Ruth 4:4 - Tedim Bible

⁴ Tua ahih ciangin hih thu nang kiangah kong gen ding ngaihsunin, ‘Hih lai-ah a tu mite’ muhna le keima mi upate’ muhna-ah lei in,’ kong ci hi. Na tat ding leh tanh in; ahih hangin na tat kei ding leh, a thu ka theih nadingin kei kiangah hong gen in; bang hang hiam cih leh nang simloh a tanh ding kuamah om lo ahih manin nang kiangah kong pai hi,” a ci hi.

Tedim Bible Revision 2017

⁴ Tua ahih ciangin hih thu nang kiangah kong gen ding ngaihsunin, ‘Hih lai ah a tu miteʼ muhna le keima mi upateʼ muhna ah lei in,’ kong ci hi. Na tat ding leh tanh in; ahih hangin na tat kei ding leh, a thu ka theih nadingin kei kiangah hong gen in; bang hang hiam cih leh nang sim loh a tanh ding kuamah om lo ahih manin nang kiangah kong pai hi,” a ci hi.

Ruth 4:4 Iomraidhean Croise

Piancilna 23:11

“Hi lo hi, ka topa aw, hong ngai in. Nang’ tungah lo kong pia hi. Tua sunga leihawm zong nang’ tungah kong pia hi. Ka mipihte’ muhna-ah nang’ tungah kong pia hi. Na misi vui in,” a ci hi.

Piancilna 23:18

khuapi kulhkongpi-ah a kikhawm mite khempeuh’ mai, Hit mite’ omna-ah Abraham’ neih dingin kipia hi.

Jeremiah 32:25

Ahih hangin Topa Pasian aw, hih khuapi Khaldea mite’ khutsung a tung ding hinapi, nangmah in, “A hong theihpih ding mi sam inla, tua lo lei in,” ci-in nong sawl teitei hi,’ ci-in thu ka ngen hi,” a ci hi.

ROM (Romans) 12:17

Midangte’ gitlohnate thukkik kei unla, mi khempeuh in hoih hi, ci-in a ngaihsut ding bangin gamta un.

2 KORIN NIHNA 8:21

Bang hang hiam cih leh Topa’ hoihsak ding bek hi loin mite in zong hoih a sak ding bangin na a semnuam ka hi uh hi.

Thu-hilhkikna 25:8

Tua ciangin mipa’ khuapi upate in amah samin thu genpih ding uh hi. Amah in, ‘Tua nu ka la nuam kei hi,’ a cih teitei leh,

Filippi 4:8

Sanggamte aw, a tawpna-ah ka hong gennop thu in, a hoih le a phattaak thute tawh na lungsim uh na kidimsak un. Tuate in: A man, a dik, a tang, a siangtho, a deihhuai, le a pahtakhuai thute ahi hi.

Ruth 2:20

Tua ciangin Naomi in a monu kiangah, “A dikna in a site hitaleh a hingte hitaleh a mangngilh lo Topa in amah thupha pia ta hen,” a ci hi. Naomi in ama kiangah, “Tua mipa pen i behte, i tanau naipen khat ahi hi,” zong ci lai hi.

Ruth 3:12

Kei pen tanau nai ka hi mah hi; ahih hangin kei sangin a naizaw tanau khat omlai hi.

Ruth 3:9

Amah in, “Kua na hi hiam?” a ci hi. Tua nu in dawngin, “Keimah na nasemnu Ruth ka hi hi; tanaute na hih ciangin na nasemnu na puan hong zawn in,” a ci hi.