Paunak 9:6 - Tedim Bible

⁶ Thu thei lote taisanin khansau unla, pilna lampi zui un,” cisak hi.

Tedim Bible Revision 2017

⁶ Thu thei lote taisanin khansau unla, pilna lampi zui un,” cisak hi.

Paunak 9:6 Iomraidhean Croise

Late 119:115

No, siatna a bawlte aw, Pasian’ thupiakte ka zuih theih nadingin kei kiang panin paikhia un.

Late 45:10

Tanu aw, ngai dih in; ngaihsun inla, na bil hong ngat in. Na mite le na behte mangngilh in.

Paunak 10:17

Kihilhna manna nuntak lampi zuihna hi a, hilhna man’ nop lohna lampi lauhuai zuihna ahi hi.

Paunak 13:20

Mipil tawh kikhawl lecin na pil ding a, mihai tawh kikhawl lecin gimna na thuak ding hi.

Paunak 23:19

Ka ta aw, ka thu ngai inla, mipil suak in; lampi man zuih ding ngaihsutpi-in nei in.

Paunak 4:11

Na pilna ding lampi kong hilhzo a, na gamtatna ding zia kong genzo hi.

Paunak 8:35

Kei hong mu mi in nuntakna a mu hi a, Topa’ mai-ah maipha ngah ahi hi.

Paunak 9:11

Pilna in na khang hong khan ding a, na nuntakna hong sausak ding hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute pen keima mi hi-in, kei pen amaute’ Pasian ka hi ding hi.

Ezekiel 37:24

Ka nasempa David pen amaute’ kumpi hi ding a, mi khat’ ukna nuai-ah amaute kigawmin, ka thukhamte hoihtakin zui ding uh hi.

Luka 13:24

Jesuh in amaute kiangah, “Kong kawcik tawnin na lut nadingun hanciam un. Note kiangah kong genin-ah, mi tampi tak in lut ding a hanciam uh hangin lut zo lo ding uh hi.

Sawltak 2:40

Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

2 KORIN NIHNA 6:17

Tua ahih manin Vanglian Topa keimah in kong genin-ah: Amaute tawh kikhenin amaute kiang panin paikhia unla, a siang lo peuhmah sukha kei un. Tua hileh note ka hong ngai ding hi.

Mangmuhna 18:4

Tua ciangin vantung panin aw dang khat ka za a, “Keima mite aw, a mawh gamtatna-ah kihel kha-in a gimthuakna thuakpih kha ding na hih manun hong paikhia un.