Mattiu 6:28 - Tedim Bible

²⁸ Bang hangin puansilh ding lunghimawh na hi uh hiam? Gamlak a om paakte a nuntakzia ngaihsun dih un: Amaute in amau a dingin na lah sem lo, khau zong kheek lo napi-in,

Tedim Bible Revision 2017

²⁸ Bang hangin puansilh ding lunghimawh na hi uh hiam? Gamlak a om paakte a nuntak zia ngaihsun dih un: Amaute in amau adingin na lah sem lo, khau zong kheek lo napi-in,

Mattiu 6:28 Iomraidhean Croise

Hosea 14:5

Gam keuna mun a guahzu bangin Israel mite tungah nuntakna guah ka hi ding hi. Paak bangin amaute palh ding uh a, Lebanon gam a singkungte bangin zung thuk khakin a kip ding uh hi.

Mattiu 10:10

Khualzinna-ah an ngenin puak nading ip ahi a, khedap ahi a, ciangkhut ahi zongin keng kei unla, puanak zong a val kengthuah kei un. Nasem mite pen amau sapnateng mite in a piak ding a ngeina ahi hi.

Mattiu 6:25

“Tua ahih ciangin note kiangah kong genin-ah: Na nuntak nadingun bang ne-in bang dawn ding cih ahi a, na pumpi uh a dingin bang silh ding cih ahi zongin lunghimawh lua kei un. Nuntakna pen an sangin thupizaw a, pumpi pen puan sangin thupizaw hi lo ahi hiam?

Mattiu 6:27

Na lunghihmawh manun kua in na khan uh kum bangzah sotto thei na hi uh hiam?

Mattiu 6:31

Tua ahih manin bang ne ding a, bang dawn ding a, bang silh ding ihi hiam, ci-in lunghimawh lua kei un.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Luka 12:11

Thusitna a thuak dingin kikhopna inn-ah ahi a, hausa zumah ahi zongin hong paipih uh ciangin bang gen ding a, bangci kihut ding ka hi hiam, ci-in lunghimawh kei un.

Luka 12:22

Tua ciangin Jesuh in a nungzuite kiangah, “Tua ahih ciangin note kiangah kong genin-ah: I nuntak nadingin bang ne ding a, i pumpi tungah bang silh ding ihi hiam, ci-in lunghimawh kei un.

Luka 12:27

Gamlak a paakte ngaihsun dih un. Tuate in a nek ding uh na sem lo uh a, a silh ding uh puan zong gan lo uh hi. Ahi zongin note kiangah kong genin-ah: Bangzahin a hauh hangin Solomon nangawn, hih paakte khat zahin a hoihin kizem zo lo lai hi.

Luka 3:11

Johan in, “Puanak nih a nei mipa in a nei lote hawm unla, annek ding a neite in a nei lote hawm un,” ci-in a dawng hi.

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

1 PETER MASA 5:7

Pasian in note hong kem ahih manin na lungkhamnate khempeuh uh ama kiang tunpih un.