Mattiu 6:4 - Tedim Bible

⁴ kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Tedim Bible Revision 2017

⁴ kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Mattiu 6:4 Iomraidhean Croise

Late 139:12

tua nangawnah, nangma a dingin khuamial pen mial lo a, zan khuamial pen sun nitaang tawh kibang hi. Bang hang hiam cih leh nang a dingin khuamial pen khuavak mah bang lel hi.

Late 17:3

Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Late 44:21

Pasian in hih thu mukhia lo ding ahi hiam? Bang hang hiam cih leh amah in lungsim thusim a thei hi.

Paunak 25:22

Tua hileh amau’ maizum nadingin a bawl na hi a, Topa in nang tungah thaman hong pia ding hi.

Jeremiah 17:10

Keimah Topa in mi khempeuh’ nuntakzia le a gamtatna tawh kizui-in a piakhia dingin ngaihsutna ka entel a, lungsim ka sittel hi,” a ci hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam, Topa in kong ci hi. Leitung, vantung, mun khempeuhah ka om lamtak thei lo na hi uh hiam, Topa in kong ci hi.

Mattiu 10:42

Keima nungzui mi a neupen khat nangawn, keima nungzui ahihna hangin tuivot hai khat bek a suahte nangawn in pel loin thaman a ngah ding lamtak phawk un,” ci-in a vaikhak hi.

Mattiu 6:18

Tua hileh midangte in na an tanlam uh a theih loh hangin na muh theih loh na Pa un hong thei veve ding a, kuama theih lohin na tanlam uh a hong thei na Pa un note’ tungah thaman hong pia ding hi.

Mattiu 6:3

Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih loh nadingun pia unla,

Mattiu 6:6

Ahi zongin thu na nget uh ciangin na innsung uhah tumin kong khak unla, na muh theih loh uh na Pa uh kiangah na ngen un. Tua hileh kuama muh lohin na gamtatna uh a hong mu na Pa un note’ tungah thaman hong pia ding hi.

Luka 14:14

Amaute in nang hong thukkik zo lo ding uh ahih manin nang a dingin a lungdamhuai hong hi ding hi. Bang hang hiam cih leh sihna panin mihoihte a thawhkik hun ciangin Pasian in nang tungah hong thukkik ding hi,” a ci hi.

Luka 8:17

Bang hang hiam cih leh, thusimin a kikoih peuhmah, khatvei teitei thulang a suak lo ding, a kiselcip peuhmah, khatvei teitei a kipholak lo ding, bangmah om lo hi.

1 KORIN MASA 4:5

Tua ahih manin a hun a tunma-in kuamah mawhsakin thu khen kei un. Topa hong pai ciangin a tawpna thukhenna hong om ding a, amah in thusimte hong pholakin, mihingte in a lungsim sung uhah a ipcip uh thute hong telkheh ding hi. Tua ciangin mi khempeuh in amau’ ngah dingin a kilawm phatna, Pasian’ kiang panin a ngah ciat ding uh hi.

Hebru 4:13

Pasian’ mai-ah seelcip theih ding bangmah om lo hi. Eite khempeuh i dinna ding pa’ mai-ah a kipiangsak na khempeuh a kiliah a ki-im thei om loin kimu sinsen hi.

Juda 1:24

Ama minthanna mai-ah paubaanna om hetloin lungdam takin a hong paipih theih nadingin note na pukkhak nading panun a hong kem,

Mangmuhna 2:23

Tua numei’ thu a zui mi khempeuh ka that ding hi. Tua hileh, mihingte’ ngaihsutna le lungsim a kantel pa ka hihna thu pawlpi khempeuh in thei ding uh hi. Note’ gamtatna ciat tawh kizui-in ka hong thukkik ding hi.

1 SAMUEL MASA 2:30

Tua ahih ciangin Israel-te’ Pasian, Topa in thu hong genin: ‘Nangma innkuan le na behte keima mai-ah sungtumin pusuak tawntung ding hi, ci-in thu ka ciamsa hi,’ ci hi. Ahih hangin tu-in Topa in thu genin: ‘Tua bang hi nawn lo ding hi. Bang hang hiam cih leh kei hong pahtawite ka pahtawi ding a, kei hong simmawhte ka simmawh ding hi.