Ruth 2:10 - Tedim Bible

¹⁰ Tua ciangin amah a mai-in lei-ah puk a, leilakah kunin ama kiangah, “Kei gamdang mi khat hinapi, hih banga kei nong phawkna dingin bang hangin na mai-ah maipha ngah thei ka hi hiam?” a ci hi.

Tedim Bible Revision 2017

¹⁰ Tua ciangin amah a mai-in lei ah puk a, leilak ah kunin ama kiangah, “Kei gamdang mi khat hi napi, hih banga kei nong phawk nadingin bang hangin na mai ah maipha ngah thei ka hi hiam?” a ci hi.

Ruth 2:10 Iomraidhean Croise

Piancilna 18:2

a khuadaktoh leh, ama mai-ah mi thum na ding hi. Amah in amaute a muh ciangin amaute a dawn dingin puanbuk kong panin va tai a, leilakah kunsukin,

2 SAMUEL NIHNA 19:28

Bang hang hiam cih leh ka to kumpipa’ mai-ah ka pa’ innkuante khempeuh a si zah dong dingin a sia ahi hi. Ahih hangin nangmah in na sabuai-ah a ne mite lakah na nasempa na hong koih hi. Tua ahih ciangin kumpipa tungah ka koh ding thudang bang neithuah nawn ding ka hi hiam?” a ci hi.

2 SAMUEL NIHNA 7:18

Tua ciangin kumpi David sungtumin Topa’ mai-ah tu a, “Topa Pasian aw, tu ciang dong hih bangin kei nong kep nadingin kei kua hi a, ka innkuan bang ahi hiam?

2 SAMUEL NIHNA 9:8

Tua ciangin amah in zahtakna bawlin, “A sisa ui tawh a kibang kei bang lel, nong hici bawl nadingin na nasempa bang ka hi hiam?” a ci hi.

Siampi Laibu 19:34

Note lakah a hong peem khualmite tualsung mi mah bangin na ngaihsun ding uh a, nomau mah bangin amaute na it ding uh hi; bang hang hiam cih leh note pen Egypt gam sungah khualmi na hi ngei uh hi; kei pen Topa na Pasian uh ka hi hi.

Mattiu 25:35

Bang hang hiam cih leh ka gilkial laitakin an nong pia uh a, ka dangtak laitakin tui nong pia uh a, khualmi ka hih laitakin zin nong do uh a,

Luka 1:43

Ka Topa’ nu kei kiangah hong hawh nadingin, bang hangin hih bang thu lian kei tungah hong tung ahi hiam?

Luka 1:48

Bang hang hiam cih leh a neu mahmah a nasemnu, keimah a hong phawk hi. Tu a kipanin a khangkhangin mi khempeuh in thupha ngah nu hong ci ding uh hi.

ROM (Romans) 12:10

Unau ki-itna lungsim nei unla, khatlekhat kizahtak bawl ding lamsang kidem un.

Ruth 2:11

Ahih hangin Boaz in tua nu dawngin, “Na pasal a sih khit a kipan na teeknu a dingin na sepnate khempeuh, le na nu le na pa le na pianna gam nusia-in cikmahin na theih ngei loh mite kiangah na paina thu a kicing takin kei kiangah hong kigenzo hi.

Ruth 2:13

Tua ciangin Ruth in, “Ka topa aw, kei tungah nong dik mahmah hi; bang hang hiam cih leh kei pen na nasem numeite hi lo napi-in na nasemnu’ tungah migitna kam nong pau hi,” a ci hi.

Ruth 2:19

Tua ciangin a teeknu in ama kiangah, “Tuni-in koi-ah tawm na hi hiam? Koi-ah sem na hi hiam? Nang hong phawk mipa in thupha ngah ta hen,” a ci hi. Tua ahih ciangin amah in a teeknu kiangah a naseppihte gen a, “Tuni-a ka sepna mipa pen Boaz ahi hi,” a ci hi.

Ruth 2:2

Tua ciangin Moab mi Ruth in Naomi kiangah, “Lo-ah hong kuansak in la, maipha ka muhna peuhpeuh pa’ nungah anvuite lakah a sang hong tawmsak in,” a ci hi. Tua ciangin amah in, “Pai in, ka tanu aw,” a ci hi.

Ruth 2:9

Amaute’ anlakna lo mitsuan inla, amaute’ nungah zui in. Nang hong bawlsiat loh nading uh tangvalte thu ka pia khin hi. Na dang a tak ciangin pai inla tangvalte’ tui tawisa dawn in,” a ci hi.

1 SAMUEL MASA 25:23

Abigail in David a muh ciangin kinawh a, a la tung panin tuakin David’ mai-ah puk a, leilakah a kun hi.