Mattiu 6:1 - Tedim Bible

¹ “Biakna tawh kizomin na hoih khat peuhpeuh na sep uh ciangin mite’ phat ding deihna tawh a kilang theithei dingin na sepkhak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Tedim Bible Revision 2017

¹ “Biakna tawh kizomin na hoih khat peuhpeuh na sep uh ciangin miteʼ phat ding deihna tawh a kilang theithei dingin na sep khak loh nadingun na kingaihsun un. Tua bangin gamta le-uhcin, vantungah a om na Pa uh kiang panin thaman na ngah kei ding uh hi.

Mattiu 6:1 Iomraidhean Croise

2 KUMPI NIHNATE 10:16

Tua ciangin amah in, “Kei hong zui inla, Topa a’ ding ka deihluatna hong thei in,” a ci hi. Tua ahih ciangin Jehu in a leeng sungah amah tuangsak hi.

2 KUMPI NIHNATE 10:31

Ahih hangin Jehu in a lungsim khempeuh tawh Israel Pasian, Topa’ thukham limtakin zuih ding ngaihsun lo hi. Israel-te a khialhsakna ahi Jeroboam’ khialhnate panin amah kihei lo hi.

Late 112:9

Amah in hawmkhia zuahzuah a, mizawngte tungah a piakhia hi. Ama migitna kip tawntung a, amah vanglianin kipahtawi ding hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uhah amau’ meetna ding bek ngaihsun uh hi.

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei inla, diktakin gamta in. Mizawngte hehpih leteh, tua in a sia-a na gamtatnasate hong puahsak ding a, na nuamsa toto ding hi, a ci hi.

Zekhariah 13:4

Tua ni hong tun ciangin kamsangte in a maangmuh theihna uh kisialhpih ngam nawn loin, kamsangte bangin zong puan silh ngam nawn loin, kamsang zong kineih ngam nawn lo ding uh hi.

Zekhariah 7:5

“Gam sung mi khempeuh le siampite tungah hih bangin gen in: Amaute in a beisa kum sawmsagih sung kha ngana le kha sagihna sungin an tangin a kahna uh, kei hong pahtawina uh hi lo hi.

Mattiu 16:27

A Pa’ minthanna vang le a vantung mite tawh Mihing Tapa hong paikik ding a, mi khempeuh amau’ gamtatna ciat tawh a kizui-in a thuk ding hi.

Mattiu 16:6

Jesuh in amaute kiangah, “Farisi-te le Saddusi-te’ silngo hoihtakin kidawm un,” a ci hi.

Mattiu 23:13

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in vantung ki-ukna sungah mite a lut theih loh nadingin kong na khakcip uh hi. Note lah na lutnuam kei uh a, a lutnuamte lah na lutsak kei uh hi.

Mattiu 23:5

Amaute in a sepna khempeuh uh mite’ muhtheih dingin a hih se uh hi. Amaute in a talsuan le a banbulhte uh a gol pipi-in bawlin, a puanmongteep uh a sau theithei-in a bawl uh hi.

Mattiu 25:40

Tua ciangin Kumpipa in amaute kiangah, ‘Note kiangah kong genin-ah: Hih ka sanggamte a neupen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai-ah na gamtat hoihna uh khuavak bangin na kilangsak un.

Mattiu 5:46

Tua ahih manin no hong itte bek na it uhleh Pasian in bang thaman hong pia zenzen ding ahi hiam? Siahdongte nangawn in amau a itte it thei uh hi.

Mattiu 5:48

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Mattiu 6:16

“An na tan’ uh ciangin a kineihkhem mite bangin maikhingin om kei un. Amaute in an a tanlam uh mite in a theih ding uh a ut manun gilkial mai pua-in a om uh hi. Amaute in a antan’ thaman uh a ngah khinta ahih lamtak limtakin thei un.

Mattiu 6:9

Tua ahih manin thu na nget uh ciangin hih bangin na ngen un: ‘Vantunga om kote’ Pa aw, na min siangtho kizahtak hen.

Marka 8:15

Jesuh in, “Farisi-te’ silngo le Herod pawlte’ silngo kidawm un,” ci-in a hilhkhol hi.

Luka 11:35

Tua ahih ciangin na pumpi sung uha om khuavak pen khuamial ahih khak loh nading limtakin kingaihsun un.

Luka 12:1

Mi a tul tampite hong kikhawmin khatlekhat a kisikkha gawp dongin kinehcipin a om laitakin Jesuh in a nungzuite kiangah thu gen masa a, “Farisi mite’ kineihkhemna ahi, a silngo uh limtakin kidawm un.

Luka 12:15

Tua ciangin Jesuh in amaute khempeuh kiangah, “Hoihtakin kidawm unla, na huaiham loh nadingun kikem un. Bang hang hiam cih leh bangzahta-in mi khat a hauh hangin a neihsa tawh a nuntakna taktak kicing zo lo hi,” a ci hi.

Luka 16:15

Jesuh in amaute kiangah, “Mite in note a man penin hong ngaihsut theih nadingin na om uh a, ahi zongin Pasian in na lungsimtawng uh a hong thei hi. Bang hang hiam cih leh mihingte in a manpha mahmahin a ngaihsutte pen Pasian in bangmahin sim lo hi.

Johan 12:43

Pasian’ pahtak ding sangin mite’ pahtak ding utzaw uh ahih manin a tuaci om ahi uh hi.

Johan 5:44

Pasian’ pahtak theih nading hanciam nuam loin, note khatlekhat na kiphat theih nading uh a hanciam mite’ thugen, a bang hangin um zawsop na hi uh hiam?

Sawltak 3:12

Peter in hih mite a muh ciangin amaute kiangah, “Ka mipih Israel mite aw, bang hangin hih thupiang lamdangsa a, bang hangin ko hong hici et na hi uh hiam? Hih mipa lam ka paisak theihna uh, komau’ vang le komau’ hoihna hang sa na hi uh hiam?

Galati 6:12

Note in na vun uh na at nadingun a hong hahbawl mite in mihoih ahihna uh kilangsak nuamin, a kimuthei nate a kisialhpih mite ahi uh hi. Singlamteh tungah Khrih a sihna thu hangin amaute in bawlsiatna a ngah loh nadingun a tuaci gamtat ahi uh hi.

Thu-hilhkikna 24:13

ni a tum ciangin, a puanza silhin nang thupha hong piak theihna dingin tua hong na khap ama kiangah na piakik ding uh hi. Tua pen Topa note’ Pasian’ mai-ah note a dingin thumanna hi ding hi.

Hebru 11:26

Mailamah a thaman ding mukhol thei ahih manin Egypt gam sunga hauhna le nopsaknate khempeuh sangin Khrih hangin simmawhna thuak taakzaw tham hi, ci-in a ngaihsun hi.

Hebru 2:1

Tua ahih manin i zaksa thuman thutakte i khahsuahkhak loh nadingin kiptak khotakin i letkip ding kisam hi.

Hebru 6:10

Pasian, a man loin gamta ngei lo ahih manin na Khristianpihte uh a beisa hunah na huhna uh le tu dongin na huh laina uh tawh ama a dingin na nasepna uh le amah na itna uh na lahnate uh hong mangngilh het lo ding hi.

2 JOHAN NIHNA 1:8

Tua ahih ciangin na sepsa uh thuman taankha loin, a kimtakin na ngahtheih nadingun limtakin kidawm un.