Mattiu 8:20 - Tedim Bible

²⁰ Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” ci-in a dawng hi.

Tedim Bible Revision 2017

²⁰ Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Mattiu 8:20 Iomraidhean Croise

Late 104:12

Tua tui kiangah huihlak vasate om uh a, singhiangte lakah amaute ham zaizai uh hi.

Late 104:17

Tua singte tungah vasate in bu bawl uh a, taksing kungte lakah gun vapite in bu a tom uh hi.

Late 109:22

Bang hang hiam cih leh kei genthei-in ka cimawh a, ka lungsim tawng dongin na hong nasak hi.

Late 40:17

Kei ahihleh zawngin ka cimawh a, ahih hangin Topa in kei hong mangngilh lo hi. Nang pen kei hong huhpa le hong honkhia pa na hi hi. Zekai kei in, ka Pasian aw.

Late 69:29

Ahih hangin keimah in gimna thuakin na ka sa hi. Pasian aw, kei hong kaito-in hong honkhia ta in.

Late 84:3

Vanglian Topa, ka kumpi le ka Pasian aw, na biakna tau-ah, kawlgit nangawn in a inn ding mu a, phialphiah in a omna ding, a note a koihna ding bu a mu hi.

Daniel 7:13

Zan ka maangmuh hun sungin ka khuadak leh mihing tawh a kibang mi khat meii tungah a hong pai ka mu hi. A nungta tawntung mipa kiangah pai-in, ama kiangah a kipia hi.

Mattiu 12:32

Mihing Tapa langpangin a gensiate a mawhna uh kimaisak thei ding a, ahi zongin Kha Siangtho langpangin a gensiate pen tuhun a kipan a tawntungin a mawhna uh kimaisak lo ding hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

Mattiu 12:8

Bang hang hiam cih leh Mihing Tapa pen Sabbath ni a ukpa ahi hi,” ci-in a dawng hi.

Mattiu 13:37

Jesuh in, “Taangci hoih a vawhpa pen Mihing Tapa ahi hi.

Mattiu 16:13

Sisaria Filippi gam a tun uh ciangin Jesuh in a nungzuite kiangah, “Mite in Mihing’ Tapa kei kua hi hong ci uh ahi hiam?” ci-in a dong hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Mattiu 17:9

Mualtung panin amaute a ciahsuk laitakun Jesuh in nungzuite kiangah, “Sihna panin Mihing Tapa a kithawhkiksak matengin hih na muhte uh kuama kiangah gen kei un,” ci-in thu a pia hi.

Mattiu 19:28

Jesuh in amaute kiangah, “Ke’n limtak a kong genin-ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Luka 12:8

“Note kiangah kong cihin-ah, keima mi ahihna mi’ theihin a genkhiate, Mihing Tapa in zong Pasian’ vantung mite’ mai-ah, keima mi hi, ci-in genkhia ding a,

Luka 18:8

Ke’n kong cihin-ah, amaute’ thu a manin manlang takin khensak ding hi. Ahi zongin Mihing Tapa hong pai ciangin leitungah amah a um mi a mu ding hiam?” ci-in a genthuah hi.

Luka 2:12

Amah na theih nading uh a lim hih bang hi ding hi: Puan tawh kitun naungek khat, gan annekna kuang sungah a kisial na mu ding uh hi,” a ci hi.

Luka 2:16

Amaute nawhpai mahmah uh a, Mary le Josef le gan annekna kuang sungah a kisial naungek a mupah uh hi.

Luka 2:7

Zintun nading mun dang khempeuh mi dim khinta ahih manin ganbukah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Luka 21:36

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.

Luka 8:3

Herod’ khutnuai-a ulian Khuza’ zi Joanna, Susanna, le numei dang tampite hi uh a, amau’ neihsa tawh Jesuh le a nungzuite a huh uh hi.

Luka 9:58

Jesuh in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihing Tapa in a luptheih nading mun koimahah nei lo hi,” a ci hi.

Johan 1:51

Tua ciangin Jesuh in, “Ke’n a mantak kong genin-ah, vantung a kihong na mu ding uh a, Mihing Tapa le vantung kikalah Pasian’ vantung mite a kumsuk a kahto na mu ding uh hi,” a ci hi.

Johan 12:34

Tua ciangin mihonte in, “Khrih nungta tawntung ding hi, ci-in Thukham sungah kigen hi. Bang hangin Mihing Tapa kikhaito ding ci na hi hiam? Hih Mihing Tapa kua ahi hiam?” a cih uh ciangin

Johan 13:31

Judas a paikhiat khit ciangin Jesuh in, “Tu-in Mihing Tapa in Pasian’ pianzia a neihna hong kilang ding hita hi; ama hangin Pasian in minthanna a ngah ding ahi hi.

Johan 3:13

Vantung panin a hong paisuk Mihing Tapa keimah simloh vantungah a paito ding kuamah om lo hi,” a ci hi.

Johan 3:14

Moses in gamlak khuam tungah sumngo gul a khai mah bangin Mihing Tapa zong hong kikhai ding a,

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Johan 6:53

Tua ahih manin Jesuh in amaute kiangah, “A mantakin kong genin-ah, Mihing Tapa’ sa na nek kei uh a, a sisan na dawn kei uhleh note sungah nuntakna om lo ding hi.

Johan 6:62

Mihing Tapa ama omna ngei-ah a ciahto kik a mu hi le-uhcin bang na ci ding uh hiam?

Sawltak 7:56

“En un! Vantung kihong a, Pasian’ taklamah Mihing Tapa a ding ka mu hi,” a ci hi.

2 KORIN NIHNA 8:9

Bang hang hiam cih leh i Topa Jesuh zong hau mahmah napi-in ama zawnna tawh note mihau na suahtheih nadingun note’ hangin mizawngin hong kibawl ahih manin i Topa Jesuh Khrih hong itna bangzah takin lian hiam, cih thu na thei uh hi.