Zefaniah 2:3 - Tedim Bible

³ Kiniamkhiatin, Topa’ thupiakna a mang Judah gammi khempeuh aw, Topa’ kiang zuan un. A manin gamta unla, kiniamkhiat un. Tua hileh Topa’ hehna hong kilat ciangin, tua hehna hangin gimna panin na peng khathei ding uh hi.

Tedim Bible Revision 2017

³ Kiniamkhiatin, Topaʼ thupiakna a mang Judah gam mi khempeuh aw, Topaʼ kiang zuan un. A manin gamta unla, kiniamkhiat un. Tua hileh Topaʼ hehna hong kilat ciangin, tua hehna hangin gimna panin na peng kha thei ding uh hi.

Zefaniah 2:3 Iomraidhean Croise

2 SAMUEL NIHNA 12:22

Amah in, “Naungek a hin lai-in an tangin ka kap hi; bang hang hiam cih leh, ‘Naungek a hin nadingin Topa in kei hong hehpih ding hiam, hong hehpih lo ding hiam, cih kua in theikhol ahi hiam?’ ka ci hi.

Late 105:4

Topa le ama huh ding zon belin nei unla, a tawntungin ama maipha zong niloh un.

Late 149:4

Bang hang hiam cih leh ama mite tungah Topa lungdam a, miniamte gualzo sakin a pahtawi hi.

Late 22:26

Gimna a thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!

Late 31:20

Mite’ sawmsimna panin na omna huam sungah amaute na seel a, kitotna mun panin na buk sungah a muanhuai-in amaute na kem hi.

Late 45:4

Thumanna a omna ding le thuman a hu dingin na minliatna tawh gualzo-in hong pusuak inla, dipkuathuai hihnate na taklam khut nangmah kihilhsak in.

Late 57:1

Kei hong hehpih in Pasian aw, nang hong bel ka hih manin kei hong hehpih in. Siatna huihpi a ven’ mateng na kha liimah kong bu ding hi.

Late 91:1

Sangpenpa’ liahna sung, Vanglianpa’ liim sungah a om mi khempeuh in

Paikhiatna 12:27

note in, ‘Topa’ Paisanna hangin biakpiakna ahi hi. Amah in eite’ innkuante hong khawi-in Egypt mite a thah lai-in Egypt gam sungah Israel innkuante paisan hi,’ na ci ding uh hi,” a ci hi. Mite in a lu uh kunin Pasian a bia uh hi.

Paunak 18:10

Topa’ min pen tausang muanhuai tawh kibang a, thuman mite in belin lungmuangin om thei uh hi.

Isaiah 1:17

Gamtat hoih ding kisin un. Thumanin gamta unla, kinetniamna kheel un. Pa nei lote hu unla, meigong numei panpih un,” ci hi.

Isaiah 11:4

Thumanna tawh mizawngte’ thu khenin, lungsim nem mite’ thu ahi bangin khensak ding hi. Ama kam panin a thupiakna tawh leitung mite gim kipia ding a, a muk panin a thugenna tawh migilote si ding uh hi.

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite a dingin thong kong a hong ding,

Jeremiah 39:18

Bang hang hiam cih leh nang kong honkhia taktak ding a, namsau tawh thahna na thuak kei ding hi. Topa in kong cihin-ah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a hong ci hi.

Jeremiah 45:5

Tua sung panin nang a pengthei tuam dingin kingaihsun na hi hiam? Tua bangin kingaihsun kei in; bang hang hiam cih leh en in, Topa in kong cihin-ah, mi khempeuh tungah gimna ka tungsak ding hi. Ahih hangin nang pen na paina mun khempeuhah kong suaktasak liailiai ding hi, ci hi,” ka ci hi.

Ezekiel 13:5

Amaute in kulh a kicipna munte cing lo uh a, a kicimte ciangkik lo uh ahih manin Topa’ ni-in gal hong tun ciangin Israel-te hu zo lo ding uh hi.

Hosea 10:12

Khai tuh bangin thuman tuhin, kei nong itna hangun a piang thuphate at un. Note’ Topa keima lamah nong kihei ding uh a hun hita ahih manin lo thak lei kalkham un. Tua hileh kei hong pai-in note tungah thupha kong pia ding hi, ka ci hi.

Hosea 7:10

Israel mite’ kiphatsakna in amau’ langkhatah teci pang hi. Ahi zongin hih thu khempeuhah zong, amau’ Topa Pasian ahi kei’ lamah hong kihei tuan lo uh a, kei hong zong lo uh hi.

Jonah 3:9

Eite i sih loh nadingin Pasian kisikin a hehna damsak lo ding hi, kua in ci thei na hi uh hiam?” a cisak hi.

Zekhariah 8:19

amah in, “Kha lina, kha ngana, kha sagihna, le kha sawmna sunga antannate pen, Judah gammite a dingin lungdamin kipakin pawi bawlna hun suak ta ding hi. Tua ahih manin thuman le kilemna deih pha un,” hong ci hi.

Mattiu 5:5

A lungnem mite in Pasian’ ciamsa leitang ngah ding uh ahih manin thupha ngah mi ahi uh hi.

1 THESALONIKA MASA 4:1

Tu-in sanggamte aw, Pasian’ deihna le ama lungkim nadingin bangci nuntak ding cih thu kote kiang panin na theihsa uh thute tawh kizui-in na nuntaksa uh ahih mah bangin a kicingzaw semsemin na nuntak nadingun i Topa Jesuh min tawh hong thumin ka hong hanthawn uh hi.

1 THESALONIKA MASA 4:10

Masedonia gam sunga om thu um mi khempeuh na it khin takpi uh hi. Tua ahih manin sanggamte aw, itna na neih semsem nadingun ka hong thum uh hi.

1 PETER MASA 1:22

Tu-in lungdamna thuman na zuihna hangun note kisiansuah khinin, na thu uppih mite uh lungsim tak tawh itthei khinta na hih manun na lungsim khempeuh uh tawh limtakin na ki-it un.

1 PETER MASA 3:4

Pasian’ muhna-ah a manpha mahmah ahi lungsim puakzia, a tul thei lo sunglam hoihna na bulphuh zaw un.

2 PETER NIHNA 3:18

Hehpihna thu le i Topa le Honpa Jesuh Khrih theihna thu-ah na khangto semsem zaw un. Tuhun a kipanin a tawntungin amah in minthanna ngah paisuak tahen. Amen.