Zefaniah 2:2 - Tedim Bible

² Ansi bangin hong kizapkhiat ma, Topa’ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

Tedim Bible Revision 2017

² Ansi bangin hong kizapkhiat ma, Topaʼ hehna na tungah hong tuk ma, Topa in a hehna hong lah hun a tun ma-in thu ngaihsunin kikheel in.

Zefaniah 2:2 Iomraidhean Croise

JOB (Job) 21:18

Huih in a letkhiat buhkungte, le huihpi in a mutkhiat buhsi bangin amaute bawl ngei ahi hiam?

Late 1:4

Migilote ahihleh tua bang hi lo uh a, huih in a letkhiat anvai tawh kibang lel uh hi.

Late 50:22

“Tua ahih ciangin Pasian a mangngilh mite aw, hih thu ciamteh un. Tua hikeileh note kong balgawp ding hi. Note hong honkhia ding kuamah om lo hi.

Isaiah 17:13

Tui lianpi a ging bangin minamte awng uh hi. Ahih hangin amah in amaute tai ding a, gamlapi pekah amaute taikhia ding uh hi. Mualtung a huih mai-ah ansi leeng bang leh huihpi mai-a pingpei bangin leengkhia mang ding uh hi.

Jeremiah 23:20

A lungsim sunga a tupna teng a tangtunsak matengin Topa’ hehna damkik lo ding hi. Hong pai lai ding hunte-ah note in siangtakin na telzaw semsem ding uh hi.

Jeremiah 4:4

Judah mite le Jerusalem khuamite aw, Topa’ thu zui unla, lungsim takpi tawh zui un. Na tuacih kei uhleh na bawl uh mawhnate hangin ka hehna mei bangin hong kuangkhia ding a, a phelhzo kuamah om lo ding hi,” a ci hi.

Kah la 4:11

Topa in a hehna khempeuh siit nawn loin hong buakhia a, meikuang tawh Jerusalem hong hal ahih manin a kangtum hi.

Ezekiel 12:25

Topa ahi keimah in amaute tungah thu ka gen ding a, ka gen bangin tung takpi ding hi. Tu-in zekai nawn lo ding hi. A lehdo thei mihingte aw, hih dingin ka gen bangin nomau’ nuntak sung mahmahin ka tungsak ding hi. Topa Pasian ahi keimah in thu ka gen khinzo hi,” a hong ci hi.

Hosea 13:3

Tua ciangin amaute pen zingsang a kaai meiilum, a maimangpak daitui, ancilna panin huih in a letkhiat ansi, meikhu suahna-a a pai meikhu bangin a maimang ding uh hi.

Nahum 1:6

Ama hehna kua in nangzo ding a, ama lunghamna kua in thuakzo ding ahi hiam? A hehna, meikuang bangin hong khahkhia a, ama mai-ah suangtumpite kitamzan hi.

Zefaniah 1:18

Topa’ heh thuk ni hong tun ciangin a ngun le a khamte un amaute honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitung a teng mi khempeuh a sumai ding hi.

Zefaniah 3:8

Topa in hih bangin thu gen a, “Tua ahih ciangin minamte ka mawhsak ni hun dong kei hong ngak phot dih un. Minamte le kumpi gamte kaikhawmin, ka hehna ka thuaksak ding, ka lungsim ka khensat khin hi. Ka hehluatna meikuang tawh leitung khempeuh kangtum ding hi.

Mattiu 24:35

Van le lei a maimang zongin ka thugente maimang ngei lo ding hi.