Mattiu 5:48 - Tedim Bible

⁴⁸ Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Tedim Bible Revision 2017

⁴⁸ Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Mattiu 5:48 Iomraidhean Croise

Piancilna 17:1

Abram kum sawmkua le kua a phak ciangin ama tungah Topa kilang a, “Kei, Vanglian Pasian ka hi hi. Hoihtakin gamta inla, paubaang kei in.

2 SAMUEL NIHNA 22:31

“Hih Pasian a thu kicing a, Topa’ kamciamna a manna kilang hi. Amah a beelte khempeuh a dingin kidalna lum ahi hi.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi a dingin nopna a om hi.

Siampi Laibu 11:44

Kei pen Topa na Pasian uh ka hi hi. Tua ahih ciangin note ki-ap unla, kei siangtho ka hih manin note zong siangtho un. Leitungah a bokvak a hontat ganhing khat peuhpeuh tawh note na kininsak tawm kei ding uh hi.

Siampi Laibu 19:2

“Israel mihonte khempeuh kiangah hih bangin gen in: Note na siangtho ding uh hi; bang hang hiam cih leh Topa note’ Pasian keimah ka siangtho hi.

Siampi Laibu 20:26

Note pen keima a dingin na siangtho ding uh hi; bang hang hiam cih leh Topa ahi keimah ka siangtho a, note pen keima-a’ na hih theih nadingun mite kiang panin note kong tuamkoih zo hi.

Mattiu 5:16

Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai-ah na gamtat hoihna uh khuavak bangin na kilangsak un.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Mattiu 5:47

Na lawmte bek uh hopihin thupha na piak uhleh mi mawkmawkte sangin na hoihzawkna uh bang om ahi hiam? Gentail mite nangawn in tua bang ciang lel hih thei uh hi.

Luka 6:36

Tua ahih manin na Pa un hehpihna a neih bangin note in zong hehpihna lungsim nei ta un.

Luka 6:40

Sang naupang khat a siapa sangin lianzaw ngei lo hi; a sin ding khempeuh a theihkhit ciangin a siapa tawh kikim pan bek ding hi.”

2 KORIN NIHNA 13:11

Sanggamte aw, tu-in mangpha na man un. Na omzia uh na kipuahpha-in ka hong thugente na zui unla, khatlekhat kithutuak kilem takin na om un. Itna le kilemna a piathei Pasian in note hong ompih tahen.

2 KORIN NIHNA 13:9

Kote’ deih bulpi pen note na cingtaak theih nading uh ahih manin note’ thahat laitakin kote ka thaneemna uh zong ka nuam veve uh hi.

2 KORIN NIHNA 7:1

Tua ahih manin ka hong it lawmte aw, pumpi le lungsim a ninsak theite khempeuh panin kisiansuahin, Pasian zahtakna tawh nungta-in siangtho sinsenin om ni.

Efesa 3:1

No Gentail mite hangin Jesuh Khrih thu tawh kisai-in thongkia keimah Paul in Pasian kiangah thu ka ngen hi.

Thu-hilhkikna 18:13

Note pen Topa na Pasian uh mai-ah paubaang loin na om ding uh hi.

Thu-hilhkikna 27:10

Tua ahih ciangin Topa note’ Pasian’ thu mangin, tuni-a kong gen uh ama thupiaknate le ama thukhamte na zui ding uh hi,” a ci uh hi.

Kolose 1:28

Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

Kolose 4:12

Jesuh Khrih nasem, note’ makai Epafras in zong hong hopih hi. Pasian’ deihna bangin note nungta-in, lungsim khanghamin kiptakin na omtheih nadingun amah in thu hong ngetsak tawntung hi.

Jeim 1:4

A kisam bangmah om loin a cingtaak na suahtheih nadingun na thuakna uh hangin a tawntungin na kip paisuak nadingun na ngaihsun un.

1 JOHAN MASA 3:3

Khrih a siangtho mah bangin amah tawh kibat ding a lamen khempeuh in zong a nuntakna uh siangthosak ding hi.