Paunak 10:7 - Tedim Bible

⁷ Mihoihte kiphawkphawk a, migilote kimangngilh pah hi.

Tedim Bible Revision 2017

⁷ Mihoihte kiphawkphawk a, migilote kimangngilh pah hi.

Paunak 10:7 Iomraidhean Croise

1 KUMPI MASATE 11:36

Ahi zongin ka min koih nadingin ka teelsa khuapi Jerusalem-ah ka nasempa David in keima mai-ah suanlekhak a neih tawntung theih nadingin a tapa tungah minam khat ka pia ding hi.

2 KUMPI NIHNATE 19:34

Bang hang hiam cih leh keima min ka khualna le ka nasempa David tungah ka ciamsa thu hangin hih khuapi ka hu ding hi,’ ci hi,” a ci hi.

2 KHANG TANGTHU NIHNATE 24:16

Amah in Israel sung, le Pasian’ na le Pasian’ biakinn-ah nasep hoih sem ahih manin amaute in David khuapi sung kumpite’ lakah amah a vui uh hi.

2 KHANG TANGTHU NIHNATE 32:33

Tua ciangin Hezekiah si a, amaute in David’ suante’ han paina mualpangah amah vui uh hi. Judah mi khempeuh le Jerusalem-a tengte in a sih lai-in amah zahtakna bawl uh hi. Tua ciangin ama tapa Manasseh in ama tangin a uk hi.

JOB (Job) 18:17

Inn le gamah ama minthanna beita a, kuamah in amah phawkkha nawn lo hi.

JOB (Job) 24:20

Amah kiphawkkha nawn lo a, ama nu nangawn in zong a mangngilh ta hi. Thante in amah netum a, amah maimang ta hi.

JOB (Job) 27:23

Amaute a tai laitakun huih in nawk gawpin, a susiagawp dingin mutkhiagawp ding hi.

Late 109:13

Ama suanlekhakte bei hen la, khang khat sungin a vangliatna maimang tahen.

Late 109:15

Topa’ mai-ah tua mawhnate omsak inla, leitung panin amah a kiphawkna bei tahen.

Late 112:6

Amah kiling lo taktak ding a, kiphawk tawntung ding hi.

Late 34:16

Siatna a bawl mite hih leitung panin a kiphawkna a kisuktat nadingin Topa in amaute a langpang hi.

Late 34:17

Huhna a ngen dingin thumante a kiko ciangin Topa in za a, a haksatna khempeuh panun amaute a honkhia hi.

Late 41:5

Ka galte in elna tawh keima thu gen uh a, “Cik ciangin amah a si tam, cik ciangin a min a mang tam,” ci uh hi.

Paunak 22:1

Hauhna sangin min hoihna deihhuai zaw a, kham le ngun sangin mi’ hong thusimna deihhuai zaw hi.

Thuhilh-sia 8:10

Migilote si-in kivui a, a siat gamtatna khuasunga om mite mah in han panin a ciah ciangun amah a phat veve-na uh ka mu hi.

Isaiah 14:22

Vanglian Topa in, “Amaute’ langkhatah ka pang ding a, Babylon min le a omlai mite’ tate le suanlekhakte ka susia ding hi, Topa in ci hi.

Jeremiah 17:13

Aw Topa, Israel mite’ lamet pa aw, nang a hong taisan mite a zahhuai ding uh hi. Nang a hong lehngatsan mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisanzo uh hi.

Marka 14:9

Hih thu limtakin phawk un! Lungdamna thu a kihilhna leitung mun khempeuhah hihnu’ thu kiphawkin kei tungah hong sepnate kigengen ding hi,” a ci hi.

Luka 1:48

Bang hang hiam cih leh a neu mahmah a nasemnu, keimah a hong phawk hi. Tu a kipanin a khangkhangin mi khempeuh in thupha ngah nu hong ci ding uh hi.