1 Juan 1:3 - Tachi Ak'õre Pedea

³ Taipa ununana mãɨnepa ũrinana mãrá jara p'anɨma mãra sida tai ome ará Tachi Pajãnepema Ak'õre ome mãɨnepa ichi Warra Jesucristo ome pia p'ananamẽrá.

1 Juan 1:3 Iomraidhean Croise

Juan 17:11

»Mɨ nãɨ ĩjũane waa baiwẽma maamina ãchi nãɨ ĩjũane p'aneenaipɨ. Ak'õre, pɨ minachia pia bɨma. Mɨ pɨmá wãru pẽra pɨ t'ɨ̃nepa ãchi minachia ak'ɨ base. Pɨ t'ɨ̃nepa, mɨ mãɨya jua chaarea beepisima, ãchi k'ak'ua aba bɨ jĩra p'ananamẽrá, tachi k'ak'ua aba p'anɨ jĩra.

Juan 17:21

Ak'õre, pɨ mɨ ome bɨ pẽra mãɨnepa mɨ pɨ ome bɨ pẽra mɨa idi bɨma ãchi sida tachi ome k'ak'ua aba bɨ jĩra p'ananamẽrá. Mãɨya nãɨ ĩjũanepemarãpa ĩjãanaipɨ pɨa mɨ peesit'a.

Juan 17:25

Ak'õre, pɨ jĩp'a bɨma. Nãɨ ĩjũanepemarãpa pɨ atua p'anɨma, maamina mɨa pɨ k'awa bɨma. Mãɨnepa nãɨrã pida k'awa p'anɨma pɨa mɨ nãmá peesit'a.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 19:35

Chi nãɨ k'art'a bɨdapa piarã mãɨ unusima. Ichia jara bɨt'a piarãpɨ. Ichia k'awa bɨma piarã pedea jara bɨt'a mãra pida sõnepa ĩjãanamẽrá.

Hecho 13:32

»Ara mãɨ jĩra taipa nãɨ pedea pia bɨt'a jara p'anɨma: Tachi Ak'õre tachi chõarãenapemarã ome pedea ausima mãɨnepa tachi, chi ãchidepema ununaanarã mãɨ pedea auda ãarea oosima. Jesú chok'ae p'irabaripisima salmo umene bɨ bɨ jĩra. Nãɨya jara bɨma: “Pɨ mɨ Warrapɨ. Idi pɨ mɨ Warraade aruma”.

Hecho 13:41

“Mãrapa chi Tachi Ak'õrepa jara bɨt'a itu bɨ berã, ¡ak'ɨt'ɨ! ¡Ak'ɨɨtua nɨbeet'ɨ! ¡Piut'ɨ! Mɨa nãɨ ewaride ne ooipɨ. Mãɨ abaɨ pida mãrá jararu sida ĩjãanaiwẽma”.

Hecho 2:42

Chi Jesupa peedaɨrãpa jaratea p'anɨt'a ãchia minachia ũripachidama. Ará tuanapachidama, nek'opachidama mãɨnepa Tachi Ak'õrea ɨt'aa chiidi p'anapachidama.

Hecho 4:20

Chi taipa ununana mãɨnepa ũrinana p'ue jaradaiwẽa p'anɨma.

Romano 15:27

Mãɨ ũpẽarã judiorãwẽpa mãɨ erreara ũpẽarã judiorã pae arapá jɨrɨp'esidama. Piarã mãɨya oodai p'anasidama judiorã́ tee pará p'anɨ jĩra. Judiorãwẽpa nejõma pia Tachi Ak'õre k'orea judiorãnepa jitadada pẽra, ũpẽarã judiorã́ nepia nãɨ ĩjũanepema teadai p'anɨma.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

1 Corintio 1:9

Tachi Ak'õrepa ara ichia jara bɨ jĩra ooipɨ. Ichia mãra t'ɨ̃sima ichi Warra Tachi Chipari Jesucristo ome ará p'ananamẽrá.

1 Corintio 15:1

Mãɨ awara ũpẽarã, mɨa mãrá k'ɨ̃risiapiipɨ chi Jesú k'orea pedea pia mɨa mãrá jarateada. Mãɨ pedea mãrapa mɨnepa k'awasidama mãɨnepa minachia ĩjãa p'anɨma.

2 Corintio 13:14

Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a, Tachi Ak'õrepa minachia k'ɨ̃ria bait'a mãɨnepa ewaricha Tachi Ak'õre Jaorepa ará pia uru bait'a.

Ep'esio 3:6

Ichia k'awapiwẽa bada nãɨt'a: judiorãwẽpa pedea pia Cristo k'orea ĩjãa p'anɨnepa judiorã ome ará Tachi Ak'õrepa teaidepema jitadaipɨ, abarik'a k'ak'uade p'anɨma, mãɨnepa Tachi Ak'õrepa Jesucristodepa teai jarada ará uru p'anɨma.

P'ilipense 1:7

Pia bɨma mɨa jõma mãra k'orea mãɨya k'ɨ̃risia bait'a, mãra minachia k'ɨ̃ria bɨ pẽra. Mɨ eda jɨ̃a nɨbɨde wa chi pedea pia Cristo k'orea piarã k'awapii bɨde, Tachi Ak'õrepa ichi sõpiadepa mãra mãɨnepa mɨ sida k'aripa bɨma ichi pedea jaratea p'ananamẽrá.

P'ilipense 2:1

Cristode sõpia p'anɨ pẽra, ichia k'ɨ̃ria bɨdepa mãra sõpia p'aneepii bɨ pẽra, Tachi Ak'õre Jaore mãra ome bɨ pẽra mãɨnepa ichi k'ɨ̃ria bɨdepa mãra k'ĩra chupuria bɨ pẽra,

P'ilipense 3:10

Mɨa Cristo minachia k'awa k'ɨ̃ria bɨma. Ichi Tachi Ak'õre jua chaareadepa chok'ae p'irabarisima. Mɨ ara mãɨ jua chaareadepa ichi ome p'ɨrrɨa k'ɨ̃ria bɨma. Mãɨpuru ichi minachia mĩana jĩra mɨ mĩa k'ɨ̃ria bɨma, mãɨnepa ichi piuda jĩra piui k'ɨ̃ria bɨma.

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

1 Tesalonicense 1:10

Ãchia jara p'anɨma sãmaasã́ mãrapa Tachi Ak'õre Warra Jesú pajãnepa chei nɨ p'anɨt'a. Ara mãɨ Jesú piuda pada Tachi Ak'õrepa chok'ae p'irabaripisima. Ichia Tachi Ak'õrepa tachi ɨtɨai pada k'aripasima.

1 Timoteo 6:2

Ãchi chiparipa Cristode ĩjãa bɨpɨra, ãchi p'ue wap'eadaiwẽa p'anɨane adaiwẽa p'anɨma, ũpẽarã pẽra. Mãɨpari ichi pae atepe pia mimianai p'anɨma. Ãchi mimianepa ãchi Cristode ĩjãa bɨ chiparipa erreara jitaparima. Mãɨpuru k'ɨ̃rianepa ichi pae mimianai p'anɨma. Mãɨ jaratea base. Mãɨnepa ãchiá jarase mãɨya oodamẽrá.

Hebreo 2:12

Tachi Ak'õre pedeade nãɨya bɨ bɨma: «Mɨa pɨ k'orea mɨ ũpẽarã́ pedeaipɨ. Ãareaɨrã ará p'anɨne mɨa pɨá pia pedeaipɨ».

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

Hebreo 3:14

Tachia naa ĩjãanaananepa aba piuutadea Cristode ĩjãa p'ananaipɨra, ichi ome p'ananaipɨ.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

2 Pedro 1:16

Tachi Chipari Jesucristo jua chaarea k'orea mãɨnepa ichi mãicha chei k'orea taipa mãrá jarateasidaɨde ara tachi k'ɨ̃risiadepa jaradada jarateadaé pasima. Mãɨpari Tachi Chipari Jesú k'ĩrawãrea achiterrea ununana pẽra mãɨya jarateasidama.

1 Juan 1:1

Jua chiwidieda chi Chok'ae Bapiparí Pedea apataɨ basima mãɨnepa wapida bɨma. Ichia jarateada taipa ũrisidama. Ichi tai taupa unusidama mãɨnepa juapa t'õmarisidama. Ichia ooda pia ak'ɨsidama. Ichi k'orea taipa nãɨ k'art'ade bɨutama.

1 Juan 1:5

Taipa Jesucristodepa ũrinana mãrá jara p'anɨ nãɨpɨ: Tachi Ak'õre ɨnaa bɨ jĩra bɨma ne ãareaɨne jĩp'a bɨ pẽra. Mãɨpa ichide p'ãrio mi ãpia pida newẽma.

1 Juan 1:7

Maamina ichi ɨnaane bɨ jĩra tachi ɨnaane nipadaipɨra, tachi ũpẽarã ome ará pia p'ananaipɨ. Mãɨnepa ichi Warra Jesucristo oa ãrinapa tachi nemietá ãarea sɨɨparima.