Paunak 26:2 - Tedim Bible

² Thu om lopi a hong kisamsiatna pen bangmah a hong cih thei lo, khawlna mun mel a nei lo, a leengsuk a leengto phialphiah tawh kibang lel hi.

Tedim Bible Revision 2017

² Thu om lopi a hong kisamsiatna pen bangmah a hong cih thei lo, khawlna mun mel a nei lo, a leeng suk a leeng to phialphiah tawh kibang lel hi.

Paunak 26:2 Iomraidhean Croise

2 SAMUEL NIHNA 16:12

Topa in ka thuakna hong enin, tuni-a kei hong samsiatna hangin Topa in a hoih tawh kei hong thuk kha ding hi,” a ci hi.

2 SAMUEL NIHNA 16:8

Ama tangin na uk Saul’ innkuante na thahna hangin Topa in nangma tungah hong thuk hi. Topa in na tapa Absalom’ tungah kumpi gam pia khinta hi. Thei in, na siatna nangma lu tungah hong tu hi; bang hang hiam cih leh nang pen mi that pa na hi hi,” a ci hi.

Nehemiah 13:2

bang hang hiam cih leh amaute in anletui tawh Israel mite na dawn lo uh a, amaute a samsia dingin Balaam cial zawsop uh hi. Ahi zongin i Pasian in tua samsiatna thupha-in hong heisak hi.

Late 109:28

Amaute in kei hong samsiat hangin nangmah in kei thupha nong pia ding hi. Ka langte zahhuaisak inla, na nasempa keimah hong kipsak ta in.

Paunak 27:8

Inn panin gamlapi-ah a zinkhia mipa a bu panin a leengkhia vasa tawh kibang hi.

Isaiah 16:2

A bu a kipaih khiatsak ciangin a cih nading thei loin a leng kawikawi vasate bangin Arnon guntui ngahmunah Moab mite om uh hi.

Gamlak-vakna 23:8

Pasian’ samsiat loh mite bangci samsiat ding ka hi hiam? Topa’ mawhsak loh mite bangci mawhsak ding ka hi hiam?

1 SAMUEL MASA 17:43

Tua ciangin Filistia-pa in David kiangah, “Ui hong sa a, ciangkang tawh sat hong sawm na hi hiam?” a ci hi. Filistia-pa in a pasian-te’ min tawh David samsia hi.