Mattiu 6:31 - Tedim Bible

³¹ Tua ahih manin bang ne ding a, bang dawn ding a, bang silh ding ihi hiam, ci-in lunghimawh lua kei un.

Tedim Bible Revision 2017

³¹ Tua ahih manin bang ne dinga, bang dawn dinga, bang silh ding ihi hiam, ci-in lunghimawh lua kei un.

Mattiu 6:31 Iomraidhean Croise

2 KHANG TANGTHU NIHNATE 25:9

Tua ciangin Amaziah in Pasian’ mipa kiangah, “Ahi ta zongin Israel galkapte tungah ka piaksa talen zakhat thu bang cih ding ihi hiam?” a ci hi. Pasian’ mipa in dawngin, “Topa in hih sangin nakpitakin a tamzaw hong pia thei hi,” a ci hi.

Late 111:5

Amah in amah a zahtakte an pia a, a thuciamna a phawk tawntung hi.

Late 37:3

Topa muang inla, gamtat hoih in. Gam nuamah teng inla, thumanin om in.

Late 55:22

Topa tungah na vangik nga in, amah in hong huh ding hi. Amah in mi thumante kilingsak ngei lo ding hi.

Mattiu 15:33

Nungzuite in, “Mihon hih zah i piak ding, hih gamlakah koi panin an ngah ding ihi hiam?” a ci uh hi.

Mattiu 4:4

Ahi zongin Jesuh in, “Lai Siangtho sungah, ‘Anlum bek tawh mite nungta lo a, Pasian genkhiat thute tawh nungta zaw hi,’ ci-in kigelh hi lo ahi hiam?” ci-in a dawng hi.

Mattiu 6:25

“Tua ahih ciangin note kiangah kong genin-ah: Na nuntak nadingun bang ne-in bang dawn ding cih ahi a, na pumpi uh a dingin bang silh ding cih ahi zongin lunghimawh lua kei un. Nuntakna pen an sangin thupizaw a, pumpi pen puan sangin thupizaw hi lo ahi hiam?

Mattiu 6:27

Na lunghihmawh manun kua in na khan uh kum bangzah sotto thei na hi uh hiam?

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Luka 12:11

Thusitna a thuak dingin kikhopna inn-ah ahi a, hausa zumah ahi zongin hong paipih uh ciangin bang gen ding a, bangci kihut ding ka hi hiam, ci-in lunghimawh kei un.

Luka 12:22

Tua ciangin Jesuh in a nungzuite kiangah, “Tua ahih ciangin note kiangah kong genin-ah: I nuntak nadingin bang ne ding a, i pumpi tungah bang silh ding ihi hiam, ci-in lunghimawh kei un.

Luka 12:29

Tua ahih manin bang ne ding, bang dawn ding, ci-in lunghimawhin om tawntung kei un.

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

1 PETER MASA 5:7

Pasian in note hong kem ahih manin na lungkhamnate khempeuh uh ama kiang tunpih un.