Mattiu 6:2 - Tedim Bible

² “Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna innsung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Tedim Bible Revision 2017

² “Tua ahih manin mi cimawhte tungah huhna na piak uh ciangin, mite in a phat ding uh a deihna tawh a kineihkhem mite in kikhopna inn sung le kongzing lakah a kilang theithei-in a hih uh bangin na hih kei un. Tua bangin a hih mite in thaman a ngah khinta ahihna thu limtakin na phawk un.

Mattiu 6:2 Iomraidhean Croise

Late 112:9

Amah in hawmkhia zuahzuah a, mizawngte tungah a piakhia hi. Ama migitna kip tawntung a, amah vanglianin kipahtawi ding hi.

Late 37:21

Migilo in leitawi la a, lohkikzo nawn lo hi. Thuman mi ahihleh cingh-in mi a pia hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Paunak 20:6

Mi khempeuh pen mi citakin kigen kim uh hi; ahi zongin a citak takpi ding mi kimuzo ding ahi hiam?

Thuhilh-sia 11:2

Na sumbuk vante mun sagih-ah ahi a, mun giat-ah ahi zongin khen kawikawi in. Hih leitungah bang thusia hong piang ding cih na theikhol kei hi.

Isaiah 10:6

Keima thu a ngaihsun lo minam le kei a hong hehsak mite’ neihsa sutin laksakin, amaute pen konglak buannawng bangin a tuancil dingin amaute sawlin thu ka pia hi.

Isaiah 58:7

Na an uh a gilkialte tawh nekhawm unla, inn nei lo a zawngte na innsung uhah paipihin, tangguakin a om mite puan silhsakin, na mipihte uh kiang panin bu lo ding hi lo na hi uh hiam?

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote le a meigong numeite uh tungah hehpihna nei lo hi. Bang hang hiam cih leh mi khempeuh pen Pasian’ thu a khual om loin siatna a bawl vive hi a, kam khempeuh in haina thu a gen uh hi. Hih thute khempeuh hangin ama hehna damzo nai lo a, ama khut kizanlai hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Mattiu 15:7

Na tungthamun mihoih a kineihkhem mite aw, Isaiah in note’ thu a genna man mahmah hi. Tua a genna-ah,

Mattiu 16:3

Zingsang hun ciangin, ‘Van sanin khua niim ahih manin guah zu ding hi,’ na ci thei uh hi. Note in van maitang na et uh ciangin khua pha ding le khua sia ding khenthei napi-in tuhun thute na theithei kei uh hi.

Mattiu 22:18

Ahi zongin Jesuh in amau’ gitloh geelna thei ahih manin, “Mihoih a kineihkhem mite aw, bang hangin kei hong thangsiah se na hi uh hiam?

Mattiu 23:5

Amaute in a sepna khempeuh uh mite’ muhtheih dingin a hih se uh hi. Amaute in a talsuan le a banbulhte uh a gol pipi-in bawlin, a puanmongteep uh a sau theithei-in a bawl uh hi.

Mattiu 23:6

Pawi sungah a om uh ciangin uliante’ tutna dinga a kibawl munah tunuam se uh a, kikhopna inn sungah zong uliante tutna tutphah nuampente tungah a tunuam diak uh hi.

Mattiu 24:51

a topa in nakpitakin gim pia-in, mihoih a kineihkhemte’ gimthuak dingteng thuaksak ding a, amah kapin a hagawi ding hi.

Mattiu 5:18

Hoihtakin na phawk ding uh thu panin: Van le lei a bei mateng, hih thukhamte a neupen khat nangawn’ deihna tangtung lopi-in mawkmai lo ding hi.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Mattiu 6:3

Ahi zongin note in mi cimawhte citna tawh na huh uh ciangin na lawm naihuai pente uh nangawn in hong theih loh nadingun pia unla,

Mattiu 6:5

“Note in thu na nget uh ciangin mite’ muh theih dingin a kineihkhem mite in kikhopna innsung le kongzing lamka lai-ah a ngetnop se uh bangin na gamta kei un. Tua bangin a gamtate in thaman a ngah khinta ahihna uh limtakin phawk un.

Mattiu 7:5

No a kineihkhem mite aw, note’ mit sunga singluang tang lakhia masa le-uhcin, na lawmte uh mit sunga ninthem tang na lakkhiat theihna dingun hoihtakin khua na mu thei pan ding uh hi.

Marka 12:39

Kikhopna inn sungah, uliante a dingin a kikoihcing tutphah nuamte tungah tunuam uh a, pawi sungah zong uliante’ tutna mun hoihte bekah a tunuam uh hi.

Marka 7:6

Jesuh in amaute dawng a, “A tungthama a hoihin a kilangkhem note’ thu, Isaiah in a genkholhna man mahmah hi. Ama genna-ah, ‘Pasian in hih bangin gen hi: Hih mite in a kampi bek uh tawh kei hong zahtakbawl uh a, a lungsim taktak uh kei tawh kigamla hi.

Luka 11:41

Ahi zongin na hai leh na kuang sung uhah a omte pen itna tawh mizawngte tungah pia le-uhcin, note a dingin na khempeuh hong siang ding hi.

Luka 11:43

“No Farisi mite in gimna na thuak ding uh hi. Kikhopna inn sungah tutphah nuampen ah na tunuam uh a, mihon lakah hong kizahtak hopih ding na ut uh hi.

Luka 12:33

Na neihsa uh zuak unla, mizawngte tungah tua sumte na pia un. Note a dingin a sia thei lo sumkholna na bawl unla, gutate in a luh zawh lohna, leikha in zong a nek zawh lohna, cikmahin a kiam ngei hetloh nading mun vantungah na sumte uh na khol un.

Luka 12:56

No a kineihkhem mite aw, vanlelei na et uh ciangin a piang ding thu thei na hih uhleh, tuhun thute bang hangin theithei lo na hi uh hiam?” a ci hi.

Luka 13:15

Tua ciangin Topa in amah dawng a, “No a kineihkhem mite aw, note in Sabbath ni mahin zong na bawngte uh ahi a, na late uh ahi zongin a buk panin na khihna khaute uh sutin, tui pia dingin paipih hi lo na hi uh hiam?

Luka 20:46

“Thukham hilh siate na batkhak loh nadingun kidawm un. Amaute in puantualpi silhnuam uh a, mihon lakah a kizahtak hopih ding deihin, kikhopna innsung le pawi lakah a om uh ciangin uliante’ tutna mun hoihte bekah tunuam uh hi.

Luka 6:24

“Ahi zongin tuhunin a hau note in nopsakna ngahkhin na hih manun gimna na thuak ding uh hi.

Luka 6:42

Na mit sunga singluang hong tang nangawn mu lo napi-in, ‘Lawm aw, na mit sunga ninthem tang hong lakkhiatsak ning,’ ci-in na lawmte kiangah bangci gentheih ding na hi hiam? No a kineihkhemte aw, na mit sung uha singluang tang lakhia masa le-uhcin, na lawmte uh mit sunga ninthem tang mu-in na lakhia thei pan ding uh hi.”

Johan 13:29

Amah sumkem ahih manin hih pawi a zat ding a kisam na pawlkhat a lei dingin a sawl hi ding hi; tua ahih kei leh zong mizawngte pawlkhat tungah sum a pia dingin a sawl hi ding hi, ci-in nungzui pawlkhat in a ngaihsun uh hi.

Johan 5:41

“Hih bangin kong gen ciangin mihingte in hong pahtak ding ka deihna hi lo a,

Johan 5:44

Pasian’ pahtak theih nading hanciam nuam loin, note khatlekhat na kiphat theih nading uh a hanciam mite’ thugen, a bang hangin um zawsop na hi uh hiam?

Johan 7:18

Amau’ thu bek tawh thu a gente in amau’ minthan nading a zong hi a, ahi zongin a hong sawl pa’ minthan nading a zong keimah in thuman thutak gen ka hih manin zuauthu kihel lo hi.

Sawltak 10:2

Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpitakin na sem a, Pasian kiangah thu a ngen tawntung mi khat ahi hi.

Sawltak 10:31

‘Kornelias aw, Pasian in na thungetnate hong za a, mizawngte na huhnate zong a hong thei hi.

Sawltak 10:4

Amah in zong laukawmin vantungmi en a, “Topa aw, bang thu ahi hiam?” a cih ciangin, “Pasian in na thungetna hong za a, mizawngte na huhna zong hong thei-in nang hong phawk hi.

Sawltak 11:29

Tua lai-a om thu um mite in amau hihzawh zah ciat hanciamin Judea gam a om thu um mite kiangah huhna a puak nading uh a vaihawm uh hi.

Sawltak 24:17

“Jerusalem panin kum tampi sung ka paikhiat khit ciangin ka mipihte a kihuhna sumte a puak ding le gan go-in Pasian a bia dingin Jerusalem-ah ka pai hi.

Sawltak 9:36

Joppa khua-ah Pasian’ thu a um, Tabitha min nei numei khat a om hi. (Tua nu’ Grik min pen Dorkas hi a, sakhi a cihnopna ahi hi.) Tua nu a tawntungin a hoihin gamta-in mizawngte a huh hi.

ROM (Romans) 12:8

Midangte hanthot theih nading siamna a nei ihih leh midangte hanthawn ni. Midangte hop theih nading a nei ihih leh citna taktak tawh hawm ni. Makaih theih nading siamna a nei ihih leh hoihtakin na sem ni. Midangte hehpih theih nading a nei ihih leh maitai takin hih ni.

1 KORIN MASA 13:3

Ka neih khempeuh midangte tungah pia-in, Pasian’ nasepna hangin kihaltumna ka thuak ahi zongin itna ka neih kei leh ka phattuamna bangmah om lo hi.

Galati 2:10

Kote in amaute lakah a om mizawngte ka phawk ding uh hong kal bek a, tua lah kei zong ngaihsut penin ka neihsa thu mah ahi hi.

Efesa 4:28

Guta ngeite in gu nawn loin, ama nuntak nading thuman takin thalawhin, mizawngte zong a huhtheih lai nadingin thatang tawh nasep ding kipan ta uh hen.

1 THESALONIKA MASA 2:6

Khrih sawltakte ka hihna uh hangin phatna ka ngah ding uh a kilawm hinapi-in note le midangte, a kuamah peuh’ hong phat ding a zong ka hi kei uh hi.

1 TIMOTI MASA 6:18

A hoih nate semin, gamtat pha-in, citna lungsim nei-in midangte a hopnop nadingun na hilh in.

Filemon 1:7

Sanggam aw, nangma hangin Pasian’ mite in lungnopna ngah uh ahih manin tua bang itna na neihna hangin ka lungdamin ka tha a nuam mahmah hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

1 PETER MASA 4:11

Minthanna le vangliatna a nei tawntung Pasian in Jesuh Khrih hangin thu khempeuhah phatna a ngah theih nadingin thuhilhte in Pasian’ thu na hilh unla, na a semte in Pasian’ piak thahatna tawh na sem un. Amen.

1 SAMUEL MASA 15:30

Tua ciangin amah in, “Ka khial khin hi; ahi zongin tu-in keima mi upate mai le Israel-te’ mai-ah kei hong pahtawi inla, Topa na Pasian ka biaktheih nadingin kei hong zuikik in,” a ci hi.