Paunak 2:1 - Tedim Bible

¹ Ka ta aw, kong hilhte thei inla, kong gente mangngilh kei in.

Tedim Bible Revision 2017

¹ Ka ta aw, kong hilhte thei inla, kong gente mangngilh kei in.

Paunak 2:1 Iomraidhean Croise

JOB (Job) 23:12

Pasian’ thupiakna bangin ka gamta ngitnget a, keima utna zui loin ama deihna ka zui hi.

Late 90:12

Tua ahih ciangin pilna lungsim ka ngah theih nadingun ka nuntak hun uh a tomlam ka theih nadingun hong hilh in.

Paunak 1:3

A hoihin a pil gamtat theih nading, thuman, thutang, a kilawmin a gamtat theih nading.

Paunak 28:7

Thuhilhna a mang mite ta pil hi a, lawm gilo tawh a kikhawl mi in a pa mindaisak hi.

Paunak 3:1

Ka ta aw, kong thuhilhte mangngilh kei inla, kong thugente phawk tawntung in.

Paunak 4:1

Tate aw, na pa uh’ hong hilhnate ngai unla, thu na teltheih nadingun limtakin ngaihsun un.

Paunak 4:10

Ka ta aw, ka thugente limtakin zui in. Tua hileh na khansau ding hi.

Paunak 6:21

Amau’ hong thugente phawk tawntung inla, na lungsimah ciamteh niloh in.

Paunak 7:1

Ka ta aw, ka thugente ciamteh inla, kong sawl thute khempeuh mangngilh ngei kei in.

Paunak 8:1

Ngai un! Pilna in hong sam a, thungaihsut theihna hong kiko hi lo ahi hiam?

Paunak 9:1

Pilna in a inn lam a, a innkhuampi sagih a phut hi.

Mattiu 13:44

“Vantung ki-ukna pen lolai-ah a kiseel sum tawh kibang hi. Mi khat in a muh ciangin limtakin a seelpha hi. Amah lungdam mahmahin a inn-ah ciahpah a, a neih khempeuh a zuak khit ciangin tua lo a lei hi.

Luka 2:19

Mary in ahihleh a lungsimah hih thute ciamtehin a ngaihsunsun hi.

Luka 2:51

Tua ahih ciangin a nu le a pa zui-in Nazareth khua-ah ciahkik a, amaute’ thu mangin tua lai-ah hoihtakin a om hi. A nu in hih thu khempeuh a lungsim sungah ngaihsunsun hi.

Luka 9:44

“Mihingte’ khut sungah Mihing Tapa kipia ding ahihna thu mangngilh het kei un,” a ci hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi galkhatah hong paisakin hong laksak ding ahi hiam?’ na cih theihna dingun tuipi gal-a om zong hi lo hi.

1 TIMOTI MASA 1:15

Khrih Jesuh, mawhneite a honkhia dingin leitungah hong pai hi, cihna thu a man hi a, a uphuai a sanhuai thu ahi hi. Keimah zong tua mawhnei mite lakah a mawhpha bel ka hi hi.