Ruth 3:12 - Tedim Bible

¹² Kei pen tanau nai ka hi mah hi; ahih hangin kei sangin a naizaw tanau khat omlai hi.

Tedim Bible Revision 2017

¹² Kei pen tanau nai ka hi mah hi; ahih hangin kei sangin a nai zaw tanau khat om lai hi.

Ruth 3:12 Iomraidhean Croise

Mattiu 7:12

Tua ahih manin note tungah hong kibawl ding na deih bangun midangte tungah na bawl un. Moses Thukhamte le kamsangte’ thuhilhnate pen hih mah a deihna ahi hi.

1 THESALONIKA MASA 4:6

Hih bang thute-ah kuamah in Khrih sungah na sanggamte uh tungah na khialh loh nading uh le na khasiatsak loh nading uh hong deih hi. Pasian in hih bangin a gamta mite gim pia ding hi, ci-in khauhtakin note kiangah ka hong genkhol khinzo uh hi.

Ruth 2:20

Tua ciangin Naomi in a monu kiangah, “A dikna in a site hitaleh a hingte hitaleh a mangngilh lo Topa in amah thupha pia ta hen,” a ci hi. Naomi in ama kiangah, “Tua mipa pen i behte, i tanau naipen khat ahi hi,” zong ci lai hi.

Ruth 3:11

Tu-in ka tanu aw, lau kei in; na nget khempeuh nang a dingin kong hihsak ding hi. Bang hang hiam cih leh ka khuapih mite khempeuh in numei gina na hihlam hong thei uh hi.

Ruth 3:13

Tuzan om in; zingsang ciangin amah in nang tungah tanaute’ hih ding hong hih leh pha hi; amah hih sak in. Ahih hangin nang tungah tanaute’ sep ding a sepnop kei leh, tua ciangin, Topa a nungta ahih mah bangin nang tungah tanau nasep kong sem ding hi. Zingsang dong lum in,” a ci hi.

Ruth 4:1

Tua ciangin mihon kikhopna kulhkongpi-ah Boaz paito-in tua munah tusuk hi. Tua laitakin a tanaute, Boaz’ gen pa hong pai hi. Tua ahih ciangin Boaz in, “Hong pai dih in, lawm aw; hih lai-ah tu dih in,” a ci hi. Tua ciangin amah hong kihei-in tusuk hi.

Ruth 4:4

Tua ahih ciangin hih thu nang kiangah kong gen ding ngaihsunin, ‘Hih lai-ah a tu mite’ muhna le keima mi upate’ muhna-ah lei in,’ kong ci hi. Na tat ding leh tanh in; ahih hangin na tat kei ding leh, a thu ka theih nadingin kei kiangah hong gen in; bang hang hiam cih leh nang simloh a tanh ding kuamah om lo ahih manin nang kiangah kong pai hi,” a ci hi.