1 Juan 1:2 - Tachi Ak'õre Pedea

² Mãɨ chok'ae bapiparí Tachi Ak'õrepa nãɨ ĩjũane unupisima. Taipa ichi unusida pẽra ichi k'orea piarã pedea p'anɨma. Taipa mãrá jara p'anɨma mãɨ chi ewaricha chok'ae bapiparit'a. Jua chiwidieda ichi Tachi Pajãnepema Ak'õre ome pajãne bapachima. Ichi pajãne bada Tachi Ak'õrepa taiyá nãɨ ĩjũane unupisima.

1 Juan 1:2 Iomraidhean Croise

Juan 1:18

Abaɨ pida Tachi Ak'õre ununak'ama. Maamina chi Warra aba bɨt'a Tachi Ak'õre pẽra mãɨnepa chi Ak'õre ome abarik'a bɨ pẽra, tachiá k'awapisima Tachi Ak'õre piarã sãmaasã́ bɨt'a.

Juan 1:4

Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Juan 10:28

Mɨa ãchi Tachi Ak'õre ome ewaricha chok'ae bapiparima. Ãchi atuadaiwẽma mãɨnepa mi ãpia pida mɨ juadepema p'ue ẽemarinaiwẽma.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 15:27

Mãra pida mɨ k'orea pedeadaipɨ, mãra naenapema mɨ ome p'anɨ pẽra.

Juan 16:28

Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 17:5

Mãɨpuru Ak'õre, mɨ pɨ k'ĩrari chi choma bɨse pɨ ome nãɨ ĩjũa ooi naena chi choma bada jĩra.

Juan 19:35

Chi nãɨ k'art'a bɨdapa piarã mãɨ unusima. Ichia jara bɨt'a piarãpɨ. Ichia k'awa bɨma piarã pedea jara bɨt'a mãra pida sõnepa ĩjãanamẽrá.

Juan 21:14

Mãɨpa bari k'ak'o ũpea pa basima Jesupa chi ichi ome p'ɨrrɨapataɨrã́ chok'ae p'irabari bak'ari unupisit'a.

Juan 3:13

»Aba pida pajãnea wãk'ama mãɨ k'awai k'orea. Abapuru mɨ, chi Ẽpẽra Warrapa mãɨ k'awa bɨma, pajãnepa cheda pẽra.

Juan 7:29

Mɨa ichi k'awa bɨma, ichidepa cheda pẽra. Ara ichiapuru mɨ peesima.

Juan 8:38

Mɨa jara bɨma jõma mɨ Ak'õrepa mɨá jarateadat'a. Mãɨne mãrapa ĩjãa p'anɨma mãra ak'õrepa ũripidat'a.

Hecho 1:22

Mãɨ tai ome ará bai basima, Juanpa porochoa bapachiedapema aba Tachi Ak'õrepa Jesú pajãnea ateewãsidea».

Hecho 10:41

Tachi Ak'õrepa ãareaɨrã́ unupié pasima maamina taiyá unupisima mãɨ k'orea ateeda pẽra. Ichi chok'ae p'irabarik'ari tai ichi ome nek'osidama mãɨnepa netosidama.

Hecho 2:32

»Davipa jarada jĩra Tachi Ak'õrepa Jesú piu bada chok'ae p'irabaripisima. Taipa ãarea mãɨ unusidama.

Hecho 3:15

Mãɨya mãrapa chi tachi Chok'ae Bapiparí peasidama. Maamina Tachi Ak'õrepa ichi piu bada chok'ae p'irabaripisima. Mãɨ chok'ae p'irabaridat'a taipa unusidama.

Hecho 5:32

Mãɨ taipa ara jarapatama. Tachi Ak'õre Jaore pida abarik'a jaraparima. Tachi Ak'õrepa ichi Jaore chi ichide ĩjãapataɨrã́ teaparima.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

1 Timoteo 3:16

Piarã Tachi Ak'õrepa mãɨ pedea k'awapida minachia pia bɨma: Cristo nãɨ k'ak'uade chesima. Tachi Ak'õre Jaorepa k'awapisima ichi jĩp'a bɨt'a. Tachi Ak'õrepa ɨt'aripa peedaɨrãpa ichi unusidama. Ũpẽarãpa ichi k'orea tua awaraɨdepemarãmá jarateasidama. Chok'araɨrãpa nãɨ ĩjũane ichide ĩjãasidama. Tachi Ak'õrepa ichi pajã k'ĩrawãrea bɨde mãicha ateewãsima.

2 Timoteo 1:10

Maapae Jesucristo Tachi K'aripaparí cheside unupisima sãmaasã́ ichi sõpia bɨma tachi ome. Tachi piui pada Jesucristopa jõpik'ari, maapae ewaricha chok'ae bapisima. Chi ichi k'orea pedea piapa mãɨ pia k'awapi bɨma.

Tito 1:2

Chi mãɨya ĩjãa p'anɨpa Tachi Ak'õre ome ewaricha chok'ae p'ananai k'orea nɨ p'anɨma, nãɨ ĩjũa ooi naena Tachi Ak'õre sea jarak'á bɨpa mãɨya ooyade asi pẽra.

1 Pedro 5:1

Mãra ũpẽarã ak'ɨpataɨrã́ mɨa chichupuria idiruma, mɨ sida ũpẽarã ak'ɨparí pẽra. Cristo minachia mĩana mɨa unusima. Mãɨnepa Tachi Ak'õrepa Cristo chi atepe bɨ unupirude mɨ sida ichi ome baipɨ. Mãɨpuru nãɨya chichupuria idiruma:

1 Juan 1:1

Jua chiwidieda chi Chok'ae Bapiparí Pedea apataɨ basima mãɨnepa wapida bɨma. Ichia jarateada taipa ũrisidama. Ichi tai taupa unusidama mãɨnepa juapa t'õmarisidama. Ichia ooda pia ak'ɨsidama. Ichi k'orea taipa nãɨ k'art'ade bɨutama.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

1 Juan 3:5

Maamina mãrapa k'awa p'anɨma Jesucristo nãɨ ĩjũanea chesit'a tachi nemietá ãyá bɨi k'orea. Ichi mi ãpia pida nemietá newẽma.

1 Juan 3:8

Chi nemietá oo bɨt'u tioredepɨ, tiore jua chiwidieda nemietá oopari pẽra. Tachi Ak'õre Warra nãɨ ĩjũanea chesima tiorepa oo bɨt'a p'uei k'orea.

1 Juan 4:14

Taipa ichi Warra unusida pẽra mãɨya jara p'anɨma Tachi Pajãnepema Ak'õrepa mãɨ piarã peesit'a nãɨ ĩjũanepemarã k'aripamẽrá.

1 Juan 4:2

Nãɨya mãrapa k'awadaipɨ k'ai Tachi Ak'õre Jaoredepa pedea bɨt'a: abapa Jesucristo nãɨ k'ak'uade piarã chesiade aipɨra, Tachi Ak'õre Jaoredepa pedea bɨma.

1 Juan 5:11

Tachi Ak'õrepa jara bɨ nãɨpɨ: ichi Warradepa tachi ewaricha ichi ome chok'ae p'anapiipɨ.

1 Juan 5:13

Mɨa nãɨ k'art'a mãra chi Tachi Ak'õre Warrade ĩjãa be pae bɨruma k'awadamẽrá ewaricha Tachi Ak'õre ome chok'ae p'ananait'a.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.