Mattiu 8:29 - Tedim Bible

²⁹ Amaute nakpitakin hong kiko uh a, “Pasian’ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Tedim Bible Revision 2017

²⁹ Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Mattiu 8:29 Iomraidhean Croise

2 SAMUEL NIHNA 16:10

Ahih hangin kumpipa in, “No Zeruiah tapate aw, note tawh bang kisai ahi hiam? Topa in ama kiangah, ‘David samsia in,’ a cihna hangin hong samsia ahihleh, ‘Bang hangin tuaci hih na hi hiam?’ kua in ci ding ahi hiam?” a ci hi.

2 SAMUEL NIHNA 19:22

Ahih hangin David in, “Note pen tuni-in kei’ lang bangin na om nadingun no Zeruiah’ tapate tawh kei bang kisai ihi hiam? Tuni-in Israel sungah mi khatpeuh kithat ding ahi hiam? Bang hang hiam cih leh tuni-in Israel-te’ tungah kumpi ka hihna thei hi lo ka hi hiam?” a ci hi.

1 KUMPI MASATE 17:18

Tua ciangin amah in Elijah kiangah, “Pasian’ mipa aw, kei’ langkhatah bang thu nei na hi hiam? Ka khialhna a pholak ding ka tapa’ sihna a piangsak dingin kei kiangah nong pai hi,” a ci hi.

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam? Na nu’ kamsangte le na pa’ kamsangte’ kiangah pai in,” a ci hi. Ahih hangin Israel kumpipa in ama kiangah, “Hilo hi; Moab’ khut sungah hong piak dingin ko kumpi thumte a hong sampa pen Topa ahi hi,” a ci hi.

2 KHANG TANGTHU NIHNATE 35:21

Ahih hangin Neko in ama kiangah kamtaite sawlin, “Judah kumpipa aw, ei tegel khatlekhat i kihihna ding bang om ahi hiam? Tu-in nang a sim dingin hong kuan ka hi kei a, ka galte a sim dingin a hong kuan ka hi hi. Ka kinawhna ding Pasian in kei tungah thu hong pia khin hi. Kei tawh a omkhawm Pasian na nialna khawl in. Tua hikeileh nang hong susia ding hi,” cisak hi.

Joel 3:4

“Taia khua, Sidon khua, le Filistia gam khempeuh aw, kei bang hong cih nuamin a kinei na hi uh hiam? Bang khat peuhpeuh hangin hong thukkik nuamin a kinei na hi uh hiam? Kei a hong thukkik na hih uhleh, kei zong manlang takin kong thukkik pah ding hi.

Mattiu 4:3

Tua ciangin ama kiangah Dawimangpa hong pai a, “Pasian’ Tapa na hih takpi le hih suangte anlum a suah nadingin thu pia in,” a ci hi.

Mattiu 8:30

Tua laitakin tua san panin a gamla lo mun khatah vok honpi gamta-in a om hi.

Marka 1:24

“Nazareth khuami Jesuh aw, kote tawh nang bang kisai ihi hiam? Kote a susia dingin hih lai-ah hong om na hi hiam? Pasian’ mi siangtho na hihlam kong thei hi,” ci-in a kiko hi.

Marka 3:11

Tua laitakin mite’ sunga lut dawite in Jesuh a muh uh ciangin a mai-ah pukin kiko uh a, “Nang pen Pasian’ Tapa na hi hi,” a ci uh hi.

Marka 5:7

nakpitakin kiko-in, “A Lianpen Pasian’ Tapa Jesuh aw, kei bang hong nuammawh na hi hiam? Kei, gim hong pia kei in, ci-in Pasian’ min tawh kong thum hi,” a ci hi.

Luka 4:34

“Nazareth khuami Jesuh aw, kote tawh bang kisai ihi hiam? Kote a susia dingin hong pai na hi hiam? Pasian’ mi siangtho na hih lamtak ka hong thei uh hi,” a ci hi.

Luka 4:41

Mi tampi sung panin dawite zong taikhia uh a, “Nang pen Pasian’ Tapa na hi hi,” ci-in a kiko uh hi. Amah pen Khrih ahihlam thei uh ahih manin amaute taii-in pausak lo hi.

Luka 8:28

Jesuh a muh ciangin nakpitakin awngin a mai-ah khukdin a, “A Lian Pasian’ Tapa Jesuh aw, kei bang hong nuammawh na hi hiam? Kei, gim nong piak loh nadingin ka hong thum hi,” ci-in nakpitakin a kiko hi.

Johan 2:4

Tua ciangin Jesuh in, “Nu aw, bang hangin na lunghihmawhna hong ko zenzen na hi hiam? Keima hun tung nai lo hi,” ci-in a dawng hi.

Sawltak 16:17

Tua numei in Paul le kote hong zui-in, “Hih mite, A Lianpen Pasian’ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in ling deldel uh hi.

2 PETER NIHNA 2:4

Bang hang hiam cih leh vantung mite nangawn in khialhna a neih ciangin Pasian in khahkhong loin hell khuk sungah khia a, Thukhen Ni hun dong ngakin khuamial sungah kol bulhsa-in a omsak hi.

Juda 1:6

Amau’ aana neih huamsung bekah om loin a omna panun a paikhia vantung mite zong leinuai khuamial sungah sikkol kibulhin amau’ thu a kikhen ding Ni lianpi ngakin Pasian in a koihcip hi.

Thukhente 11:12

Tua ciangin Jefthah in Ammon mite’ kumpipa kiangah kamtaite sawlin, “Ka gam a sim dingin kei kiangah nong pai nadingin kei’ tungah bang thu om ahi hiam?” cisak hi.