Mattiu 8:13 - Tedim Bible

¹³ Tua ciangin Jesuh in galkap bupa kiangah, “Na inn-ah ciah in. Na up bangin hong piang ding hi,” a ci hi. Tua hun laitak teek mahin a nasempa a dam hi.

Tedim Bible Revision 2017

¹³ Tua ciangin Jesu in galkap bupa kiangah, “Na inn ah ciah in. Na up bangin hong piang ding hi,” a ci hi. Tua hun laitak teek mahin a nasem pa a dam hi.

Mattiu 8:13 Iomraidhean Croise

Thuhilh-sia 9:7

An ne-in lungdam inla, zu ne-in lungnuam in. Na gamtatna peuhpeuh Pasian in hoih a sa hi.

Mattiu 15:28

Tua ciangin Jesuh in tua nupi kiangah, “Nupi aw, na upna lian taktak hi. Na deihna bangin hong piang ding hi,” ci-in a dawn khit ciangin a tanu thakhatin a dampah hi.

Mattiu 17:20

Jesuh in, “Na upna uh a cingtaak lohna hang ahi hi. Ahi taktakin note kiangah kong genin-ah: Ankam tang cia bang upna na neih nak-uhleh, hih mual kiangah, ‘Hih lai panin hua lai-ah kin in,’ ci le-uhcin kinkhia ding hi. Na hih theih loh uh khat zong om lo ding hi.

Mattiu 8:4

Tua ciangin Jesuh in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na damkhitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 9:22

Jesuh zong hong kihei a, tua numei a muh ciangin, “Ka tanu aw, na lung kinuamsak in. Na upna in nang hong damsak khinta hi,” a cih khit phetin tua numei a dampah hi.

Marka 7:29

Jesuh in nupi kiangah, “Hih banga na kampauna hangin na inn-ah ciah ta in; na tanu sung panin dawi a paikhiazo hi,” a ci hi.

Marka 9:23

Jesuh in, “Bang hangin na hihtheih leh, ci na hi hiam? A umte a dingin na khempeuh hithei hi lo ahi hiam?” a ci hi.

Johan 4:50

Tua ciangin Jesuh in, “Va ciah in. Na tapa nungta ding hi,” a ci hi. Tua ulianpa in Jesuh’ thugen um ahih manin a ciah hi.