Mattiu 6:27 - Tedim Bible

²⁷ Na lunghihmawh manun kua in na khan uh kum bangzah sotto thei na hi uh hiam?

Tedim Bible Revision 2017

²⁷ Na lunghihmawh manun kua in na khan uh kum bangzah sot to thei na hi uh hiam?

Mattiu 6:27 Iomraidhean Croise

Thuhilh-sia 3:14

Pasian’ sep khempeuh a kip tawntung ding ahihna ka thei hi. I behlap theih ding om lo a, i paihkhiat ding zong om lo hi. Amah i zahtak theih nadingin Pasian in tua bang ding mahin a bawl ahi hi.

Mattiu 5:36

Kiciamna-in na lutang zong na zang kei in. Na lu tunga om samzang khat bek nangawn a kangsa vomsak thei loin, a vom pen na kangsak thei kei hi.

Mattiu 6:25

“Tua ahih ciangin note kiangah kong genin-ah: Na nuntak nadingun bang ne-in bang dawn ding cih ahi a, na pumpi uh a dingin bang silh ding cih ahi zongin lunghimawh lua kei un. Nuntakna pen an sangin thupizaw a, pumpi pen puan sangin thupizaw hi lo ahi hiam?

Mattiu 6:28

Bang hangin puansilh ding lunghimawh na hi uh hiam? Gamlak a om paakte a nuntakzia ngaihsun dih un: Amaute in amau a dingin na lah sem lo, khau zong kheek lo napi-in,

Mattiu 6:31

Tua ahih manin bang ne ding a, bang dawn ding a, bang silh ding ihi hiam, ci-in lunghimawh lua kei un.

Mattiu 6:34

“Tua ahih manin zing ciang huna ding ma lungkham masa kei un. Zing ciang thu ding ama thu-in omsak lel un. Tuni thu pen tuni thu mah tawh beisak unla, lungkham ding behlap se kei un.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Luka 12:11

Thusitna a thuak dingin kikhopna inn-ah ahi a, hausa zumah ahi zongin hong paipih uh ciangin bang gen ding a, bangci kihut ding ka hi hiam, ci-in lunghimawh kei un.

Luka 12:22

Tua ciangin Jesuh in a nungzuite kiangah, “Tua ahih ciangin note kiangah kong genin-ah: I nuntak nadingin bang ne ding a, i pumpi tungah bang silh ding ihi hiam, ci-in lunghimawh kei un.

1 KORIN MASA 12:18

Ahi zongin tu-a i neih bang tektekin, Pasian in ama deih bangin pumpi na a tuamtuam a hong bawlsak hi.

Filippi 4:6

Thu khat peuhpeuhah lunghimawh lua kei unla, na kisap bangbang uh, lungdamna tawh Pasian kiangah na ngen un.

1 PETER MASA 5:7

Pasian in note hong kem ahih manin na lungkhamnate khempeuh uh ama kiang tunpih un.