Paunak 9:1 - Tedim Bible

¹ Pilna in a inn lam a, a innkhuampi sagih a phut hi.

Tedim Bible Revision 2017

¹ Pilna in a inn lam a, a innkhuampi sagih a phut hi.

Paunak 9:1 Iomraidhean Croise

1 KUMPI MASATE 7:21

Amah in biakinn innlimah khuampite a phut hi. Leitaw lamah a khuam khat phutin a min Jakhin phuak a, leilu lamah a khuam dang khat phutin a min Boaz a phuak hi.

1 KUMPI MASATE 7:6

Tua ciangin amah in Khuampi Innpi a kici khat lam hi. A sauna pi sawmsagih le nga hi a, a zaina pi sawmli le nga ahi hi. A mai lamah khuampite a nei innliim om a, tua khuampite tungah a tungkhuhna khat om hi.

Paunak 1:20

Ngai in! Kongzing lampi le van kizuakna phualpi-ah pilna hong kiko hi.

Paunak 2:1

Ka ta aw, kong hilhte thei inla, kong gente mangngilh kei in.

Paunak 24:3

Pilna tawh inn kilam a, ngaihsut siamna tawh inn kip hi.

Paunak 3:1

Ka ta aw, kong thuhilhte mangngilh kei inla, kong thugente phawk tawntung in.

Paunak 8:1

Ngai un! Pilna in hong sam a, thungaihsut theihna hong kiko hi lo ahi hiam?

Isaiah 55:1

A dangtak mi peuhmah tui phualah hong pai un. An nei lote aw, hong pai unla hong ne un! Hong pai un; a man ding bangmah piak kul loin leenggahzu le bawngnawi na duh zahzah uh hong ne un.

Mattiu 16:18

Ke’n kong genin-ah: Nang pen suangneu a cihnopna Peter na hi hi. Hih suangpi tungah ka pawlpi ka lam ding a, sihna nangawn in zo zo ngei lo ding hi.

Galati 2:9

Makai a kinei James, Peter, le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasemkhawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

1 TIMOTI MASA 3:15

Ahi zongin ka hong zekai khak zenzen leh thuman thutak khuampi le bulpi, a nungta Pasian’ pawlpi ahi Pasian’ innkuan sungah bangci gamtat ding cih na theih nadingin hih ka hong laikhak in lam hong lak ding hi.

Mangmuhna 3:12

A gualzote pen ka Pasian’ sutpi-in ka bawl ding a, amaute paikhia ngei nawn lo ding uh hi. Amaute tungah ka Pasian’ min le ka Pasian kiang vantung panin a hong paisuk ding Jerusalem khua thak min ka gelh ding a, amaute tungah keima min thak zong ka gelh ding hi.