Mattiu 7:1 - Tedim Bible

¹ “Pasian in note hong mawhsak loh nadingin midangte va mawhsaksak nawn kei un.

Tedim Bible Revision 2017

¹ “Pasian in note hong mawhsak loh nadingin midangte va mawh saksak nawn kei un.

Mattiu 7:1 Iomraidhean Croise

Isaiah 66:5

Ama thu-ah lau-in a ling mite aw, Topa’ thu za un: Keima tungah note nong cihtakna hangun na mipihte uh pawlkhat in note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Mattiu 7:2

Bang hang hiam cih leh midangte’ thu na khenzia uh tawh kizui-in note tungah hong khen ding a, midangte tungah na zat uh ngeina mah note tungah hong zang ding hi.

Mattiu 7:5

No a kineihkhem mite aw, note’ mit sunga singluang tang lakhia masa le-uhcin, na lawmte uh mit sunga ninthem tang na lakkhiat theihna dingun hoihtakin khua na mu thei pan ding uh hi.

Luka 6:37

“Midangte’ thu khen kei un. Tua hileh no tungah zong Pasian in thu hong khen lo ding hi. Midangte mawhsak kei un. Tua hileh Pasian in note zong hong mawhsak lo ding hi. Midangte’ mawhna maisak un. Tua hi leh Pasian in note’ mawhna zong hong maisak ding hi.

Luka 6:41

“Bang hangin na mit sungah singluang a tang phawkkha loin na lawmte’ mit sunga ninthem tang etsak na hi hiam?

Johan 8:7

Amaute in Jesuh kiangah dong teitei uh ahih manin amah zong dingin amaute kiangah, “Note lakah mawhna a nei het lo pa in deng masa un,” a cih khit ciangin,

Jeim 3:1

Sanggamte aw, mite tungah thu a hilh eite pen midangte sangin a khauhzaw-in thu hong kikhen ding ahih manin note tampi sia na suaknuam se kei un.