Mattiu 7:16 - Tedim Bible

¹⁶ Amaute’ gamtatna tawh amau’ pianzia na thei ding uh hi. Lingvom kung panin leenggah kilo ngei a, sialtalling kung panin theigah kilo ngei ahi hiam?

Tedim Bible Revision 2017

¹⁶ Amauteʼ gamtatna tawh amauʼ pianzia na thei ding uh hi. Lingvom kung panin leenggah kilo ngei a, sialtalling kung panin theigah kilo ngei ahi hiam?

Mattiu 7:16 Iomraidhean Croise

Paunak 20:11

Naupangte nangawn mi citak mihoih ahihna a gamtatna panun kimukhia thei hi.

Mattiu 12:33

“Singgah limci a gahtheih nadingin a kung a cidam phot ding kisam a, a kung gina kei leh a gah limci lo hi. Tua ahih manin singkung khat a pianzia pen a gahin hong kithei hi.

Mattiu 7:20

Tua ahih manin amau’ gamtatna tawh amau’ pianzia na thei ding uh hi.

Galati 5:22

Ahi zongin Kha Siangtho’ sawlna bangin gamtatnate pen: Itna, lungdamna, lungnopna, lungduaina, migitna, hoihna, cihtakna,

Jeim 2:18

Ahi zongin mi khatpeuh in, “Mi khat in upna nei a, adang khat in gamtatna nei hi,” ci zenzen leh, gamtatna in a zui lo upna hong lak dih in; keimah in ahihleh ka upna ka gamtatna tawh ka hong lak ding hi, ka ci ding hi.

Jeim 3:12

Sanggamte aw, theikung in oliv hong gahthei a, leenggui in theipum hong gahthei ahi hiam? Tui-al in tuilim piangsak ngei lo hi.

1 SAMUEL MASA 24:13

Tang-ate’ paunak in, ‘A gilote’ sung panin gitlohna hong piang,’ a cih mah bang ahi hi. Ahih hangin keima khut tawh nang kong hih kei ding hi.