Mattiu 8:4 - Tedim Bible

⁴ Tua ciangin Jesuh in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na damkhitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Tedim Bible Revision 2017

⁴ Tua ciangin Jesu in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na dam khitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 8:4 Iomraidhean Croise

Isaiah 42:21

Topa pen a honkhia nuam mahmah Pasian hi a, ama thuhilhnate limtakin a kizuih ding a deih hi.

Siampi Laibu 13:49

tua natna pen a hing melin ahi a, a san melin ahi zongin puan tungah a kilat ciang, puan a tung a phei tung hitaleh savun le savun tawh a kibawl na khat peuhpeuh tungah a om ciangin, tua pen phaknatna hi a, siampipa kiangah kilak ding hi.

Mattiu 10:18

Keima hangin gam ukte le kumpite mai-ah thu hong kisit ding hi. Hih bang na tuah uh ciangin thu hong sit mite le Gentail mite tungah Lungdamna Thu gentheih nading hunhoih a nei na hi uh hi.

Mattiu 16:20

Tua ciangin amah Khrih ahih lamtak, kuama kiangah a gen loh nadingun a nungzuite kiangah khauhtakin thu a pia hi.

Mattiu 17:9

Mualtung panin amaute a ciahsuk laitakun Jesuh in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Mattiu 3:15

Ahi zongin Jesuh in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Mattiu 5:17

“Moses Thukham le kamsangte’ thuhilhnate a phiat dingin hong pai hi, ci-in hong ngaihsun kei un. Tuate a phiat dingin a hong pai hi loin, amaute’ hilhna a kicingsak dingin a hong pai ka hizaw hi.

Mattiu 6:1

“Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 9:30

Tua ciangin amaute in khua mukik uh a, Jesuh in amau tegel kiangah, “Hih thupiang kuamah theisak kei un,” ci-in khauh takin a gen hi.

Marka 13:9

“Limtakin kidawm un. Note hong kimanin thukhen zumah hong kipaipih ding a, kikhopna inn sungah zong hong kisat ding hi. Ukpite le kumpite mai-ah keima thu gen nading hun na ngah ding uh hi.

Marka 3:12

Dawite in amah kua mi ahi cihna thu a genkhiat loh nadingun Jesuh in nakpitakin dawite a kham hi.

Marka 5:43

Hih thu, kuama kiangah a gen loh nadingun Jesuh in nakpitakin amaute kham a, tua ciangin, “Numeino an pia un,” ci-in a sawl hi.

Marka 6:11

Na paina uh khua khatpeuh in note hong sang loin, na thuhilhna uh hong ngaihnop kei uhleh, tua khua nusia-in, na khe uha leivui bangte sinsan un. Tua pen amaute a dingin hilhkholhna ahi hi,” ci-in a vaikhak hi.

Marka 7:36

Kuama kiangah hih thute a gen loh nadingun Jesuh in kham a, ahi zongin nakkham le nakgen semsem zawsop uh hi.

Marka 8:30

Tua ciangin Jesuh in, “Kua mi ka hi cih thu kuama kiangah gen kei un,” ci-in a nungzuite thu a pia hi.

Marka 9:9

Mualtung panin a paisuk kawmun Jesuh in amaute kiangah, “Sihna panin Mihing Tapa a thawhkik matengin hih na muhte uh kuama kiangah gen kei un,” ci-in a kham hi.

Luka 17:14

Jesuh in amaute a muh ciangin, “Pai unla siampite va kivelsak un,” a ci hi. Amaute a va pai uh ciangin lamkalah a dam uh hi.

Luka 21:13

Hih hun sung pen note in Lungdamna Thu na gentheih nading uh hunhoih ahi hi.

Luka 4:41

Mi tampi sung panin dawite zong taikhia uh a, “Nang pen Pasian’ Tapa na hi hi,” ci-in a kiko uh hi. Amah pen Khrih ahihlam thei uh ahih manin amaute taii-in pausak lo hi.

Luka 5:14

Tua ciangin Jesuh in ama kiangah, “Hih thu kuamah dang kiangah gen kei in. Siampipa kiangah paisuakpah inla kivelsak in. Tua ciangin na damna thu a kilat nadingin Moses thupiak mah bangin biakna pia in,” ci-in thu a pia hi.

Luka 8:56

Numeino’ nu le pa in lamdangsa mahmah uh a, ahi zongin hih thupiangte kuama kiangah a gen loh nadingun Jesuh in a kham hi.

Luka 9:21

Tua ciangin Jesuh in, “Hih thu kuama kiangah gen kei un,” ci-in a nungzuite thu a pia hi.

Johan 5:41

“Hih bangin kong gen ciangin mihingte in hong pahtak ding ka deihna hi lo a,

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

Johan 8:50

Kei ka minthan’ theih nading ka hanciam kei a, ahi zongin keima minthan nading zongin, kei a hong angvan ding thukhen ding Khat om hi.