Mattiu 9:29 - Tedim Bible

²⁹ Tua ciangin Jesuh in amaute’ mit lawnsak a, “Na upna uh tawh kizui-in note tungah hong piang ta hen,” a ci hi.

Tedim Bible Revision 2017

²⁹ Tua ciangin Jesu in amauteʼ mit lawnsak a, “Na upna uh tawh kizui-in note tungah hong piang tahen,” a ci hi.

Mattiu 9:29 Iomraidhean Croise

Mattiu 15:28

Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Mattiu 20:34

Jesuh in amaute hehpihhuai sa ahih manin a mit uh lawnsak a, thakhat thu-in a mit un khua a mukik pah hi. Tua ciangin amau tegel in zong Jesuh nung a zuipah uh hi.

Mattiu 8:13

Tua ciangin Jesuh in galkap bupa kiangah, “Na inn-ah ciah in. Na up bangin hong piang ding hi,” a ci hi. Tua hun laitak teek mahin a nasempa a dam hi.

Mattiu 9:22

Jesuh zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dampah hi.

Mattiu 9:28

Inn-ah Jesuh a lut ciangin mittaw mi nihte in zong hong zui uh hi. Tua ciangin Jesuh in, “Na mit uh khua hong musak thei dingin hong um na hi uh hiam?” ci-in a dot ciangin amaute in, “Topa aw, ka hong um uh hi,” ci-in a dawng uh hi.

Marka 10:52

Tua ciangin Jesuh in, “Na ciah thei ta ding hi; na upna in nang hong damsakzo hi,” a cihkhit phetin amah in khua mukik theipah a, tua a paina lampi-ah Jesuh’ nung a zui hi.