Zefaniah 2:9 - Tedim Bible

⁹ Kei pen a nungta Israel Pasian ka hih mah bangin, Moab mite, Sodom mite bangin kisusia-in, Ammon mite, Gomorrah mite bangin kisusia-in, a gam sung uhah lingkung bek pozo-in, a gam uh cikhuk tawh kidimin a sia tawntung suakin, a suaktalai ka mite in a neihsa uh sutin, a gam uh a laksak tak kei leh, ci-in ka kiciam hi,” a ci hi.

Tedim Bible Revision 2017

⁹ Kei pen a nungta Israel Pasian ka hih mah bangin, Moab mite, Sodom mite bangin kisusia-in, Ammon mite, Gomorrah mite bangin kisusia-in, a gam sung uh ah lingkung bek po zo-in, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak kei tak leh, ci-in ka kiciam hi,” a ci hi.

Zefaniah 2:9 Iomraidhean Croise

Isaiah 11:14

Ahih hangin amaute in nitumna lama om Filistia mite simkhawm ding uh a, nisuahna lama om mite luhkhawm ding uh hi. Amaute in Edom mite le Moab mite zogawp ding uh a, Ammon mite in amau’ thu mang ding uh hi.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Isaiah 49:18

Na kimkotah khuadakto inla mu in. Na mi khempeuh hong kikhawm uh a, nangma kiangah amaute hong ciah uh hi. Kei pen a nungta Topa ka hih mah bangin, na mite khempeuh hangin nang na kisial ding a, mothak in kizepna-in a zat bangin amaute khempeuh na zang ding hi.

Jeremiah 46:18

Vanglian Topa keimah Kumpipa ka hi hi. Taber mual, mual khempeuh sangin sangzaw-in, Karmel mual, tuipi tungah sangpi-in a dawktoh bangin, no hong sim pa’ thahatna a lian mahmah ding hi.

Jeremiah 48:1

Moab gam tawh kisai-in Vanglian Topa, Israel mite’ Pasian in a genin-ah: “Nebo mite in gimna a thuak ding uh hi. Bang hang hiam cih leh a gam uh a kisia ding hi. Kiriathaim khua kila khinzo a, a kulhpite uh cim khinta hi. A mite in maizumna thuak uh a,

Jeremiah 49:1

Ammon mite tawh kisai-in Topa in a genin-ah: “Israel mite in tapa nei lo ahi uh hiam? Innluah ding nei lo ahi uh hiam? Bang hangin Milkom pasian biate in Gad gam la-in a khuapite sungah teng ahi uh hiam?

Jeremiah 49:18

Topa in kong cihin-ah, Sodom khua, Gomorrah khua, le a kiima khuate a kisiatgawp bangin, tua lai munah kuamah teng lo ding a, kuamah a peem kei ding hi.

Jeremiah 49:33

Hazor khua pen se-alte’ tenna suak ding a, a tawntungin a kisia den khua a suak ding hi. Kuamah teng lo ding a, tawmvei beek zong a va zin kei ding uh hi,” a ci hi.

Jeremiah 50:40

Topa in kong cihin-ah, Sodom khua, Gomorrah khua, le a kiima khuate, Pasian in a suksiat bangin tua lai-ah kuamah a teng kei ding a, kuamah zong a va baang pak beek kei ding hi.

Amos 1:13

Topa in hih bangin ci hi: Ammon mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh amaute in huaihamin gam a deihthuah manun Gilead gam simgawp uh hi.

Amos 2:1

Topa in hih bangin ci hi: Moab mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh leiseek cianna-ah a kizang leikang a zat dingin Edom kumpipa’ guhte a hal uh hi.

Zefaniah 2:14

Tuu le bawnghonte tua khua sungah lumin, gan namkim khawk a suak ding hi. Gunva le gunvapite bangtung zawlah tuangin, tawlet-ah keising khuangin, sangkil tungah va-ak ham ding hi. Taamtak sing tawh a kilam innte maimang ding hi.

Zefaniah 2:7

Judah mi a omlaite in na gam sung luah ding uh a, amaute in tuucinna-in nei-in, Ashkelon khuasunga om innte sungah zanin lum ding uh hi. Topa ahi amaute’ Pasian in amaute ompih ding a, citheisakkik ding hi.

Zefaniah 3:13

Israel mi a omlai sunte, midangte tungah gilo nawn lo ding uh a, zuauthu gen nawn loin, mi khem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn loin om ding uh hi,” a ci hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Gamlak-vakna 14:21

Ahih hangin a taktakin, ka nuntak laiteng, Topa’ minthanna tawh leitung kidim ding ahih mah bangin,

ROM (Romans) 14:11

Lai Siangtho sungah, “Kei pen a nungta ka hih mah bangin ka mai-ah mi khempeuh hong kun ding a, Pasian ka hihna thu mi khempeuh in pulak taktak ding uh hi, Topa in ci hi,” ci-in a kigelh hi.

Thu-hilhkikna 29:22

“Hong khanglai ding, note’ nungah hong piang na tate uh, le a gamla gam panin a hong pai gamdang mite in, tua gam’ gim ngahna le Topa in a natsak cinatnate a muh uh ciangin,

Thu-hilhkikna 29:23

‘A gambup pen kaat le ci, le nin a kangtum, khai kituh lo, bangmah po lo, lopa zong a po zawh lohna mun Sodom le Gomorrah, Admah le Zeboiim bangin a kilawnthal gawp, a hehna le a sinsona tawh Topa’ lotgawpte tawh kibang hi,’ ci ding uh hi.