Paunak 4:1 - Tedim Bible

¹ Tate aw, na pa uh’ hong hilhnate ngai unla, thu na teltheih nadingun limtakin ngaihsun un.

Tedim Bible Revision 2017

¹ Tate aw, na pa uhʼ hong hilhnate ngai unla, thu na tel theih nadingun limtakin ngaihsun un.

Paunak 4:1 Iomraidhean Croise

Piancilna 49:2

“Jakob’ tapate aw, hong kikhawmin za unla, na pa Israel’ thugen ngai un.

Late 34:11

Tate aw, hong pai unla hong ngai un; Topa zahtakna thu ka hong hilh ding hi.

Paunak 1:2

Mite in pilna le thuhoihte a phawk theih nading, khiatna thuk a nei kammalte a theih theih nading.

Paunak 1:8

Ka ta aw, na pa’ hong thuhilhna hoihtakin zui inla, na nu’ hong thugente ngai in.

Paunak 13:1

Ta pil in a pa’ hilhna mang a, a kihisak mi in a khial min pua nuam lo hi.

Paunak 19:20

Thu kigente ngai-in hong kihilhte mang lecin mai lamah na pil ding hi.

Paunak 22:17

Na bil uh hong ngatin mipilte’ thugen ngai unla, ka hong hilh pilna thute na lungsim uhah lutsak un.

Paunak 5:1

Ka ta aw, ka pilna le ka thumuhnate, limtakin ngai-in hong za in.

Paunak 7:4

Pilna na sanggamnu dingin nei inla, thumuhna na lawm it pen dingin nei in.

Jeremiah 35:8

Kote in Rekhab’ tapa ka pu uh Jonadab’ hong thupiak khempeuh ka mang uh a, ka nuntak hun sungteng uh ko a kipan ka zite uh, ka tapate uh le ka tanute uh in leenggahzu dawn loin,

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.