Ruth 2:12 - Tedim Bible

¹² Topa in na gamtatnasate a pha tawh hong thuk a, a liimnuai beel dinga na paina Israel-te’ Pasian, Topa in thaman a cingin hong pia ding hi,” a ci hi.

Tedim Bible Revision 2017

¹² Topa in na gamtatna sate a pha tawh hong thuk a, a liim nuai beel dinga na paina Israel-teʼ Pasian, Topa in thaman a cingin hong pia ding hi,” a ci hi.

Ruth 2:12 Iomraidhean Croise

Late 17:8

Kei a hong sugawp migilo, kei a hong umcih a kihtakhuai mahmah ka galte kiang panin mitnauta bangin hong kem inla, na kha liimah hong seel in.

Late 19:11

Tua tham loin tuate’ hangin a nasem pa in thuphawkna ngah a, tuate zuihna-ah noptuamna lian a om hi.

Late 36:7

Pasian aw, na itna kip manpha mahmah hi. Mihing tate na kha liimah bu uh hi.

Late 57:1

Kei hong hehpih in Pasian aw, nang hong bel ka hih manin kei hong hehpih in. Siatna huihpi a ven’ mateng na kha liimah kong bu ding hi.

Late 58:11

Mite in, “Thuman mi a’ ding noptuamna om taktak a, leitung thu a khen Pasian khat om taktak hi,” ci ding uh hi.

Late 61:4

Na buk sungah hong omsak tawntung inla, nangma khate’ hutna sungah lungmuangin hong omsak in.

Late 63:7

Bang hang hiam cih leh kei a hong huhpa na hi a, nangma hutna sungah lungdamin la ka sa hi.

Late 91:4

Amah in a khate tawh nang hong tuam ding a, ama khate’ nuai-ah bukna ding na mu ding hi. Ama thumanna in nang hong dalin hong hu ding hi.

Paunak 11:18

Migilote in a man nei taktak bangmah ngah lo a, thumanin a gamtate in peel loin thaman hoih a ngah hi.

Paunak 23:18

Tua bang hi lecin lametna om a, cithei-in na khansau ding hi.

Jeremiah 31:16

Topa in kong cihin-ah: “Kap nawn kei unla, na khitui uh nul un. Bang hang hiam cih leh Topa in kong cihin-ah, na nasep thaman uh na ngah uh hi. Amaute galte’ gam panin hong ciahkik ding uh hi.

Mattiu 23:37

“Jerusalem, Jerusalem aw, kamsangte na that a, Pasian’ sawl kamtaite na denglum hi. Akpi in a kha tawh a note a huai mah bangin na mite ka huainuam tawntung a, ahi zongin na ut kei hi.

Mattiu 5:12

Note a dingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Note’ hun ma-a kamsangte zong tua bangmahin a na kibawlsia ngei ahi hi.

Mattiu 6:1

“Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Luka 6:35

Tua bang lelin note na gamta kei ding uh hi. Na galte uh itin amaute tungah thupha bawl unla, lohkik ding lamen loin leitawi pia un. Tua hileh na thaman uh lian ding a, a Lianpen Pasian’ tate na hi ding uh hi. Bang hang hiam cih leh lungdamna mel a theithei lo mite le a huaiham mite tungah amah migi hi.

Kolose 2:18

Maang a muhna hangun a thupi diakin kingaihsunin, a kilawm lo zah dongin kiniamkhiat nading le vantung mite biak ding a hong hanthawn mite’ khemsa-in ta kei un. Tua bang mite pen amau’ ngaihsut tawmna tawh a kihisak mawk hi a,

2 TIMOTI NIHNA 1:18

Topa in tua Ni ciangin ama tungah hehpihna thupha pia tahen. Efesa khua-ah ka omlai-in nakpitakin kei a hong huhnate khempeuh na theihsa ahi hi.

2 TIMOTI NIHNA 4:8

Thu a manin a khen Topa in tua Ni ciangin kei a hong piak ding thuman lukhu ahi gualzawhna thaman in tu-in kei hong ngak gige hi. Kei tung bekah a hong pia ding hi lo a, ama hong paikik ding itna tawh a ngakte khempeuh tungah zong a pia ding ahi hi.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

Ruth 1:16

Ahih hangin Ruth in, “Nang kong nusiat nading ahi a, nang zuihna panin ka ciahkik nading ahi zongin hong cici nawn kei in; bang hang hiam cih leh na paina-ah ka pai ding a, na giahna-ah ka giak ding hi. Na mite keima mite hi ding a, na Pasian keima Pasian hi ding hi.

Ruth 2:11

Ahih hangin Boaz in tua nu dawngin, “Na pasal a sih khit a kipan na teeknu a dingin na sepnate khempeuh, le na nu le na pa le na pianna gam nusia-in cikmahin na theih ngei loh mite kiangah na paina thu a kicing takin kei kiangah hong kigenzo hi.

Ruth 2:13

Tua ciangin Ruth in, “Ka topa aw, kei tungah nong dik mahmah hi; bang hang hiam cih leh kei pen na nasem numeite hi lo napi-in na nasemnu’ tungah migitna kam nong pau hi,” a ci hi.

Ruth 4:15

Amah pen nang a dingin na nuntakna a hong piakik, le na khanghamna-ah hong vak pa hi ding hi; bang hang hiam cih leh, tapa sagih sangin a thupizaw, nangmah hong it na monu’ neih tapa ahi hi,” a ci uh hi.

1 SAMUEL MASA 24:19

Bang hang hiam cih leh mi khatpeuh in a gal pa mu leh amah in a suakta-in a gal pa paikhiasak ding ahi hiam? Tua ahih ciangin tuni-in kei tungah nong bawlna hangin Topa in a hoih tawh nang thaman hong pia tahen.

1 SAMUEL MASA 24:20

Tu-in en in, kumpi na hih taktak ding ka thei hi. Israel kumpi gam nangma khut sungah a kip ding hi.