Mattiu 5:24 - Tedim Bible

²⁴ Pasian na biak nading nate, a biakna tau mai-ah nusia photin, pai-in na sanggampa tawh va kilem phot inla, tua khit ciangin hong paikikin Pasian biakna pia in.

Tedim Bible Revision 2017

²⁴ Pasian na biak nading nate, a biakna tau mai ah nusia photin, pai-in na sanggampa tawh va kilem phot inla, tua khit ciangin hong paikikin Pasian biakna pia in.

Mattiu 5:24 Iomraidhean Croise

JOB (Job) 42:8

Tu-in bawngtal sagih le tuutal sagih la-in Job kiangah paipih un la, note a dingin biakpiakna-in nei un. Job in note a dingin thu hong ngetsak ding a, keimah in ama thungetna ka pia ding hi. Note’ haina zahin kong minsiasak kei ding hi. Note in Job’ gen bangin keima thu a manin na gen kei uh hi,” a ci hi.

Paunak 25:9

Na thuneihpih na vengpa bek mah tawh thu kiseel inla, mi khat’ thusim midang’ tungah genthang kei in.

Mattiu 23:23

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in Pasian tungah lengmasel, masala, le kummin sing namtui a kipanin meh namtui nam khempeuh, sawm-ah-khat pia napi-in, thukham sungah a thupizaw ahi thutang, hehpihna, le thumante na don kei uh hi. Adangte nusia tuan loin hih thute na zuih ding uh ahi hi.

Mattiu 5:23

Tua ahih manin Pasian tungah biakna a pia dingin biakna tau mai-ah na om laitakin na sanggamte khat peuhpeuh na tungah a lungkim lohna thu na phawk leh,

Marka 9:50

Ci hoih hi; ahi zongin a alna mang leh bangci alsakkik thei ding na hi uh hiam? Note in ci al bangin hoihna nei unla, khatlekhat kilem un,” a ci hi.

1 KORIN MASA 11:28

Tua ahih manin a kuamah peuh ki-entel masa phot uh hen la, tua khit ciangin Topa’ anlum ne-in a hai panin leenggahzu dawn pan tahen.

1 TIMOTI MASA 2:8

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte’ thungetna in vang nei a, na lianpi semzo hi.