãɨ ak'ɨside k'awasima mãɨ wẽra ẽpẽerã Tachi Ak'õreneerã oa torudepa piu basit'a, chi Jesude ĩjãapataɨrã peadada oapa. Mɨa mãɨ wẽra unuk'ari, waa k'awa k'ɨ̃risiawẽa beesima.