Mattiu 6:23 - Tedim Bible

²³ Ahi zongin na mit uh maang leh na pumpi uh a dingin khua a mial hi. Tua ahih manin note’ sunga a om khuavak pen a mial hileh tua mialna pen nasia mahmah ding hi.

Tedim Bible Revision 2017

²³ Ahi zongin na mit uh maang leh na pumpi uh adingin khua a mial hi. Tua ahih manin noteʼ sunga a om khuavak pen a mial hileh tua mialna pen nasia mahmah ding hi.

Mattiu 6:23 Iomraidhean Croise

Paunak 26:12

A pil lo kimlai a pil a kisapa sangin mihaite a dingin lametna omzaw lai hi.

Isaiah 8:20

Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Mattiu 20:15

Keima sum pen keima ut bangin ka zattheih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

Mattiu 6:22

“Mittang pen pumpi a dingin meivak tawh kibang hi. Na mit uh ciim leh na pumpi un hoihtakin khua mu thei hi.

Marka 7:22

huaihamna, gitlohna, khemna, gamtat hoih lohna, enna, mi gensiatna, kisialhna, le haitatna a piangsakthei ngaihsutna hoih lote khempeuh,

Luka 11:34

Na mittang uh note’ pumpi a dingin meivak tawh kibang hi. Na mit uh ciim leh na pumpi khempeuh un hoihtakin mu thei a, na mit uh maang leh na pumpi uh a dingin khuamial ahi hi.

Luka 8:10

Jesuh in, “Pasian’ Ukna thu tawh kisai thusim, note tungah hong kigen hi. Ahi zongin midangte in, en en napi-un a muh loh nading za za napi-un a tel loh nadingun amaute tungah thugentehna tawh thu kigen hi,” a ci hi.

ROM (Romans) 1:22

Amaute pil a kisak mahmah uh hangin a hai mahmah uh ahi hi.

1 KORIN MASA 2:14

Ahi zongin Kha Siangtho a nei lo mite in Pasian’ Kha Siangtho in a hong piak nate sang thei lo uh hi. Kha Siangtho a nei mite bek in theithei uh ahih manin amaute in tel thei lo uh a, amau a dingin a haihuai thu khat ahi lel hi.

Efesa 4:18

a ngaihsutnate uh khuamial tawh kibang hi. Amaute’ lungsim khauhin bangmah thei het lo uh ahih manin Pasian’ hong piak nuntakna neikha het lo uh hi.

Efesa 5:8

Note pen khuamial sungah a omngei hinapi-in, Topa’ mi na suahkhit uh ciangin khuavak sungah a om hita na hih uh manin khuavak sungah a om mite bangin na gamta un.

1 JOHAN MASA 2:11

Ahi zongin a Khristian mipihte a mudah mite pen khuamial sungah omin khuamial gamtatna a gamta uh hi a, tua khuamial in bangmah ngaihsunsak thei lo ahih manin a gamtat nading mel uh thei lo uh hi.