Mattiu 5:44 - Tedim Bible

⁴⁴ Ahi zongin ke’n note kiangah kong genin-ah: Na galte uh na it unla, no hong bawlsiate a dingin thu na ngetsak un.

Tedim Bible Revision 2017

⁴⁴ Ahi zongin keʼn note kiangah kong genin ah: Na galte uh na it unla, no hong bawlsiate adingin thu na ngetsak un.

Mattiu 5:44 Iomraidhean Croise

2 KUMPI NIHNATE 6:22

Amah in dawngin, “Amaute na that kei ding hi. Na namsau le na thal tawh loin galmatin na laksate that ding na hi hiam? Amaute in an ne-in tui a dawn khit ciangin a topa uh kiangah a ciahkik theih nadingun amaute’ mai-ah anletui lui in,” a ci hi.

Late 7:4

bangmah thu om lopi-in ka lawmte khemin, ka galte ka huh taak leh,

Paunak 19:11

Pilna in mi lungduaisak a, mi’ hong hehsaknate kiphawkmawh bawlna in minthanna ahi hi.

Luka 23:34

Ahi zongin Jesuh in, “Pa aw, amaute in bang hih ihi hiam cih thei lo uh ahih manin a mawhna uh na maisak in,” a ci hi. Tua ciangin amau’ ngah ding ciat a theih nadingun ai sanin a puante a hawm uh hi.

Johan 13:34

Note tungah ka hong piak thak thu in: Note khatlekhat na ki-it ding uh ahi hi. Note ka hong it mah bangin note khatlekhat na ki-it un.

Sawltak 16:28

Ahi zongin a aw neihzah tawh Paul kiko a, “Bangmah kicih kei in! Ka vekpi-un kim ung!” a ci hi.

Sawltak 7:60

Tua ciangin amah kunin nakpitakin kiko a, “Topa aw, hih mite’ mawhna na maisak in,” a cih khit ciangin a si ta hi.

ROM (Romans) 12:14

No a hong bawlsia mite, Pasian in thupha a piak nadingin thu ngetsak unla, tua bang mite samsia loin thupha piazaw un.

1 THESALONIKA MASA 5:15

Gitlohna lamsang kuamah kithuk loin, note khatlekhat tung le mi khempeuh tungah a pha kibawl ding ngaihsutpi-in na nei un.

1 PETER MASA 2:23

Amah a kizahko ciangin na ko thuk lo hi. Gimna a thuak ciangin na tawnggawp lo a, a manin thu a khen Pasian muanin a na nei hi.

1 PETER MASA 3:9

Hong bawlsiate siatna tawh thukkik loin hong samsia mite samsia kik kei unla, Pasian in note a hong sap lai-in thupha a hong piak dingin hong ciamsa ahih manin, hong siat bawlte thupha tawh na thukzaw un.

1 SAMUEL MASA 24:17

Amah in David kiangah, “Nang pen kei sangin na thuman zaw hi. Keimah in nang tungah a sia kong bawl laitakin nang in kei tungah a pha nong bawl hi.