Mattiu 6:3 - Tedim Bible

³ Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih loh nadingun pia unla,

Tedim Bible Revision 2017

³ Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih loh nadingun pia unla,

Mattiu 6:3 Iomraidhean Croise

Mattiu 12:19

Amah in thu seel loin, a aw sangsak lo ding a, konglakah zong a awging kiza lo ding hi.

Mattiu 6:2

“Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Mattiu 6:4

kuamah theisak kei un. Tua hileh kuama muh lohin na gamtatna uh a mu na Pa un note tungah thaman hong pia ding hi.

Mattiu 8:4

Tua ciangin Jesuh in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na damkhitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 9:30

Tua ciangin amaute in khua mukik uh a, Jesuh in amau tegel kiangah, “Hih thupiang kuamah theisak kei un,” ci-in khauh takin a gen hi.

Marka 1:44

“Hih thu kuama kiangah gen kei in. Siampipa kiangah paisuak pahin amah kivelsak in. Tua ciangin na damsiangna thu mi khempeuh in a theih nadingin Moses thupiaksa bangin biakpiakna bawl in,” a ci hi.

Johan 7:4

Mite’ theih ding a ut pa in a simthamin na sem ngei lo hi. Hih bangin na semsem na hih manin na sepna thu mi khempeuh theisak vet in,” ci-in zahpihna tawh thu gen uh a,