1 Juan 1:5 - Tachi Ak'õre Pedea

⁵ Taipa Jesucristodepa ũrinana mãrá jara p'anɨ nãɨpɨ: Tachi Ak'õre ɨnaa bɨ jĩra bɨma ne ãareaɨne jĩp'a bɨ pẽra. Mãɨpa ichide p'ãrio mi ãpia pida newẽma.

1 Juan 1:5 Iomraidhean Croise

Juan 1:19

Nãɨ chi Juanpa ara ichi k'orea jaradapɨ. Judiorã chaarearãpa Jerusalenepa p'aarerã mãɨnepa Levidepemarã Juanmá peesidama ichiá nãɨya ididamẽrá: —¿Pɨ k'aima? ¿Pɨ Tachi Ak'õrepa Tachi K'aripaparí teai jaradak'ãra?

Juan 1:4

Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Juan 1:9

Chi nãɨ ĩjũane chei badat'a, mãɨ chi piarãpẽa ɨnaa bɨpɨ. Mãɨ ãareaɨrã pae urua bɨma.

Juan 8:12

Mãɨya nak'ari Jesupa ẽpẽerã́ mãicha jarasima: —Mɨ nãɨ ĩjũanepemarã pae ɨnaa bɨ jĩra bɨma. Parituapa mɨ k'aade wãipɨra p'ãrione nipaiwẽma, mãɨpari ɨnaane bɨ pẽra chok'ae baipɨ.

Juan 9:5

Maamina nãɨ ĩjũane bɨde mɨ ẽpẽerã pae ɨnaa bɨ jĩra bɨma mɨ Ak'õre k'orea k'awadamẽrá.

1 Corintio 11:23

Mɨa mãrá jarateada Tachi Chipari Jesudepa k'awasima. Mãɨ nãɨya bɨma: teamasi Tachi Chipari Jesú jitapii naena ichi juade p'ana atasima.

1 Timoteo 6:16

Abapuru ichit'u piuk'ama. Ichi bɨmá achiterrea jẽrat'ĩu nɨbɨ pẽra mi ãpia pida p'ue ara k'ait'a wãnaiwẽma. Ichit'a mi ãpia pida ununawẽa p'anɨma mãɨnepa p'ue ununak'ama. Mɨa k'ɨ̃ria bɨma ewaricha jõmãɨrãpa ichiá pia pedea p'ananait'a mãɨnepa jua chaareadepa jõmãɨrã ua bait'a. Mãɨya beese.

Santiago 1:17

Ɨt'aripa Tachi Pajãnepema Ak'õrepa nejõma minachia pia k'edet'a tachiá teaparima. Ichiapuru nejõma pajãne uruapataɨ ook'oasima. Mãɨrã ewaricha abarik'a uruadak'ama. Mãɨpari Tachi Ak'õre k'ĩra awara bak'ama mãɨnepa k'ĩra awara ook'ama.

1 Juan 3:11

Chi mãrapa ĩjãasidaedapema ũri p'anɨ pedea nãɨpɨ: tachi chi k'ɨ̃ria p'ananai p'anɨma.

Apocalipsi 21:23

Ɨmata mãɨnepa jedek'o newẽa mãɨ p'uuru ɨnaa baparima, Tachi Ak'õre achiterreapa mãɨ ɨnaa bapipari pẽra, mãɨnepa chi Oveja Chak'epa jẽrat'ĩu bapipari pẽra.

Apocalipsi 22:5

Mãma waa k'iu baiwẽma. Tachi Ak'õre Chiparipa ɨnaapii bɨ pẽra, ĩpirawẽa mãɨnepa ɨmatawẽa ẽpẽerã pia p'ananaipɨ. Ewaricha ãchi ichi ome ará chi poro jũra jɨ̃parí jɨ̃ p'anɨrã p'ananaipɨ.