Mattiu 7:25 - Tedim Bible

²⁵ Guah hong zu-in, tui hong khangin, huihpi hong nung a, tua inn a nawkgawp uh hangin suang tungah kilam ahih manin kisia zo lo hi.

Tedim Bible Revision 2017

²⁵ Guah hong zu-in, tui hong khangin, huihpi hong nung a, tua inn a nawk gawp uh hangin suang tungah kilam ahih manin kisia zo lo hi.

Mattiu 7:25 Iomraidhean Croise

Paunak 10:25

Huihpi a nun’ ciangin migilote leenmang a, thuman mite lungmuangin om tawntung uh hi.

Malakhi 3:3

A ninte kangtumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topa’ tungah a kilawm biakna a pia ding uh hi.

Mattiu 16:18

Ke’n kong genin-ah: Nang pen suangneu a cihnopna Peter na hi hi. Hih suangpi tungah ka pawlpi ka lam ding a, sihna nangawn in zo zo ngei lo ding hi.

Mattiu 7:24

“Ka thuhilhna za-in a zui mi khempeuhte pen suang tungah a inn a lam mipil pa tawh kibang ding hi.

Mattiu 7:26

Hih ka thugente za napi-in a zui nuam lote pen sehnel tungah a inn a lam mihai pa tawh kibang ding hi.

Mattiu 7:27

Guah hong zu-in, tui hong khangin, huihpi hong nung a, tua inn a nawkgawp uh ciangin a kisia hi. Tua inn naksiat mahmah hi,” ci-in thu a gen hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

Efesa 3:17

na upna hangun note lungsim sungah Khrih hong tengin, itna thu-ah zung thuk kha-in bulkip na neih nadingun thu ka ngen hi.

Kolose 2:7

Note tungah a hong kihilhsa bangin ama sungah zungthuk kha unla, ama deihna bangin nungta-in, na upna uhah khauh semsemin, lungdam takin om un.

Jeim 1:12

A hoih takpi mah hiam, ci-in sinna a thuak ciangin a nangzote a hampha mahmah ahi hi. Tua bangin a nangzote in, amah a itte tungah Pasian in a piak dingin a ciam nuntakna lukhu a ngah ding uh hi.

1 PETER MASA 1:5

Note’ upna hangin nitawp ni ciangin na ngah ding uh hotkhiatna nomau-a’ ahihna a kilatsak nadingin Pasian in ama vangliatna tawh a hong kepsak ahi hi.

1 PETER MASA 1:7

Hih bang thuaknate in a um takpi mah na hihna uh hong kilangsak hi. A siathei khamte nangawn, a hoih taktak mah ahi hiam, ci-in mite in mei tawh sin uh ahih manin, kham sangin a manphazaw note’ upna zong a kiptak mah ahi hiam, ci-in Pasian in hong sin ding mah ahi hi. Tua bangin na thuakzawh uhleh Khrih hong kilat Ni ciangin phatna, minthanna, le pahtawina na ngah ding uh hi.

1 JOHAN MASA 2:19

Khrih’ gal ahi hih mite pen ei’ pawl hi ngei napi-in hong taisan uh hi. Ei’ pawl taktak hileh eite tawh omkhawm paisuak ding uh ahih manin, tu-in amaute paikhia uh ahih ciangin ei’ pawl taktak ahihlohna uh hong kilang hi.