Mattiu 5:37 - Tedim Bible

³⁷ Na gen peuhmah ahi ahihleh, ‘Hi,’ ci inla, ahi lo ahihleh, ‘Hilo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.

Tedim Bible Revision 2017

³⁷ Na gen peuhmah ahi ahihleh, ‘Hi,’ ci inla, ahi lo ahihleh, ‘Hi lo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.

Mattiu 5:37 Iomraidhean Croise

Mattiu 13:19

Mi pawlkhat in Pasian’ hong ukna tawh kisai a lungdamhuai thu za napi-in a thu theitel lo uh ahih manin Dawimangpa hong pai-in amau lungsim sunga a kivawh thu a lakkhiatsak hi. Hih bangte pen lolai lampi dung a tu khaicite tawh kibang hi.

Mattiu 13:38

Lolai pen leitung hi a, taangci hoih i cih pen Pasian’ ukna sungah a om mite ahi uh hi. Tahumte pen Gilopa tawh a kipawl mite hi a,

Mattiu 15:19

Bang hang hiam cih leh lungsim panin mi thahnopna, mi zi tawh mawhnopna, nungak tawh mawhnopna, guktakna, zuau genna, mi gensiatna, le ngaihsut hoih lo a tuamtuam hong piangkhia hi.

Mattiu 5:36

Kiciamna-in na lutang zong na zang kei in. Na lu tunga om samzang khat bek nangawn a kangsa vomsak thei loin, a vom pen na kangsak thei kei hi.

Mattiu 6:13

Ze-etna lian hong thuaksak ke’n. Gilo’ kiang pan hong honkhia in,’ (Uk zawhna, vangliatna, minthanna, na nei tawntung hi. Amen.) ci-in na ngen ding uh hi.

Johan 17:15

Leitung panin amaute na lakkhiat ding a hong ngetsak ka hi kei a, a Gilopa’ bawlsiat nading panin na kep ding a hong ngen ka hi hi.

Johan 8:44

Note pen na pa uh Dawimangpa’ tate na hi uh a, na pa uh deihna bangin a gamta nuam na hi uh hi. A kipat a kipanin na pa uh mi that hi a, thuman gen ngei lo ahih manin thuman tawh kipawl thei lo hi. Amah pen zuauna khempeuh a pianna a zuaugen pa ahih manin zuau a gen ciangin ama ngeina hi lel hi.

Efesa 4:25

Tua ahih manin zuau gen nawn kei unla, Khrih pumpi nate ihihna hangin pawlkhat ihih manin khatlekhat tungah thuman kigen ni.

Efesa 6:16

Tua banah, dawimangpa’ hong kapna thaltang kuangte na sukmit nadingun lum puak bangin upna na nei tawntung un.

Kolose 3:9

Ngeina lui le gamtatna lui khempeuh a beisakkhin na hihna uh kithei-in khatlekhat tungah zuauthu kigen nawn kei unla,

Kolose 4:6

Kam na pau uh ciangin mi’ zaknop, mi’ ngaihnop dingin na pau un. Tua hileh na kihopih uh mite khempeuh a dingin phattuamna a nei kam a pau na hi ding uh hi.

2 THESALONIKA NIHNA 3:3

Note ahihleh, Topa citak mahmah ahih manin hong thahatsak ding a, A Gilopa kiang panin hong honkhia ding hi.

Jeim 5:12

Hih thute khempeuh banah, sanggamte aw, thu khat peuhpeuh na gen uh ciangin kiciam se kei un. Vantung ahi a, na khat peuhpeuh tawh ahi zongin kiciam kei un. Pasian’ thukhenna na thuakkhak loh nadingun a hite, “Hi,” ci lel unla, a hilote, “Hilo,” na ci lel un.

1 JOHAN MASA 2:13

Pate aw, a kipat cil a kipanin a na om pa thei na hih manun lai a hong gelh ka hi hi. Tangvalte aw, Dawimangpa zokhin na hih manun lai a hong gelh ka hi hi. Tate aw, Pa Pasian thei taktak na hih manun lai a hong gelh ka hi hi.

1 JOHAN MASA 3:12

Dawimangpa’ mi ahi, a naupa mahmah a that Kain bang kei ni. Kain a gamtatna man lo a, a naupa’ gamtatna man ahih manin Kain in a naupa a that ahi hi.

1 JOHAN MASA 5:18

Pasian’ tate in mawhna bawlbawl lo uh hi. Pasian’ Tapa in amaute kem a, Dawimangpa in amaute susia zo lo hi.