Mattiu 7:21 - Tedim Bible

²¹ “Kei kiangah, ‘Topa, Topa aw,’ hong ci mi khempeuh, vantung ki-ukna sungah lutthei kim lo ding uh a, vantungah a om ka Pa’ deihna bangin a gamtateng bek lutthei ding uh hi.

Tedim Bible Revision 2017

²¹ “Kei kiangah, ‘Topa, Topa aw,’ hong ci mi khempeuh, vantung ki-ukna sungah lut thei kim lo ding uh a, vantungah a om ka Paʼ deihna bangin a gamta teng bek lut thei ding uh hi.

Mattiu 7:21 Iomraidhean Croise

Mattiu 12:50

Vantungah a om ka Pa’ deihna bangin a gamta mi peuhmah ka sanggam pasal, ka sanggam numei, ka nu ahi uh hi,” ci-in a dawng hi.

Mattiu 16:17

Tua ciangin Jesuh in ama kiangah, “Jonah’ tapa Simon aw, hoih mahmah hi. Hih thu, leitung pilna tawh na theihtawm hi lo a, vantungah a om ka Pa in nangma tungah hong hilh ahi hi.

Mattiu 18:10

“Hih naupangnote khatpeuh na simmawhkhak loh nadingun kidawm un. Note kiangah kong genin-ah: Amaute a kem vantung mite pen vantungah ka Pa kiangah om tawntung uh hi.

Mattiu 18:19

Leitungah note nih thukimin na nget uh na khat peuhpeuh, vantungah a om ka Pa in hong pia ding hi.

Mattiu 18:3

“A man mahmahin note kiangah kong genin-ah: Note kikheelin naupang na bat kei uhleh vantung ki-ukna sungah na lut ngei kei ding uh hi.

Mattiu 18:35

“Tua mah bangin note in zong na lungsim uhah na sanggamte uh mawhna na maisaknop kei uhleh vantungah a om ka Pa in note tungah zong tua bangmahin a hong bawl ding ahi hi,” a ci hi.

Mattiu 19:24

Adang khat hong gen leuleu ning: Pasian ukna sungah mihau khat a lut ding sangin phim bilvang sungah kalaoh khat a lut ding baihzaw lai hi,” a ci hi.

Mattiu 25:10

Meitui lei dingin amaute a paikhiat kal sungin zineipa hong tung hi. A kigingsa-in a om nungakte in zineipa dawnin mopawi bawlna sungah a lutkhawm pah uh hi. Tua khit ciangin kong kikhak hi.

Mattiu 25:21

a topa in, ‘Hoih mahmah hi; a hoih a citak nasempa aw, a tawmno na zekna-ah siam na hih manin a tampi tak ka hong zeksak ding hi. Hong pai in; kei tawh nuamsa khawm ni,’ a ci hi.

Mattiu 26:39

tawmkhat pai lai-in leilakah bokin thu ngen a, “Pa aw, ahi thei ding ahihleh hih thuak nading tawh hong kipelhsak in. Ahi zongin kei’ deihna bang hi loin nangma deihna bang hizaw ta hen,” a ci hi.

Mattiu 26:42

Tua ciangin a nihveina va paikikin thu ngen a, “Pa aw, keima thuak lohin ahi thei lo ding ahihleh nangma deihna bang hi ta hen,” a ci hi.

Marka 3:35

Pasian’ deihna bangin a gamta mi khempeuh ka nu le ka sanggamte ahi uh hi,” a ci hi.

Marka 9:47

Na mit in hong khialhsak leh khelkhia in. Mit kim tawh hell khuk sungah hong kikhiat sangin mit langkhat taw-in Pasian’ Ukna sungah om lecin nang a dingin hoihzaw hi.

Luka 11:28

Ahi zongin Jesuh in, “Pasian’ thu za-in a zuite hamphazaw lai hi,” ci-in a dawng hi.

Luka 13:25

Inn nei pa hong tho-in kong hong khak ciangin, note kong pualamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koilai panin a hong pai na hi uh hiam kong thei kei hi,’ ci-in hong dawng ding hi.

Luka 18:25

Pasian’ Ukna sungah mihau khat a lut ding sangin phim bilvang sungah kalaoh khat a lut ding baihzaw lai hi,” a ci hi.

Luka 6:46

“Bang hangin, ‘Topa aw, Topa aw,’ hong ci napi-in ka hong gente zui lo na hi uh hiam?

Johan 14:7

Note in kei na hong theih nak-uhleh ka Pa zong a thei na hi uh hi. Tua ahih ciangin tu a kipanin Pa thei-in a mu khinta na hi uh hi,” a ci hi.

Johan 15:23

Kei hong mudahte in ka Pa zong a mudah ahi hi.

Johan 3:5

Jesuh in, “A mantakin kong genin-ah, mi khatpeuh tui le Kha Siangtho tawh a suahkik kei leh Pasian’ Ukna sungah lut thei lo ding hi.

Johan 5:17

Ahi zongin Jesuh in amaute kiangah, “Ka Pa in tuni dongin na sem tawntung ahih manin kei zong ka sep ding mah ahi hi,” a ci hi.

Johan 6:40

Tua ahih manin Tapa mu-in a um mi khempeuh in nuntak tawntungna ngahin, nitawp ni ciangin ka hinsak ding, ka Pa in hong deih ahi hi,” a ci hi.

Johan 7:17

Pasian’ deihna bangin a gamta nuam mi peuhmah in, ka thugente pen Pasian’ kiang panin a hong pai thu a gen ka hihna leh keima thu bek tawh a gen ka hihna khenthei ding uh hi.

Sawltak 14:22

Thu um mite a upna uhah citakin a om nadingun hanthawnin tha pia uh a, “Pasian’ Ukna sungah i omtheih nadingin haksatna tampi thuak ding hi hang,” ci-in a hilh uh hi.

ROM (Romans) 12:2

Leitung mihingte’ gamtat bangin gamta kei unla, na lungsim uh kikheelin Pasian kipuahphasak un. Tua hileh a hoih nate bang hi a, bangte in amah lungkimsakin, bangte a kicing hiam ci-in thei-in Pasian’ deihna na phawk thei ding uh hi.

ROM (Romans) 2:13

Thukham zakna bek hangin Pasian tawh kipawlna a piang hi lo a, thukham sunga Pasian’ genna bangin a gamtate bek Pasian tawh a kipawl thei ahi hi.

Efesa 6:6

A hong pahtak ding uh deihna tawh amaute’ muhsung bekin tuaci gamtat kei unla, Khrih’ sila na hihna hangun Pasian’ hong deih bangin lungsim takpi tawh na sem un.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

1 THESALONIKA MASA 4:3

Note a siangtho-in nungta-in numei tunga mawhna tawh na kipelh siangtho nading uh Pasian in hong deih hi.

1 THESALONIKA MASA 5:18

bangbang hong piang taleh na lungdamna uh Pasian tungah ko tawntung un. Khrih Jesuh tawh kipawlin na nuntakna sung uhah hih bangzia-in na om ding uh Pasian in a hong deih ahi hi.

Titu 1:16

Pasian a thei-in a kigen uh hangin a gamtatnate uh tawh kilehbulh hi. Amaute a muhthadahhuai, a thumang lo, na hoih sem dingin a kilawmna a om lo mite ahi uh hi.

Hebru 13:21

ama deihna bangin na na septheih nadingun a kisam thuhoihte khempeuh note tungah hong guanin, ama lungkimna bangin i gamtat theih nadingin Jesuh Khrih hangin eite sungah na hong sem hen la, Khrih in a tawntungin minthanna ngah paisuak tahen. Amen.

Hebru 4:6

Lungdamna Thu a za masate in um lo uh ahih manin Pasian tawh va tawlnga khawm thei lo uh hi. Tua ahih manin va pai-in Pasian tawh a tawlnga khawm ding mi pawlkhat omlai hi.

Jeim 1:22

Nomau kikhem tawmin thu zak bek tawh maisak kei unla, na zak bangun zui-in semzaw un.

1 PETER MASA 2:15

Bang hang hiam cih leh thu thei loin a mot paupau mihaite, na gamtat hoihna un a daihsak ding, Pasian’ deihna ahi hi.

1 PETER MASA 4:2

Tua ahih manin tu a kipanin na leitung nuntak sung uh mihingte’ deihna bangin gamta loin Pasian’ deihna bangin na gamtat ding uh ahi hi.

Mangmuhna 22:14

Khuapi kulhkongpi sungah a luttheih nading le nuntakna singgah a nektheih nadingun a puan uh a siangin a sawp mite, mi hampha ahi uh hi.

Mangmuhna 3:5

A gualzo mite in tua bangin puanpak silh ding uh a, a nungta mite a kikhumna laibu sung panin amaute’ min ka phiat kei ding hi. Ka Pa le ama vantung mite kiangah zong keima mite ahihna uh ka pulak ding hi.