Mattiu 9:15 - Tedim Bible

¹⁵ Jesuh in amaute kiangah, “Mopina pawi khatah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung ding a, tua hun ciangin amaute in an a tang ding uh hi.

Tedim Bible Revision 2017

¹⁵ Jesu in amaute kiangah, “Mopina pawi khat ah, a zineipa a om sungin a mopawi simte dah dingin um na hi uh hiam? Dah het lo ding uh hi. Ahi zongin amaute kiang panin zineipa a kilakkhiat ding hun hong tung dinga, tua hun ciangin amaute in an a tang ding uh hi.

Mattiu 9:15 Iomraidhean Croise

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Mattiu 9:14

Tua ciangin Jesuh kiangah Tuiphumpa Johan’ nungzuite hong pai uh a, “Bang hangin kote le Farisi mite in an tang zelzel napi-in, na nungzuite in tang lo se ahi uh hiam?” ci-in a dong uh hi.

Mattiu 9:16

Kuamah in a ton nai lo puanbek thak tawh puan lui a phop kei hi. Tua bangin phop leh puanbek thak a ton ciangin a lui kaigawmin a vang a gol semsem ding hi.

Marka 2:19

Jesuh in, “Mopawi a siim mite in an ne lo dingin um na hi uh hiam? Zineipa tawh a omkhawm sung uh an ne loin om lo ding uh hi.

Marka 2:20

Ahi zongin amaute kiang panin zineipa a kipaikhiatpih hun hong tung ding a, tua hun a tun ciangin an ne loin a om ding uh hi.

Luka 17:22

Tua ciangin Jesuh in nungzuite kiangah, “Nikhat ni ciangin Mihing Tapa nikhat sung bek nangawn na muhnop hun uh hong tung ding a, ahi zongin na mu kei ding uh hi.

Luka 5:34

Jesuh in amaute kiangah, “Mopawi-ah zineipa le pawisimte a omkhawm laitakin a pawisimte an tangsak thei ding na hi uh hiam?

Luka 5:35

Amaute kiang panin zineipa a kipaikhiatpih hun hong tung ding a, tua hun ciangin tang ding uh hi,” ci-in a dawng hi.

Johan 16:6

Ahi zongin hih thute ka hong gen ciangin na lungsim uh dah mahmah hi.

Johan 3:29

Mo pen zinei ding tangvalpa a’ ding bek ahi hi. Zineipa kiangah a ding a lawmpa in ama kampau ding bek ngai a, ama awging a zak ciangin nuam mahmah hi. Tua mah bangin tu-in ama hangin ka nuam a, keima lungdamna kicingta hi.

Sawltak 14:23

Khua pawlpi simah pawlpi upa ding sehsak uh a, an tangin thungetna tawh amaute’ muan ahi Topa’ khut sungah tua mite a ap uh hi.

1 KORIN MASA 7:5

Thungetna-in hun na zattheih nadingun tawlkhat sung tuam om ding thukim khawm masa lopi-in lupkhop ding kinialkha kei un. Tua bangin tawlkhat sung na tuam om khit uh ciangin note’ pumpi’ deihna hangin Satan’ ze-etna sungah na pukkhak loh nadingun a ngeina bangin lupkhop ding kipan kik un.

2 KORIN NIHNA 11:27

Nasem silbawlin ki-om tawntung a, ihmu man lo liangin zong ka om zel hi. Gilkial dangtakin ka om zel a, annek ding nei lo, giah nading om lo, puansilh ding nei loin ka om hun tampi a om hi.

Mangmuhna 19:9

Tua ciangin vantungmi in keima kiangah, “Hih thu gelh in: Tuuno’ zineihna pawi-ah a kisam mite a hampha mahmah ahi hi,” hong cihkhit ciangin, “Hihte pen Pasian’ gen taktak kammal ahi hi,” hong cithuah lai hi.

Mangmuhna 21:2

Mothak khat a pasal tawh a kituah dingin a kizem bangin vantung Pasian kiang panin Khuapi Siangtho ahi Jerusalem khua thak a hong paisuk ka mu hi.