Mattiu 9:27 - Tedim Bible

²⁷ Tua lai panin Jesuh a paikhiat ciangin mittaw mi nih in a nungah hong zui-in nakpitakin kiko uh a, “David’ suan Jesuh aw, kote hong hehpih in,” ci-in a thum uh hi.

Tedim Bible Revision 2017

²⁷ Tua lai panin Jesu a paikhiat ciangin mittaw mi nih in a nungah hong zui-in nakpi takin kiko uh a, “Davidʼ suan Jesu aw, kote hong hehpih in,” ci-in a thum uh hi.

Mattiu 9:27 Iomraidhean Croise

Mattiu 1:1

Abraham’ suan David, David’ suan Jesuh Khrih’ khang ciaptehna hih bang ahi hi.

Mattiu 11:5

Mittawte in khua mukik a, khebaite paithei kikin, miphakte damkik a, bilngongte in khua za kikin, misite hingkik a, mizawngte tungah Lungdamna Thu a kihilhnate va gen un.

Mattiu 15:22

Tua gamah a teng Kanaan nupi khat hong pai-in hong kiko a, “David’ suan, Topa aw, kei hong hehpih in. Ka tanu in dawi vei a, nasia mahmah hi,” ci-in a hong thum hi.

Mattiu 17:15

“Topa aw, nong hehpihna-in ka tapa hong damsak in. Amah in sihbup natna nei-in gim mahmah hi. Meikhuk sungah ahi a, tui sungah ahi zongin a puk zel hi.

Mattiu 20:29

Jerikho khua panin a paikhiat uh ciangin mi tampi in Jesuh a zui uh hi.

Mattiu 21:15

Ahi zongin siampi liante le Thukham hilh siate in a nalamdang bawlte mu-in, biakinn sungah naupangte in, “David’ suan Jesuh in phatna ngah ta hen!” ci-in a kikona a zak uh ciangin heh uh ahih manin

Mattiu 21:9

A mai-a pai mihonte le a nunga zui mihonte awng uh a, “David’ suan Jesuh in phatna ngah ta hen! Topa’ min tawh hong pai pa in thupha ngah ta hen! A sangpena om Pasian in phatna ngah ta hen!” a ci uh hi.

Mattiu 9:28

Inn-ah Jesuh a lut ciangin mittaw mi nihte in zong hong zui uh hi. Tua ciangin Jesuh in, “Na mit uh khua hong musak thei dingin hong um na hi uh hiam?” ci-in a dot ciangin amaute in, “Topa aw, ka hong um uh hi,” ci-in a dawng uh hi.

Marka 11:10

A hong tung ding i pu David’ ukna, Pasian in thupha pia ta hen! Pasian phat un!” ci-in a awng uh hi.

Marka 9:22

A sih nadingin meikhuk sung le tui sungah tamveipi puksakzo hi. Na hihtheih leh kote hong hehpih inla hong huh in,” ci-in a dawng hi.

Luka 17:13

nakpitakin kiko-in, “Topa Jesuh aw, kote hong hehpih in,” a ci uh hi.

Luka 20:41

Ahi zongin Jesuh in amaute kiangah, “Bang hangin Thukham hilh siate in Khrih pen David’ suan hi, ci zenzen ahi uh hiam?

Luka 7:21

Tua hun laitak mahmahin natna a tuamtuamte tampi damsakin, dawivei mite sung panin dawite hawlkhia a, mittaw mi tampi khua a musak hi.

Johan 7:42

Khrih i cih pen David’ suan hi ding a, David’ suahna Bethlehem khua-ah suak ding hi, ci-in Lai Siangtho sungah kigelh hi lo ahi hiam?” a ci uh hi.

ROM (Romans) 1:3

Tua thu pen eite’ Topa Jesuh Khrih ahi ama Tapa’ thu ahi hi. Tua Tapa pen leitung silesa lam panin David’ suan hi a,

ROM (Romans) 9:5

le a thupi pupite’ suanlekhakte hi uh a, leitung silesa tawh kisai-in Khrih zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.