Mattiu 7:7 - Tedim Bible

⁷ “Ngen un; na nget uhleh hong kipia ding hi. Zong un; na zon uh leh na mu ding uh hi. Kongkhak na kiu un; na kiuh uhleh hong kihon ding hi.

Tedim Bible Revision 2017

⁷ “Ngen un; na nget uh leh hong kipia ding hi. Zong un; na zon uh leh na mu ding uh hi. Kongkhak na kiu un; na kiuh uh leh hong kihon ding hi.

Mattiu 7:7 Iomraidhean Croise

Piancilna 26:32

Tua ni mahin Isaac’ nasemte hong pai-in amau’ tawhsa tuikhuk thu ama kiangah hong gen uh a, “Tui ka muzo uh hi,” hong ci uh hi.

1 KUMPI MASATE 3:5

Gibeon-ah zanin mang sungah Solomon’ tungah Topa kilang hi. Pasian in, “Nang kong piak ding hong ngen in,” a ci hi.

Late 10:17

Topa aw, lungnemte’ deihna na ngai ding hi. A lungsim uh na hatsak ding a, na bil na ngat ding hi.

Late 10:4

Migilo in kiphatsakna lungsim nei a, Topa zong lo hi. Ama ngaihsutna khempeuhah, “Pasian om kei,” a ci hi.

Late 119:12

Topa aw, thupha ngah ta in; na ngeina kipte kei hong hilh in.

Late 27:8

“Ka mai hong zong in,” na hong ci khinzo hi. Keimah in nangma tungah, “Topa aw, nangma mai kong zong hi,” ka hong ci hi.

Late 34:4

Keimah in Topa ka zong a, amah in kei hong dawngin, ka launa khempeuh panin kei hong honkhia hi.

Late 37:4

Topa sungah lungkim in; amah in na deihna hong pia ding hi.

Late 50:15

Haksat hun ciangin keima tungah hong ko un. Note kong honkhia ding a, note in keima min nong thangsak ding uh hi,” a ci hi.

Late 69:32

Netniamna a thuakte in hih thu mu-in lungdam uh hen. Pasian a zong note aw, na lungsim uh nosuaksakkik un.

Late 70:4

Nang hong zongte khempeuh lungdam mahmahin na min hangin kipak tahen. Na hotkhiat ding a utte in, “Pasian lian hi,” cici tahen.

Late 86:5

Bang hang hiam cih leh Topa aw, nangmah hoihin mawhna na maisak a, hong ngente khempeuh tungah itna kip tampi na nei hi.

Paunak 8:17

Kei hong itte ka it a, kei hong zong peuhmahte in hong mu uh hi.

Solomon la 3:2

Tho-in khuasung tengah ka vak a, kongzing kawm tengah ka pai kawikawi a, ka ngaihno ka zong a, ka zonzon hangin ka mu zo kei hi.

Isaiah 30:19

Jerusalem khuasunga a teng, Zion sunga om mite aw, note na kap nawn kei ding uh hi. Note’ kahna aw hangin Topa in hong hehpih taktak ding a, amah in a zak ciangin note hong dawng ding hi.

Jeremiah 33:3

Kei nong sap leh kong dawngkik ding a, na theih ngei nai loh a ki-imcip thu lianpite kong gen ding hi.

Amos 5:4

Tua ahih manin Topa in Israel mite tungah hih bangin ci hi: Kei hong zong un; tua hileh na nungta ding uh hi.

Mattiu 18:19

Leitungah note nih thukimin na nget uh na khat peuhpeuh, vantungah a om ka Pa in hong pia ding hi.

Mattiu 21:22

Upna na neih nak-uhleh na nget peuhpeuh uh na ngah ding uh hi,” a ci hi.

Mattiu 6:33

Thudang khempeuh sangin Pasian’ ukna le ama deihna na zuih theih nading uh thupi ngaihsut masazaw un. Tua hileh hih na kisapna dangte khempeuh uh zong hong piathuah veve ding hi.

Mattiu 7:11

Note mihoih lo hinapi-in na tate uh tungah na hoih piak ding ngaihsun thei na hih uhleh vantungah a om na Pa un a ngen mite tungah na hoihte hong piazaw mahmah ding hi lo ahi hiam?

Mattiu 7:8

Bang hang hiam na cih uhleh a ngente khempeuh in ngah ding uh a, a zongte khempeuh in mu ding uh a, a kiute khempeuh a’ ding kong kihon ding hi.

Marka 11:24

Tua ahih manin note kiangah kong genin-ah: Na khat peuhpeuh na nget uh ciangin ngah ding ci-in um un; tua hileh na nget peuhpeuh uh na ngah ding uh hi.

Luka 13:25

Inn nei pa hong tho-in kong hong khak ciangin, note kong pualamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koilai panin a hong pai na hi uh hiam kong thei kei hi,’ ci-in hong dawng ding hi.

Luka 18:1

Tua ciangin amaute in thu ngen tawntungin a lungkiat ngei loh nading uh a hilh nopna-in Jesuh in a nungzuite kiangah thugentehna khat gen a,

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 15:7

Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Johan 4:10

Jesuh in, “Pasian’ hong piaktheih dingte le tuidawn ding hong ngen pa theitel hi lecin, ama kiang pan tui a ngen ding na hizaw a, amah in nuntakna tui nang hong pia ding hi,” a ci hi.

ROM (Romans) 2:7

Pahtakna, minthanna, le hin tawntungna deihin a gamtat hoih tawntung mite tungah Pasian in nuntak tawntungna pia ding a,

ROM (Romans) 3:11

a man a thei kuamah om lo a, Pasian tawh kipawl ding a hanciam kuamah om lo hi.

Hebru 11:6

Upna lo tawh kuamah in Pasian lungkimsak zo lo hi. Pasian kiang a zuan mi peuhmah in Pasian a om takpi ahihna thu le amah a zongte Pasian in thaman pia hi, ci-in a up ding kisam hi.

Jeim 5:15

Upna tawh thu a kinget ciangin Topa in cinate noptuamsakin, damsak ding a, mawhna nei ahihleh zong a mawhna maisak ding hi.

1 JOHAN MASA 3:22

Ama thupiaknate zui-in ama lungkim nadingin gamta ihih manin ama kiang panin i nget peuhpeuh i ngah hi.