Mattiu 9:6 - Tedim Bible

⁶ Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhezaw mipa kiangah, “Tho in; na lupna pheek pua inla na inn-ah ciah in,” a ci hi.

Tedim Bible Revision 2017

⁶ Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a cih khit ciangin khutlekhe zaw mipa kiangah, “Tho in; na lupna pheek pua inla na inn ah ciah in,” a ci hi.

Mattiu 9:6 Iomraidhean Croise

Isaiah 43:25

Na thupalsatnate hong paihkhiatsak pa pen keimah ka hi a, kei ka hih manin na khialhnate ka ciamteh kei ding hi.

Micah 7:18

Topa aw, nang tawh a kibang Pasian dang om lo a, a omlai na mite’ mawhna nangmah in na maisak hi. Nang na heh paisuak kei a, na itna kip nong lak hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Mattiu 8:20

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Mattiu 9:2

Mi pawlkhat in khutlekhezaw mi khat, a lupna pheek tawh hong pua-in Jesuh kiang a hong tunpih uh hi. Jesuh in amaute’ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Mattiu 9:5

‘Na mawhna hong kimaisak hi,’ cih ding le, ‘Tho inla pai in,’ cih ding koi baihzaw ahi hiam? Kampau lel pen baih mahmah hi.

Mattiu 9:7

Amah zong tho-in a inn-ah a ciahpah hi.

Marka 2:10

Ahi zongin Mihing Tapa in leitungah mawhmaisak theih nading thu nei hi, ci-in na theih nadingun kong lak ding hi,” a ci hi. Tua ahih manin khutlekhezaw mipa kiangah,

Marka 2:7

“Bang hangin hih mipa, Pasian tawh a kikim bangin kingaihsunin hih bangin pau ngam ahi hiam? Pasian simloh kuamah in mawhna maisak thei lo hi,” ci-in a ngaihsun uh hi.

Luka 5:21

Tua ciangin Thukham hilh siate le Farisi mite in a lungsim sung uhah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Johan 10:28

Tua ahih manin amaute tungah nuntak tawntungna pia ka hih manin si ngei nawn lo ding uh a, keima khutsung panin kuamah in amaute hong sut zo lo ding uh hi.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Johan 5:27

Amah pen Mihing Tapa ahih manin thu khentheih nading aana ama tungah a pia hi.

Johan 5:8

Tua ciangin Jesuh in, “Tho inla, na lupna pheek pua-in pai in,” a cih ciangin,

Sawltak 5:31

Israel mite kisik kikin Pasian in a mawhna uh a maisak theih nadingin Ukpi le Honpa-in tua Jesuh bawlin ama taklamah a tusak hi.

Sawltak 9:34

Peter in tua pa kiangah, “Aineas aw, Jesuh Khrih in nang hong damsak hi; tho-in na lupna zial in,” a ci hi. Amah zong thakhatin thoto pah hi.

2 KORIN NIHNA 2:10

Note in mawhna na maisak uh ciangin kei zong a maisak ka hi hi. Mawhna maisak ding om ahihleh zong, mawhna ka maisak ciangin Khrih hang le note’ phattuam nadingin a maisak ka hi hi.

2 KORIN NIHNA 5:20

Tua ahih ciangin kote pen Khrih tangin nasem ka hi uh a, Pasian in kote zangin note tungah thu a hong gen ahi hi. Pasian tawh kilemin pawlkhatin na om nadingun Khrih tangin a hong thum ka hi uh hi.

Efesa 4:32

khatlekhat kihehpihin, lungsim nem tawh na kihozaw unla, Khrih’ hangin Pasian in note’ mawhna hong maisak mah bangin khatlekhat na mawhna uh na kimaisak ta un.

Kolose 3:13

Note lakah khatlekhat a kilungkim lo na om uh ciangin khatlekhat na mawhna uh kimaisakin na kihuh ciat un. Topa in note’ mawhna hong maisak bangin note zong khatlekhat na mawhna uh na kimaisak ding uh hi.