1 Juan 2:3 - Tachi Ak'õre Pedea

³ Tachi Ak'õrepa oopi bɨ pedeat'a tachia oo p'anɨpɨra, unupidai p'anɨma ichi piarã k'awa p'anɨt'a.

1 Juan 2:3 Iomraidhean Croise

Luca 6:46

»Mɨa jara bɨ mãrapa oodak'ama. Mãɨ ¿k'ãre k'orea “Tai Chipari, Tai Chipari” apatama?

Juan 14:15

»Mãrapa mɨ piarã k'ɨ̃ria p'anɨpɨra, mɨ pedea oo p'ananaipɨ.

Juan 15:10

Mɨa oopi bɨ pedea oodaipɨra, piarã mɨa k'ɨ̃rianepa p'ananaipɨ. Ara mãɨ jĩra mɨ Ak'õrepa jara bɨeda oo bɨ pẽra ichia k'ɨ̃rianepa baparima.

Juan 15:14

Mɨa jara bɨeda mãrapa oodaipɨra mãra mɨ chi k'õp'ãerorãpɨ.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

2 Corintio 4:6

Nãɨ ĩjũa jõma p'ãrio nɨbada Tachi Ak'õrepa ɨnaapisima. Ara mãɨ jĩra ichi ɨnaa bɨt'a tachi sõne ɨnaapisima. Mãɨpa jara bɨma ichi k'ĩrawãrea Cristodepa tachiá k'awapisit'a.

Hebreo 5:9

Ne ãareaɨne arí ooda pẽra, chi ichi pedea ũriutarã ãarea k'aripaipɨ ewaricha chok'ae p'ananamẽrá.

1 Juan 2:13

Chõarã, mɨa nãɨ k'art'a mãrá bɨruma chi naenaena bada wapida bɨt'a mãɨ mãrapa k'awa p'anɨ pẽra. K'ũtãarã, mɨa nãɨ k'art'a mãrá bɨruma tiore p'uedada pẽra. Warrarã, mɨa nãɨ k'art'a mãrá bɨruma Tachi Pajãnepema Ak'õre k'awasida pẽra.

1 Juan 3:14

Tachia ũpẽarã k'ɨ̃ria p'anɨ pẽra k'awa p'anɨma tachi piu p'anana chok'ae p'aneesidat'a. Chi ichi ũpẽa k'ɨ̃riawẽa bɨ wapida piu bɨma.

1 Juan 3:19

Mãɨnepa k'awa p'anɨma tachi piarã Tachi Ak'õrenet'a. Mãɨnepa ara tachi sõne nemietá oo p'anɨane a k'ɨ̃risiadaipɨra, Tachi Ak'õre k'ĩrari p'ue ne k'ɨ̃risiawẽa p'ananaipɨ. Tachi Ak'õrepa tachi k'orea pia k'awa bɨma chi tachi sõne k'ɨ̃risia p'anɨ k'aepẽra. Ichia jõma k'awa bɨma.

1 Juan 3:6

Chi ichi ome ará bɨpa nemietá ook'ama. Maamina chi nemietá oo bɨpa Jesucristo atua bɨma mãɨnepa sãmaasã́ bɨt'a k'awak'ama.

1 Juan 4:13

Tachi Ak'õrepa ichi Jaore tachiá teada pẽra k'awa p'anɨma tachi Tachi Ak'õre ome p'anɨt'a mãɨnepa ichi tachi ome bɨt'a.

1 Juan 4:7

Ũpẽarã, tachi chi k'ɨ̃ria p'ananai p'anɨma, Tachi Ak'õrepa tachiá tachi ũpẽarã piarã k'ɨ̃riapipari pẽra. Jõma chi k'ɨ̃ria uru be Tachi Ak'õrenepa t'õnaanarãpɨ mãɨnepa Tachi Ak'õre k'awa p'anɨma.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

1 Juan 5:2

Tachia Tachi Ak'õre k'ɨ̃ria p'anɨpɨra mãɨnepa ichia oopi bɨ pedeat'a oo p'anɨpɨra, k'awa p'anɨma ichi warrarã sida k'ɨ̃ria p'anɨt'a.

1 Juan 5:3

Tachi Ak'õre piarã k'ɨ̃ria p'anɨpɨra, ichia oopi bɨ pedea ãarea oodaipɨ. Ichia oopi bɨ pedea t'ajuwẽa bɨma.

Apocalipsi 12:17

Mãɨpuru chi je minachia k'ĩruusima chi wẽra ome. Ara mãɨne chi wẽranepa chedaadarã ome k'ĩruune wãsima. Mãɨ chedaadarã chi Tachi Ak'õrepa oopi bɨ pedea oopataɨrãpɨ, mãɨnepa chi Jesucristopa jarateadade ĩjãapataɨrãpɨ.

Apocalipsi 14:12

Mãɨpuru Tachi Ak'õre ẽpẽerãpa minachia ĩjãa p'anɨnepa chi ichia oopi bɨ pedea ũri p'ananai p'anɨma mãɨnepa minachia choadai p'anɨma.

Apocalipsi 22:14

»Minachia pia p'anɨma chi neet'á pia sɨɨ uru bet'a. Ãchi p'uurude eda wãnai p'anɨma nejõ tachi chok'ae p'anapiparí jõnai k'orea.