Mattiu 8:8 - Tedim Bible

⁸ Ahi zongin galkap bupa in, “Topa aw, keima inn-ah nangpipi nong pai dingin kilawm lo ka hih manin a dam nadingin thu pia lel lecin zong ka nasempa dam ding hi.

Tedim Bible Revision 2017

⁸ Ahi zongin galkap bupa in, “Topa aw, keima inn ah nang pipi nong pai dingin kilawm lo ka hih manin a dam nadingin thu pia lel lecin zong ka nasem pa dam ding hi.

Mattiu 8:8 Iomraidhean Croise

Piancilna 32:10

kei pen na itna kip khempeuh lak pan a neupen le na nasempa tunga nong lahsa na thumannate khempeuh tawh ka kilawm kei hi. Bang hang hiam cih leh ka ciangkhut guak tawh hih Jordan ka kantan a, ahi zongin tu-in pawl nih ka cing khinta hi.

Late 10:17

Topa aw, lungnemte’ deihna na ngai ding hi. A lungsim uh na hatsak ding a, na bil na ngat ding hi.

Late 107:20

Amah in thu vaikhakin amaute damsak a, siatna ding panin amaute a honkhia hi.

Late 33:9

Bang hang hiam cih leh amah pau a, leitung hong piang hi; amah in thu pia a, na khempeuh hong om hi.

Gamlak-vakna 20:8

“Ciangkhut la-in, nang le na sanggampa Aaron in mihonte khawm un la, suangpi in amau’ muhin tui a piak ding sawl un. Tua bangin mihonte le amau’ ganhingte tui na ngahsak ding uh hi,” a ci hi.

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpitakin lianzaw a, ama khedap a tawisak ding nangawnin ka kilawmzo nai kei hi.

Mattiu 3:14

Ahi zongin Johan in na tuiphum nuam lo a, “Nang in kei nong tuiphum dingin a kilawmzaw kimlai, kei’ phum dingin nang hong pai zawsop na hi hiam?” a na ci hi.

Mattiu 8:3

Jesuh in zong a khut zanin tua mipa lawng a, “Ka hong damsaknuam hi; dam ta in,” a cih khit phetin a phakna a dampah hi.

Mattiu 8:7

Jesuh in, “Hong pai-in ka damsak ding hi,” a ci hi.

Mattiu 8:9

Kei zong uliante khutnuai-ah nasem mi ka hi a, keima khutnuai-ah zong galkapte a om hi. Tua galkapte khat kiangah, ‘Pai in,’ ci-in sawl leng pai a, adang khat kiangah, ‘Hong pai in,’ ci-in sam leng hong pai a, ka nasempa kiangah, ‘Hih sem in,’ ci-in sawl leng a sem hi,” a ci hi.

Luka 15:19

Na tapa cih dingin zong kilawm nawn lo ka hih manin na nasemte khat bangin hong bawl lel in,” ka ci ding hi,’ a ci hi.

Luka 15:21

A tapa in, ‘Pa aw, Pasian tung le nangma tungah ka khialkhin hi. Na tapa cih dingin zong ka kilawm nawn kei hi,’ a ci hi.

Luka 5:8

Simon Peter in hih thu a muh ciangin Jesuh’ mai-ah khukdin a, “Topa aw, kei mawhnei mi ka hih manin ka kiang panin paikhia in,” a ci hi.

Johan 1:27

Keima khit ciangin note lakah amah in nasep hong kipan ahih hangin, kei pen ama khedap khau a sutsak ding nangawnin ka kilawmzo nai kei hi,” ci-in a dawng hi.