Ruth 2:3 - Tedim Bible

³ Tua ahih ciangin amah kuankhia-in pai a, anlate’ nung lo sungah ansangte a tawm hi. Elimelek-te innkuan Boaz’ lo-ah va kuankha hi.

Tedim Bible Revision 2017

³ Tua ahih ciangin amah kuan khia-in pai a, anlateʼ nung lo sungah ansangte a tawm hi. Elimelek-te innkuan Boazʼ lo ah va kuan kha hi.

Ruth 2:3 Iomraidhean Croise

2 SAMUEL NIHNA 1:6

Tua ciangin tangvalpa in, “Gilboa Mual-ah ka omkha a, tua lai munah Saul a teipi tungah kingam hi.

2 SAMUEL NIHNA 20:1

Tu-in tua lai-ah Benjamin mi, Bikhri’ tapa Sheba min nei, mi ginalo khat hong omkha hi. Amah in peengkul tumin, “David’ sungah tanh i nei kei a, Jessi’ tapa’ sungah gamh i nei kei hi; na inn ciat uhah ciah un, Israel-te aw,” a ci hi.

2 KUMPI NIHNATE 8:5

Elisha in a sisa mi a hinsakna thu kumpipa kiangah a gen laitakin, a tapa a hinkiksak numei in kumpipa kiangah a inn le a leitang hong ngen hi. Tua ciangin Gehazi in, “Ka topa, Kumpipa aw, hih lai-ah a numei om a, Elisha in a hinkiksak a tapa zong hih lai-ah om hi,” a ci hi.

Mattiu 10:29

Gitta nih ciangin mat khatin kizuak lel hi lo ahi hiam? Tua hinapi-in na Pa uh’ thukim lohin tua gittate khat nangawn lei-ah mawkkiat lo hi.

Luka 10:31

Tua laitakin siampi khat tua lampi tawnin hong paisuk a, amah a muh ciangin lamnawl lam tawnin a paisan hi.

2 THESALONIKA NIHNA 3:12

Tu-in tua bang mite in kuamah nawngkaisak nawn loin man manin na sem hiathiatin amau’ nuntak nadingun na a sep nadingun Topa Jesuh Khrih min tawh hanthawnin thu ka hong pia uh hi.

Ruth 2:2

Tua ciangin Moab mi Ruth in Naomi kiangah, “Lo-ah hong kuansak in la, maipha ka muhna peuhpeuh pa’ nungah anvuite lakah a sang hong tawmsak in,” a ci hi. Tua ciangin amah in, “Pai in, ka tanu aw,” a ci hi.

Ruth 2:4

Boaz zong Bethlehem panin hong kuanin amah in anlate kiangah, “Topa in note hong ompih ta hen!” a ci hi. Amaute in dawngin, “Topa in nang thupha hong pia ta hen,” a ci uh hi.